நாரை பூக்களில்

by அ.இராஜ்திலக் Mon Nov 21, 2011 12:59 pm

நகரத்திலிருந்து வளர்ந்து
உனது நாரைகளை பார்பதான
ஆசைக்கு
ஐப்பசி மழை வரம் தந்து இருக்கிறது

வாகனங்கள் வீடுகள்
வருத்தக நிறுவனங்கள்
கட்டிடங்கள் கற்சாலைகளையும்
கால்கள் மாற்றி
பாதை மறந்து போன
பரபரப்பிலிருந்து
ஒழுங்கையின் இருமருங்கிலும்
உள்ள கள்ளிகள்
இப்போது இடைவெளியினை
குறைத்துவிட்டது நமக்கு

காலைவெயிலினை
பத்துமணிவரை கட்டுபாட்டுக்குள்
வைத்திருக்கும் நிழலினூடே
நீயும் நானும்
ஒருவருக்கொருவர்
"நிழலின்றி நிழலாகி"
மாறிக்கொள்கிறோம் .

மூங்கில் தோப்புகளை தாண்டிய
நாற்று வயல்களை
குயிலின் இசையே
பயிரிட்டிருந்தது

இப்போது
வரிசையாக வரப்புகளில் அமர்ந்து
மண்புழுக்களையும், தவளை குஞ்சுகளையும்
எதிர்பார்க்கும் நாரைகளை

காதல் மௌனத்திற்கு பழகிய
உன் இதழ் வியப்படைந்து
"மகிழ்ச்சி வேட கூச்சலிடுகிறது "

மனித மகிழ்ச்சி புரியாத
கற்று கொள்ளவதற்காக
பறந்து செல்லும்
நாரைகூட்டங்களை நினைத்து
விக்கித்து
மீண்டும் மௌனமான உனக்கு

புது சட்டைக்கு சம்மந்தமில்லாத
நகப் பூக்களை
நினைவு படுத்தி
அறிவியலை உதறிவிட்ட
குழந்தையாகி போகிறோம்

நான்கு கைகளிலும்
நம்பிக்கை பூக்களை
மண் வாசனையில் மகிழ்ந்து
கொண்டே வாழ்நாள்