நகரம்

tamilanmanian · tamilanmanian Thu Nov 24, 2011 12:26 pm

வண்ணத்துப் பூச்சி
தட்டான்
பொன் வண்டு
எதுவும் பார்த்ததில்லை
என் குழந்தை
கொசுவைத் தவிர. . .

திருடன் போலிஸ்
அம்மா அப்பா
கண்ணா மூச்சு
எதுவும் விளையாடத் தெரியாத
என் குழந்தை
கம்ப்யூட்டரில்
கார் ரேஸிங்கில். . .

சுடும் மணல் நதி
மதிய நேரப்பாறை
எதிலும் பாதம் பட்டு
சூடுபடாத என் குழந்தை
கட்ஷுக்குள்
வெந்து போனது

முருங்கை மரம் ஏறி விழுந்து
கை ஒடிந்தவன்
மறுநாள்
மாவுக் கட்டுடன் பள்ளிக்கூடத்தில்

பாத் ரூமில்
வழுக்கி விழுந்த
என் குழந்தை
பெட்ரெஸ்டில் பத்து நாள்

நகரத்தில்
எல்லா வசதியுடன்
வாழ்கிறது என் குழந்தை
வாழ்க்கையைத் தவிர. . .

**ஹிஷாலீ** · **ஹிஷாலீ** Thu Nov 24, 2011 12:51 pm

வாழ்க்கை வாழ்வதற்காகவே தான் நகரம் செல்கிறாள் ...
அங்கே இன்னொரு புதிய வாழ்க்கை கிடைக்கும் போது அதுவும் வாழ்க்கை தானே .......

இந்த பதிவைத் துவங்கியவர் நன்றி கூறியுள்ளார் ஹிஷாலீ

**உமா** · **உமா** Thu Nov 24, 2011 12:57 pm

என்ன கவிதைகளில் ஏதோ ஒரு வலி தெரிகிறதே.
கவலை வேண்டாம். அனைத்தும் சரி ஆகும்.
தவறாக சொல்லி இருந்தால் மன்னிக்க. புன்னகை

ranhasan · ranhasan Thu Nov 24, 2011 12:59 pm

tamilanmanian wrote:நகரத்தில்
எல்லா வசதியுடன்
வாழ்கிறது என் குழந்தை
வாழ்க்கையைத் தவிர. . .

நாங்களும்தான்... சோகம்

tamilanmanian · tamilanmanian Thu Nov 24, 2011 1:03 pm

அனைவருக்கும் ... நன்றிகள் பல .....

என்றும் அன்புடன்
தமிழன் மணியன்

**Dr.சுந்தரராஜ் தயாளன்** · 03/09/2011

tamilanmanian wrote:வண்ணத்துப் பூச்சி
நகரத்தில்
எல்லா வசதியுடன்
வாழ்கிறது என் குழந்தை
வாழ்க்கையைத் தவிர. . .

வாழ்க்கை வாழ்வதற்க்கே என்று அந்தக்காலத்தில் ஒரு தொடர் நாவல் படித்த ஞாபகம். குழந்தைக்கு மட்டும்தானா, எல்லோருக்கும் தானே...நல்ல கருத்தை சொல்லிஉள்ளீர்கள். உங்களுக்கு விருப்ப பொத்தானைப் பாவித்தேன் மகிழ்ச்சி

tamilanmanian · tamilanmanian Thu Nov 24, 2011 2:08 pm

..... நன்றி ஐயா ....

Sponsored content · Sponsored content

நகரம்

நகரம்

Re: நகரம்

Re: நகரம்

Re: நகரம்

Re: நகரம்

Re: நகரம்

Re: நகரம்

Re: நகரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக