கடிதம் ஒரு நினைவுச் சின்னமான கதை?

கடிதம் ஒரு நினைவுச் சின்னமான கதை?

அலபாமா: ‌பொதுவாக தபால்
மூலம் பெறும் கடிதங்கள் உள்ளூர் என்றால் அதிகபட்சம் 2நாட்கள் ஆகும்.
வெளியூர் என்றால் 3 நாட்கள் ஆகும். ஆனால் அமெரிக்காவில் 66 ஆண்டுகளுக்கு
முன்பு அனுப்பப்பட்ட கடிதம் ஒன்ற இன்று வரை உரிய முகவரி தெரியாமல்
அருங்காட்சியகத்தில் வைக்கப்பட்டுள்ளது. இரண்டாம் உலகப்போரின் போது
அமெரிக்க பெண் ஒருவருக்கு அனுப்பப்பட்ட கடிதம் ஒன்று இன்றுவரை அந்த பெண்
யார் என தெரியாத காரணத்தால் அந்த கடிதம் தற்போது கலிப‌ோர்னியா
அருங்காட்சியகத்தில் வைக்கப்பட்டுள்ளது. இரண்டாம் உலகப்போர் துவங்கிய
காலத்தின் போது அலபாமா மாகாணத்திலிருந்து கடந்த 1944-ம் ஆண்டு ஆகஸ்ட் 9-ம்
தேதி ‌டெலிவரி செய்வதற்கான முத்திரையுடன் ,செஞ்சிலுவை சங்க மருத்துவமனை,
கலிப‌ோர்னியா என்ற முகவரியில் ஒரு பெண்ணிற்கு
அனுப்பபட்டிருந்தது. அந்த கடிதத்தின் உறையில் குறிப்பிட்டுள்ள முகவரியில்
குமாரி.ஆர்.டி. பிளட்சர், செஞ்சிலுவை சங்க மருத்துவமனை,கலிபேர்னியா
எனகுறிப்பிடப்பட்டிருந்தது. இந்த முகவரியில் அப்படி யாரும் இல்லை என
தெரிந்ததும் ராபர்ட்ஸ் முகாம் எனும் கலிபோர்னியா தபால் அலுவலகத்திற்கு
திருப்பி அனுப்பி வைக்கப்பட்டது. பின்னர் 26 ஆண்டுகளுக்கு பிறகு மீண்டும்
கடந்த 1970-ம் ஆண்டு அதே முகவரிக்கு அதே கடிதம் டெலிவரி செய்ய முயற்சி
மேற்கொள்ளப்பட்ட போது அங்கு அப்படி ஒரு பெயரில் பெண் யாரும் இல்லை என
தெரியவந்தது. இது குறித்து தபால் அலுவல நிர்வாகி கவுரடர்‌கிரே மெக்மாஸ்டர்
கூறுகையில், பொதுவாக தபால்கள் நண்பர்கள், உறவினர்களிடமிருந்து தான்
பெறப்படும். எனினும் அந்த கடிதத்தினை சொந்த காரணங்களுக்காக அதை பிரித்து
படிக்க முடியாது. தற்போது அந்த கடிதம் முடிந்த அளவு பராமரிக்கப்பட்டாலும்.
அது கிழிந்து , நெய்ந்துபோய் உள்ளது. சம்பந்தப்பட்ட அந்த பெண் கலிபோர்னியா
ராணுவ மருத்துவமனையில் கடந்த 1951-ம் ஆண்டு வரை பணியாற்றியதாக தகவல்
கிடைத்துள்ளது. தற்போது அந்த பெண் எங்கு இருக்கிறார் என தேடி வருகிறோம்.
அ‌துவரை கடிதத்‌தினை பராமரித்து வைக்க கலிபோர்னியா அருங்காட்சியகத்தில்
வைத்துள்ளோம்.இவ்வாறு அவர் கூறினார். நன்றி: தினமலர்

அங்க இவ்வளவு பொறுப்பா இருக்காங்க

நம்ம நாட்டுல வந்த கடிதத்தை குடுக்க கூட இவுங்களுக்கு வலிக்குது

பகிர்வுக்கு நன்றி