தாவணிக் காற்றில் கவிதைகள் ..

மீனு · மீனு Sat Sep 26, 2009 5:38 pm

தாவணிக்காற்றில்.....கவிதை.

அழகே உன் சுவடு மறக்க
மரணம் போதுமடி.
அழகாய் உன் உதடு திறக்க
மலர்கள் நாணுமடி.

கழுகாய் உனை சுற்றி வந்தும்
போஜனம் இல்லையடி.
மெழுகாய் எனை உருக்கிவிட்டேன்
இனி ஜீவிதம் இல்லையடி.

நீ பிறக்கும் முன் பூத்தவை எல்லாம்
பூக்கள் இல்லையடி.
நீ பிறந்த பின்னும் பூக்கும் பூக்கள்
துணிச்சல் உள்ளதடி.

உன் பாதம் பட்டால் பூமிக்கு வியர்க்குதடி
அந்த வரம் இல்லையென வானமே அழுகுதடி.

உன்னை கவிதையாய் எழுத
காகிதங்கள் அலையுதடி.
உன் பெயர் மட்டும் எழுதினேன்
அது கற்கண்டாய் இனிக்குதடி.

உனை மறக்க நினைக்கும் ஒவ்வொரு நாளும்
நரகம் நரகமடி.
ஆதலால் அழகே உன் சுவடு மறக்க
மரணம் போதுமடி!!!

அன்பே
ஒரே ஒரு காரணம் சொல்
என்னை வெறுப்பதற்கு

அப்போதும்
ஆயிரம் காரணம் சொல்வேன்
உன்னை நேசிப்பதற்கு.

நெஜமாங்க நம்புங்க...இந்த அழகிய பாத்து எழுதின கவிதை தான்.

விதி
எல்லோரும் படித்தார்கள்
நான் பள்ளிக்கூடம் மட்டும் போனேன்!

எல்லோரும் சம்பாதித்தார்கள்
நான் வேலைக்கு மட்டும் போனேன் !!

எல்லோரும் திருமணம் செய்து கொண்டார்கள்
நான் காதலிக்க மட்டும் செய்தேன் !

எல்லோரும் பிள்ளை பெற்றுக்கொண்டார்கள்
நான் உடலுறவு மட்டும் கொண்டேன்!

எல்லோரும் தற்கொலைக்கு முயன்றார்கள்
நான் மட்டும் மரித்துப்போனேன்!!!

பூக்காரி
ஒற்றை காலோடு
பூக்கள் என்ன ஓடியா போய்விடும்

ஏன் கட்டி வைக்கிறீர்கள்.

**கா.ந.கல்யாணசுந்தரம்** · 28/02/2009

என்னை ஏன்
கட்டி வைக்கிறீர்கள்...
ஒற்றைக்கால் பூக்கள்!

என்ன மீனு இப்படி எழுதினால் ஹைக்கூ நன்றாக இருக்கும்!
...கா.ந.கல்யாணசுந்தரம்.

மீனு · மீனு Sat Sep 26, 2009 9:03 pm

Kaa Na Kalyanasundaram wrote:என்னை ஏன்
கட்டி வைக்கிறீர்கள்...
ஒற்றைக்கால் பூக்கள்!

என்ன மீனு இப்படி எழுதினால் ஹைக்கூ நன்றாக இருக்கும்!
...கா.ந.கல்யாணசுந்தரம்.

அருமை கல்யாணம்..நீங்க சொன்னதுதான் சிறப்பு ..

வித்யாசாகர் · வித்யாசாகர் Sat Sep 26, 2009 10:38 pm

மீனு wrote:விதி

எல்லோரும் படித்தார்கள்
நான் பள்ளிக்கூடம் மட்டும் போனேன்!

எல்லோரும் சம்பாதித்தார்கள்
நான் வேலைக்கு மட்டும் போனேன் !!

எல்லோரும் திருமணம் செய்து கொண்டார்கள்
நான் காதலிக்க மட்டும் செய்தேன் !

எல்லோரும் பிள்ளை பெற்றுக்கொண்டார்கள்
நான் உடலுறவு மட்டும் கொண்டேன்!

எல்லோரும் தற்கொலைக்கு முயன்றார்கள்
நான் மட்டும் மரித்துப்போனேன்!!!

இப்படி சிலருக்கு வலித்துக் கொண்டிருக்கும் உணர்வுகளை கூட கவிதையாய் படைத்தாவது ஆறுதல் சொல்லும் அக்கறை நல்ல கவிஞனுக்கே உண்டு. மன்னிக்கவும் இது போன்ற நல்ல கவிதாயினிக்கும் உண்டு. வாழ்த்துக்கள் சகோதரி உங்களின் அதிக பட்ச கவிதைகளை வாசிக்கிறேன். வார்த்தைகளின் வேகமும் அழுத்தமும் மனதை வருடாமலும் அழுத்தாமலுமில்லை சகோதரியே! நிறைய எழுதுங்கள் காலம் வெல்வீர்கள்!

மீனு · மீனு Sat Sep 26, 2009 10:40 pm

இந்த கவிதை மீனு எழுதலை வித்யாசாகர் ,படித்ததில் பிடித்தவை இவை..உங்கள் பாராட்டுக்கள் இந்த கவிதை எழுதியவர்களுக்கே சென்றடையும்..நன்றிகள் விட்யாசார்..

வித்யாசாகர் · வித்யாசாகர் Sat Sep 26, 2009 11:27 pm

பாவனையிலும் படைப்பாளி உருவாகலாம் மீனு, அவருக்கும் உங்களுக்கும் வாழ்த்துக்கள்!

நிறைய எழுதுங்கள் காலம் வெல்வீர்கள்!

Sponsored content · Sponsored content

தாவணிக் காற்றில் கவிதைகள் ..

தாவணிக் காற்றில் கவிதைகள் ..

Re: தாவணிக் காற்றில் கவிதைகள் ..

Re: தாவணிக் காற்றில் கவிதைகள் ..

Re: தாவணிக் காற்றில் கவிதைகள் ..

Re: தாவணிக் காற்றில் கவிதைகள் ..

Re: தாவணிக் காற்றில் கவிதைகள் ..

Re: தாவணிக் காற்றில் கவிதைகள் ..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக