அற்புதமான கிருமி நாசினி

by **சிவா** Thu Nov 24, 2011 11:48 pm

ஊருல இருக்குற எங்க பாட்டி வீட்டுக்குப் போனா போதும். அதிகாலை நாலு மணிக்கே ஊர்ல எல்லாரும் எழுந்து, சுறுசுறுப்பா அவங்கவங்க வேலைய செய்ய ஆரம்பிச்சுடுவாங்க. எவ்ளோ குளிரா இருந்தாலும் சரி, இவங்க அதைப் பற்றி கொஞ்சம் கூட பயப்பட மாட்டாங்க. ஏன், எங்க பாட்டியே வீட்டு வாசலுக்கு வந்து சாணித் தண்ணீய (பசுவின் சாணம் கலந்த நீர்) கரைச்சி வாசல்ல தெளிச்சி, அழகா கோலம் போடுவாங்களே.

நானும் என்ன பாட்டி, போயும் போயும் சாணித் தண்ணீய போய் தெளிக்கிறீங்களேன்னு கேட்டுட்டேன். அவ்வளவு தான். உனக்கு எங்கடீ இதோட அருமையெல்லாம் தெரியப் போவுதுன்னுட்டாங்க. ஆனால், பதில் மட்டும் எனக்கு தெரியவே இல்லை. உடனே, எங்க ஊருல உள்ள லைப்ரரிக்குப் போயி இதைப் பற்றிய விவரங்களை சேகரிச்சேன். அதாவது, சூரியன் உதிக்கும்போது, மற்ற நேரங்களை விட மிகவும் அதிகமாக புற ஊதாக்கதிர்கள் வெளிவருமாம். இவையெல் லாம் நம்மைச் சுற்றியுள்ள காற்றில் இருந்து சுமார் 19 சதவீதம் ஆக்சிஜன் வாயுவை எடுக்குது. அதுக்கப்புறம், சாணத்தண்ணீரில் இருந்து வெளியேறும் மீத்தேன் வாயுவுடன் சேர்ந்து பார்மால்டிஹைடுங்கற வேதிப்பொருளை உருவாக்குது. இது ஒரு அற்புதமான கிருமி நாசினி.

வீட்டுக்குள்ள வர்றவங்க வாசல்ல தெளிக்கப்பட்ட இந்த நீரில் மிதிச்சிட்டு தான் வருவாங்க. அப்போ, அவங்களோட கால்ல ஒட்டி, வீடு முழுக்க இந்த கிருமிநாசினி பரவி, நோயை உண்டாக்குற கிருமிகள் பரவாமல் தடுக்குதாம்.

தினதந்தி

by **சிவா** Thu Nov 24, 2011 11:49 pm

பீங்கான் கோப்பைகள் தயாராகும் விதம்

கயோலின்ங்கற ஒருவகையான வெள்ளைக் களிமண்ணில் இருந்துதான் பீங்கான் பாத்திரங்களை எல்லாம் தயாரிக்கிறாங்க. முதன் முதலா சீனர்கள் தான் மட்பாண்டங்கள் செய்யப் பயன்படுத்தினாங்க. கயோ-லிங் என்ற குன்றில் இருந்து கிடைப்பதால் இதற்கு கயோலின் என்ற பெயரு வந்துது. வேதியியல் ரீதியாகக் கயோலினில் 46 சதவீதம் சிலிக்கானும், 40 சதவீதம் அலுமினியம் ஆக்ஸைடும், 14 சதவீதம் நீரும் இருக்குதாம்.

by **சிவா** Thu Nov 24, 2011 11:49 pm

டோடோ பறவை

மொரீஷியஸ் தீவுல தான் இந்த பறவைகள் முதல்ல இருந்துருக்கு. கிட்டத்தட்ட 90 சென்டிமீட்டர் உயரமும், 15 கிலோகிராம் எடையும் இருக்கும். ஆனா, இது கொஞ்சம் பாவம்தான்.. ஏன்னு கேட்கறீங்களா, குட்டீஸ். இந்த பறவைக்கு பறக்கவே தெரியாது. அதனால, இந்த தீவுக்கு டச்சுக்காரங்கள்லாம் வந்து குடியேறினாங்க. அவங்க நாய், பூனை எல்லாம் கொண்டுட்டு வந்தாங்க. அவையெல் லாம் சேர்ந்து டோடோவை வேட்டையாடிடும்.

இப்படியே கொஞ்சம் கொஞ்சமா அழிந்த இந்த டோடோ 1681-ல் மொத்தமா அழிஞ்சுப் போயிட்டு.

டோடோ பறவை விரும்பி சாப்பிடுறது கல்வாரியா மேஜர்ங்கற மரங்களோட விதைகளைத் தான். இந்த பறவை அழிஞ்சு போனதும், இந்த மரங்களும் அழிஞ்சுப் போயிட்டு.

by **சிவா** Thu Nov 24, 2011 11:50 pm

கொய்யாவின் மகிமை

இதோட தாவரவியல் பேரு சிடியம் குஜாவா. இது ஒரு புதர்ச் செடி வகையைச் சேர்ந்தது. இலைகள் நீளமாகவும், தடிப்பாகவும் காணப்படும். வெள்ளை நிறத்தில் அழகா பூ பூக்கும். பழம் கோள வடிவத்தில இருக்கும். இந்த மரத்தோட இலை, பட்டை, பழம் என்று எல்லாமே மருத்துவக் குணம் உள்ளவைதான்.

இலைகள் திசுக்களைச் சுருக்கும். ரத்தப் போக்கை தடுத்து நிறுத்தும். மலச்சிக்கலைப் போக்கும். கசாயம் வாந்தியைத் தடுக்கும். ஈறுகளில் வீக்கமாக இருந்தால் இந்த கசாயத்தை வாயில் ஊற்றி, கொப்பளிக்கலாம்.

இதோட பட்டை காய்ச்சலைக் குணப்படுத்தும். வேர்ப்பட்டை குழந்தைகளின் வயிற்றுப் போக்கைக் கட்டுப்படுத்தும்.

கொய்யாப்பழம் உடலுக்கு உறுதியைத் தரும். தலைச்சுற்றுதல், இளைப்பு போன்றவற்றைக் குணமாக்கும் மருந்து தயாரிக்க உதவுது.