இதய மொழிகள்

**இளமாறன்** · **இளமாறன்** Sun Nov 27, 2011 12:34 am

* இதயத்திற்கு இதமான உணவுகள், காய்கறிகள், பழ வகைகள் என்பதை மறவாதீர்கள்.

* ஒருவருடைய ஆயுளுக்கும், ஆரோக்கியத்திற்கும் "புகை''யை விட பெரிய "பகை'' இல்லை.

* சிகரெட்டின் நுனியில் தீ வைப்பவர்கள், தங்களுக்கு தாங்களே கொள்ளி வைத்துக் கொள்கிறார்கள்.

* வயிற்றின் சுற்றளவு கூட கூட, ஆயுள் ரேகையின் நீளம் குறையும்!

* பெண்கள் வீட்டின் கண்கள், நாட்டின் கண்கள் என்கிறோம். அவர்கள் இதயத்தை கண் போல காப்பது மிகவும் அவசியம்!

* நம் இதயம் துடிக்கும் வரை நாம் வாழ்கிறோம், நாம் இறந்த பின்பும் நம் இதயம் துடிக்கும், இன்னொரு உயிரை வாழ வைக்கும். ஆகையால் உடல் தானம் செய்தல் அவசியம்.

* லப் டப் என்பது இதயத்தின் தாளம்! அதை "ரம்", "தம்'' என்று தப்புத்தாளம் ஆக்கி விடாதீர்கள்.

* வயிறு முன்னே சென்றால் ஆரோக்கியம் பின்னே செல்லும். * வாயைக் கட்டினால் நோயை கட்டலாம்.

* நாற்பது வயது வரை நீங்கள் சொல்கிறபடி, உங்கள் உடம்பு கேட்கும்.

* நாற்பது வயதிற்கு பிறகு அதன் சொல்படி நீங்கள் நடக்க வேண்டியது இருக்கும்.

* காலையில் எழுந்தவுடன் நாம் கண்ணை மூடிக்கொண்டு தலை முதல் கால் வரை நம்மை நாமே ஸ்கான் செய்தால், எந்த உறுப்பில் என்ன குறை என்பது நமக்கே புரியும்.

* ஆப்பிள் உடலையும், இதயத்தையும் காக்கும்.

* ஆனால் ஆப்பிள் போன்று பருத்த வயிறு இதயத்தை தாக்கும்.

* மாரடைப்பு நோய் எந்த வயதிலும் எப்போது வேண்டுமானாலும் யாருக்கும் வரலாம் என்பதை மறவாதீர்கள்.

* 40 வயதிற்கு மேல் வருடம் ஒருமுறை ஈசிஜி பரிசோதனை செய்வது அவசியம்.

* இதயபூர்வமான நல்ல எண்ணங்களும் செயல்பாடுகளும் நம் இதயத்தை பாதுகாக்கும் கவசங்கள்.

* எண்ணம் சொல் செயல் நேர்கோட்டில் இருப்பவர்களுக்கு இதயம் ஆரோக்கியமாக இருக்கும் என்பதே உண்மை.

* சந்தோஷமான `மனசு' ஆரோக்கியமான `இதயத்திற்கு' உத்தரவாதம் ஆகும்.

* இதயநோயை வரும் முன் காப்பதே சிறப்பு.

* கோபப்படுகிறவன் சீக்கிரம், முதுமை அடைகிறான், நோயில் வீழ்கிறான்.

* நோயற்ற "இதயம்'' குறைவற்ற செல்வம்.

* ஆரோக்கியமான இதயம் நாளைய வாழ்வின் நம்பிக்கை உதயம்.

* இதயத்தை காக்க நாம் செய்யும் செலவு, ஆரோக்கியத்தின் வரவு ஆகும்.

* நித்தம் நடையும் நடை பழக்கம்.

* வீட்டில் வளரும் நாய் குண்டாக இருந்தால் அந்த வீட்டு எஜமான் சரியாக நடைபயிற்சி செய்யவில்லை என்று அர்த்தம்.

மாலைமலர்