டிராவை நோக்கி மும்பை டெஸ்ட்- அஸ்வின் சதம் - தெண்டுல்கர் 94

by **இளமாறன்** Sat Nov 26, 2011 1:49 am

மும்பை, நவ. 25-

இந்தியா-வெஸ்ட் இண்டீஸ் மோதும் 3-வது மற்றும் கடைசி டெஸ்ட் கிரிக்கெட் போட்டி மும்பை வான்கடே மைதானத்தில் நடைபெற்று வருகிறது. வெஸ்ட் இண்டீஸ் முதல் இன்னிங்சில் 590 ரன் குவித்தது. டாரன் பிராவோ 166 ரன்னும், எட்வர்ட்ஸ் 86 ரன்னும், போவெல் 81 ரன்னும் எடுத்தனர். அஸ்வின் 5 விக்கெட்டும், வருண் ஆரோன் 3 விக்கெட்டும் கைப்பற்றினார்கள்.

பின்னர் முதல் இன்னிங்சை விளையாடிய இந்தியா நேற்றைய 3-வது நாள் ஆட்டநேர முடிவில் 3 விக்கெட் இழப்புக்கு 281 ரன் எடுத்து இருந்தது. தெண்டுல்கர் 67 ரன்னிலும், லட்சுமண் 32 ரன்னிலும் ஆட்டம் இழக்காமல் இருந்தனர்.

இன்று 4-வது நாள் ஆட்டம் நடந்தது. வெஸ்ட்இண்டீஸ் வீரர்களின் பந்துவீச்சில் விக்கெட்டுகள் அடுத்தடுத்து சரிந்தன. லட்சுமண் மேலும் ரன் எதுவும் எடுக்காமல் அவுட் ஆனார். தெண்டுல்கர் 94 ரன்னிலும், கேப்டன் டோனி 8 ரன்னிலும் ஆட்டம் இழந்தனர்.

331 ரன்னில் இந்தியா 6 விக்கெட்டை இழந்தது. 7-வது விக்கெட்டுக்கு கோலியுடன் அஸ்வின் ஜோடி சேர்ந்தார். இந்த இரண்டு பேரின் பொறுப்பான ஆட்டத்தினால் இந்தியா பாலோ ஆனை தவிர்த்தது. விராட் கோலி 52 ரன்கள் எடுத்திருந்த போது ஆட்டமிழந்தார்.

அடுத்தடுத்த வந்த வீரர்கள் ஆட்டமிழந்தாலும், மறுமுனையில் களத்தில் நின்று விளையாடி வரும் தமிழக வீரர் ரவிச்சந்திர அஸ்வின் அபாரமாக ஆடி சதமடித்தார். 117 பந்துகளை சந்தித்த அஸ்வின் 15 பவுண்டரிகள் மற்றும் 2 சிக்ஸர்கள் விளாசி, சதத்தை எட்டினார். இது இவருக்கு இரண்டாவது டெஸ்ட் என்பது குறிப்பிடத்தக்கது. முதல் இன்னிங்ஸில் 5 விக்கெட்டுகளையும் அஸ்வின் வீழ்த்தியிருந்தார் என்பது குறிப்பிடத்தக்கது

இந்த போட்டியில் 100-வது சதத்தை எட்டுவார் என்று எதிர்பார்க்கப்பட்ட சச்சின் தெண்டுல்கர் 94 ரன்களில் ஆட்டமிழந்தார் என்பது குறிப்பிடத்தக்கது.

இந்திய அணி தனது முதல் இன்னிங்ஸில் அனைத்து விக்கெட்டுகளையும் இழந்து 482 ரன்கள் எடுத்துள்ளது. அபாரமாக ஆடிய அஸ்வின் 103 ரன்னில் ஆட்டமிழந்தார். ஓஜா ரன் ஏதுமின்றி களத்தில் இருந்தார்.

பின்னர் இரண்டாவது இன்னிங்சை தொடங்கிய வெஸ்ட் இண்டீஸ் அணி 4-வது நாள் ஆட்ட நேர முடிவில் 2 விக்கெட்டை இழந்து 81 ரன்கள் எடுத்திருந்தது. பரத் 3 ரன்னும்,எட்வர்ட்ஸ் 17 ரன்னும் எடுத்து அவுட் ஆனார்கள். பிராத் வொயிட் 37 ரன்னுடனும், பிராவோ 27 ரன்னுடனும் களத்தில் உள்ளனர். நாளை ஒரு நாள் மட்டுமே இருப்பதால் மும்பை டெஸ்ட் டிராவில் முடிய வாய்ப்பு உள்ளது.

மாலைமலர்

by **ரா.ரமேஷ்குமார்** Sat Nov 26, 2011 7:12 am

தொடரை வென்று விட்டதால் டிரா ஆனாலும் பிரச்சனை இல்லை...

117 பந்துகளை சந்தித்த அஸ்வின் 15 பவுண்டரிகள் மற்றும் 2 சிக்ஸர்கள் விளாசி, சதத்தை எட்டினார். இது இவருக்கு இரண்டாவது டெஸ்ட் என்பது குறிப்பிடத்தக்கது. முதல் இன்னிங்ஸில் 5 விக்கெட்டுகளையும் அஸ்வின் வீழ்த்தியிருந்தார் என்பது குறிப்பிடத்தக்கது

அஸ்வினுக்கு இது முதல் தொடர் ஆனால் மூன்றாவது டெஸ்ட் போட்டி...

by பாலாஜி Sat Nov 26, 2011 10:44 am

இந்தியா வெற்றி பெற வாய்ப்பு ஏற்பட்டுள்ளது .... இப்பொழுது இந்தியா அணியின் வெற்றி சேவாக் கையில் உள்ளது ...

by dhilipdsp Sat Nov 26, 2011 10:45 am

ஆம் நண்பா ? டிராவை நோக்கி மும்பை டெஸ்ட்- அஸ்வின் சதம் - தெண்டுல்கர் 94 224747944

by **ராஜா** Sat Nov 26, 2011 11:03 am

வை.பாலாஜி wrote:இந்தியா வெற்றி பெற வாய்ப்பு ஏற்பட்டுள்ளது .... இப்பொழுது இந்தியா அணியின் வெற்றி சேவாக் கையில் உள்ளது ...

முதல் session முடிவதற்குள் வெ.இ ஆட்டமிழந்தார்கள் என்றால் இந்தியாவிற்கு வாய்ப்பு உள்ளது. டிராவை நோக்கி மும்பை டெஸ்ட்- அஸ்வின் சதம் - தெண்டுல்கர் 94 224747944

by **பிளேடு பக்கிரி** Sat Nov 26, 2011 11:04 am

வெ.இ--134/9

by பாலாஜி Sat Nov 26, 2011 11:08 am

ராஜா wrote:
வை.பாலாஜி wrote:இந்தியா வெற்றி பெற வாய்ப்பு ஏற்பட்டுள்ளது .... இப்பொழுது இந்தியா அணியின் வெற்றி சேவாக் கையில் உள்ளது ...
முதல் session முடிவதற்குள் வெ.இ ஆட்டமிழந்தார்கள் என்றால் இந்தியாவிற்கு வாய்ப்பு உள்ளது.

ஆமாம் தல , வெஸ்ட் இண்டீஸ் அனைத்து விக்கெட்டையும் இழந்துவிட்டது .
டெஸ்ட் கிர்க்கெட்டில் அதிகபட்ச ரன் ரேட் 3.00 தான் ... சேவாக் அதிரடியாக விளையாடி தந்தார் என்றால் வெற்றி நம்பக்கம் தான் ..

by **பிளேடு பக்கிரி** Sat Nov 26, 2011 11:11 am

[quote="வை.பாலாஜி"][quote="ராஜா"]

வை.பாலாஜி wrote:

ஆமாம் தல , வெஸ்ட் இண்டீஸ் அனைத்து விக்கெட்டையும் இழந்துவிட்டது .
டெஸ்ட் கிர்க்கெட்டில் அதிகபட்ச ரன் ரேட் 3.00 தான் ... சேவாக் அதிரடியாக விளையாடி தந்தார் என்றால் வெற்றி நம்பக்கம் தான் ..

சேவாக் அதிரடியாக விளையாடி தந்தார் என்றால் வெற்றி நம்பக்கம் தான்.உண்மை.
ஆனால் நம்ம ஆளுங்க ஆல்அவுட் ஆனாலும் ஆகிடுவாங்க.. அதிர்ச்சி