பெங்களூரு ‌நீ‌திம‌ன்ற‌த்‌தி‌ல் ஜெயலலிதா ஆஜர்

பெ‌ங்களூ‌ர் ‌சிற‌ப்பு ‌நீ‌திம‌ன்ற‌த்த‌ி‌ல் நட‌ந்து வரு‌‌‌ம் சொத்து குவிப்பு வழக்கில் விசாரணைக்கு முதலமை‌ச்ச‌ர் ஜெய‌ல‌லிதா இ‌ன்று ஆஜரானா‌ர்.

உச்ச நீதிமன்றத்தின் உத்தரவின் பேரில், கடந்த அக்டோபர் 20 மற்றும் 21 தேதிகளில் இவ்வழக்கில் ஜெயலலிதா நேரில் ஆஜரானார். அப்போது, 150 சாட்சிகளின் வாக்குமூலத்தை ஆதாரமாகக் கொண்டு தயாரிக்கப்பட்ட 1384 கேள்விகளில், 567 கேள்விகளுக்கு ஜெயலலிதா பதிலளித்தார்.

‌மீதமு‌‌ள்ள 817 கே‌ள்‌வி‌க்கு அவ‌ர் இ‌ன்று ப‌தி‌ல் அ‌ளி‌க்க உ‌ள்ளா‌ர். இத‌ற்காக இ‌ன்று காலை ‌சிற‌ப்பு ‌விமான‌ம் மூல‌ம் பெ‌ங்களூ‌ர் ‌செ‌ன்றா‌ர். ‌பி‌ன்ன‌ர் 10 ம‌ணி‌க்கு பரப்பன அக்ரஹாரா, மத்திய சிறை வளாகத்தில் அமைக்கப்பட்டுள்ள தற்காலிக சிறப்பு நீதிமன்றத்‌தி‌ல் ஆஜரானா‌‌ர்.

ஜெயலலிதாவுடன் கு‌ற்ற‌ம்சா‌ற்ற‌ப்ப‌ட்டு‌ள்ள சசிகலா, இளவரசி, சுதாகர‌ன் ஆகியோரும் நீதிமன்றத்தில் ஆஜரானா‌ர்க‌ள். சிறப்பு நீதிமன்ற நீதிபதி மல்லிகார்ஜுனையா முன்னிலையில் விசாரணை நட‌ந்து வரு‌கிறது. அ‌ப்போது 817 கேள்விகளுக்கு ஜெயல‌லிதா பதில் அளி‌க்க உ‌ள்ளா‌ர்.

காலை 11 மணி‌க்கு தொட‌ங்‌கிய ‌விசாரணை பிற்பகல் 2 மணி வரையும், பின்னர் பிற்பகல் 3 முதல் 5 மணி வரையும் விசாரணை நடைபெறுகிறது. ஜெயலலிதாவை தொடர்ந்து சசிகலா, இளவரசி, சுதாகரன் ஆகியோரின் வாக்குமூலங்கள் பதிவுசெய்யப்பட உள்ளன.

ஜெயலலிதாவின் வருகையையொட்டி எச்.ஏ.எல். விமானநிலையம், ஒசூர் சாலை, பரப்பன அக்ரஹாரா பகுதிகளில் 1500‌க்கு‌ம் மே‌ற்ப‌ட்ட காவல‌ர்க‌ள் பாதுகாப்‌பி‌ல் ஈடுப‌ட்டு‌ள்ளன‌ர்.

இந்த வழக்கு தொடர்பாக கடந்த மாதம் 20, 21 தேதிகளில் பெங்களூ‌ர் ‌நீ‌திம‌ன்ற‌த்‌தி‌ல் ஜெயல‌லிதா ஆஜரானார் என்பது ‌நினை‌வி‌ல் கொ‌ள்ள‌த்த‌க்கது.