காதில் ஹெட் போனுடன் ரயில் தண்டவாளத்தில் நடந்து போனவர் ரயில் மோதி பலி!

**இளமாறன்** · **இளமாறன்** Sun Nov 27, 2011 1:09 pm

Print | E-mail
ஞாயிற்றுக்கிழமை, 27, நவம்பர் 2011 (10:7 IST)

காதில் ஹெட் போனுடன் ரயில் தண்டவாளத்தில் நடந்து போனவர் ரயில் மோதி பலி!

சேலம் மாவட்டம், வாழப்பாடி பக்கம் உள்ள பேளூர் மாதகோவில் தெருவை சேர்ந்தவர் லாரன்ஸ், இவரது மகன் மைக்கேல் (வயது 27). இவர் மும்பையில் உள்ள தனது உறவினர் ஒருவரின் செல்போன் கடையில் வேலை பார்த்து வந்தார்.

திருமணமான இவருக்கு, சேலம் அம்மாபேட்டையில் மாமனார் வீடு உள்ளது, கடந்த சில நாட்களுக்கு முன்னர் தனது மகனின் காது குத்து நிகழ்ச்சிக்காக மாமனார் வீட்டுக்கு வந்தவர் அங்கேயே தங்கியுள்ளார்.

26.11.2011 அன்று காலை, காதில் ஹெட் போனை மாட்டிக்கொண்டு செல்போனில் பாட்டுக் கேட்டபடியே மிலிட்டரி ரோட்டில் சென்று கொண்டிருந்த லாரன்ஸ், திடீரென பக்கத்தில் உள்ள சேலம், விருத்தாசலம் தொடர் வண்டி பாதையின் மீது ஏறி நடந்துள்ளார்.

அப்போது, இந்த பாதையில் சேலத்தில் இருந்து விருத்தாசலம் நோக்கி செல்லும் பயணிகள் இரயில் காலை 9.40 மணிக்கு தண்டவாளத்தில் வந்து கொண்டிருந்தது. லாரன்சுக்கு பின்னால் ரயில் வருவதை கவனித்த பொதுமக்கள் சிலர் சத்தம் போட்டு கத்தியும் காது கேட்காத லாரன்ஸ் பாட்டுக்கு தக்கபடி ஆடிக்கொண்டே தண்டவாளத்தில் குதித்து குதித்து நடந்து சென்றுள்ளார்.

சாலையில் சென்று கொண்டிருந்த பலர் கண்களால் பார்த்துக்கொண்டிருக்கும் போதே பின்னால் வந்து கொண்டிருந்த ரயில் மோதியதில், கண்ணிமைக்கும் நேரத்தில் தலை வேறு, உடல் வேறு என இரண்டு துண்டாக வெட்டப்பட்டு ரயில் ரோட்டின் இரண்டு பக்கமும் விழுந்துள்ளார் லாரன்ஸ்.

சமீபகாலத்தில் ரயில் பாதையில் விழுந்து சாகும் நபர்களில் கையில் செல்போனுடனும், காதில் ஹெட்போனுடனும் சென்று கவனக்குறைவால் விழுந்து சாவேரின் எண்ணிக்கை மிகவும் அதிகமாகி உள்ளது என்கின்றனர் ரயில்வே போலீசார்.
தங்கள் கருத்துக்களை பதிவு செய்யவும் நக்கீரன்

ஹர்ஷித் · ஹர்ஷித் Sun Nov 27, 2011 1:14 pm

சமீபகாலத்தில் ரயில் பாதையில் விழுந்து சாகும் நபர்களில் கையில்
செல்போனுடனும், காதில் ஹெட்போனுடனும் சென்று கவனக்குறைவால் விழுந்து
சாவேரின் எண்ணிக்கை மிகவும் அதிகமாகி உள்ளது என்கின்றனர் ரயில்வே போலீசார்.
ரயில் பாதையில் மட்டுமல்ல,சாலைகளிலும் இது நடக்கிறது.நல்ல எச்சரிக்கை இந்த தகவலை படித்த பிறகாவது கவனமாக இருங்கள் உறவுகளே....