டெஸ்ட் போட்டிகளில் 13,000 ரன்களை கடந்தார் டிராவிட்

டெஸ்ட் போட்டிகளில் 13,000 ரன்களை கடந்தார் டிராவிட்- சச்சின் பாராட்டு


வியாழக்கிழமை, நவம்பர் 24, 2011,




மும்பை:
'இந்தியாவின் சுவர்' என்று செல்லமாக அழைக்கப்படும் ராகுல் டிராவிட் டெஸ்ட்
போட்டிகளில் 13,000 ரன்கள் என்ற புதிய மைல் கல்லை கடந்துள்ளார்.

இந்திய
கிரிக்கெட் அணியி்ல் கடந்த 15 ஆண்டுகளாக விளையாடி வருபவர் ராகுல்
டிராவிட். பொறுமையாக விளையாடும் தன்மைக் கொண்ட டிராவிட், டெஸ்ட்
போட்டியில் பல சாதனைகளை படைத்துள்ளார். இந்தியா தடுமாறும்போதெல்லாம் சுவர்
போல நின்று அணியைக் காத்தவர்.

சில மாதங்களுக்கு முன்பு
இங்கிலாந்து போயிருந்த இந்திய அணியில் டிராவிட் மட்டுமே சிறப்பாக ஆடினார்
என்பது நினைவிருக்கலாம். இங்கிலாந்தில் நடந்த ஒரு நாள் தொடரோடு ஒரு நாள்
போட்டிகளிலிருந்து டிராவிட் ஓய்வு பெற்று விட்டார்.

இந்த நிலையில்
இன்று டெஸ்ட் போட்டிகளில் 13,000 ரன்களைக் கடந்து புதிய சாதனை
படைத்துள்ளார் டிராவிட். 13,000 ரன்களைக் கடந்த 2வது வீரர் என்ற
பெருமையும் டிராவிடுக்குக் கிடைத்துள்ளது. முதலிடத்தில் சச்சின்
இருக்கிறார்.

160 டெஸ்ட் போட்டியில் விளையாடி உள்ள டிராவிட் இதுவரை
36 சதங்களை அடித்துள்ளார். டெஸ்ட் போட்டியின் சராசரியாக 53.0 ரன்களை
வைத்துள்ளார்.

14வது டெஸ்ட்டில் 1000 ரன்கள்

முன்னதாக தனது
14வது டெஸ்ட் போட்டியில் 1,000 ரன்களை கடந்த டிராவிட், அடுத்த 9
போட்டிகளில் (25 போட்டிகள்) 2,000 ரன்களை கடந்தார். கடந்த 2000-01ம்
ஆண்டு டெல்லியில் நடந்த டெஸ்ட் போட்டியில் 3,000 ரன்களை கடந்தார்.

கடந்த
2001ல் 4,000 ரன்களும், 2002ல் 5,000 ரன்களையும் கடந்தார். டிராவிட்டின்
73வது டெஸ்ட் போட்டியில் 6,000 ரன்கள் பூர்த்தியானது. 2003-04ல் 82வது
டெஸ்ட் போட்டியில் 7,000 ரன்களை கடந்தார். பின்னர் 2005-06ல் டிராவிட்
8,000 ரன்களை கடந்தார். கடந்த 2006ல் தனது 104வது டெஸ்ட் போட்டியில்
டிராவிட் 9,000 ரன்களை கடந்தார்.

கடந்த 2007-08ம் ஆண்டு சென்னையி்ல்
தென் ஆப்பிரிக்காவுக்கு எதிரான டெஸ்ட் போட்டியில் 10,000 ரன்களை
கடந்தார். பின்னர் 135வது டெஸ்ட் போட்டியில் 11,000 ரன்களும், 148வது
போட்டியில் 12,000 ரன்களையும் கடந்தார்.

இன்று மேற்கிந்திய தீவுகளுக்கு எதிரான டெஸ்ட் போட்டியில் 13,000 ரனக்ளை கடந்துள்ளார்.

ராகுல்
டிராவிட்டின் கலந்து கொண்ட டெஸ்ட் போட்டிகளில் சராசரியாக 12
போட்டிகளில் 1,000 ரன்கள் வீதம் கடந்து வந்துள்ளார். டெஸ்ட் போட்டிகளில்
புதிய மைல்கல்லை கடந்த டிராவிட்டை, டெஸ்ட் போட்டியில் அதிக ரன்கள்
எடுத்தவரும், தற்போது களத்தில் விளையாடி வருபவருமான சச்சின் பாராட்டினார்.

thatstamil

வாழ்த்துக்கள் டிராவிட்