கொலை (சிறுகதை -கே.பாலா)

by **கே. பாலா** Mon Nov 21, 2011 9:02 am

கொலை -
கே. பாலா

நன்றி: தினமலர் வாரமலர் : 27.06.2004

"நேத்தைக்கு பார்வதியம்மாவை கொலை பண்ணிட்டாங்க தெரியுமா"?... " வசந்தாவிடம் கேட்டுக்கொண்டே வந்தாள் . சரசு

சரசு என்ற சரஸ்வதி பக்கது வீட்டில் குடியிருக்கிறாள் !
நேரம் கிடைக்கும்போதெல்லாம் வசந்தாவிடம் அரட்டை அடிப்பதே வேலை .

"இல்லடியம்மா..." எனக்கு தெரியாதே ! அவசர வேலையா வேதாரண்யம் போயிருந்தேன் .... பஸ் ல வரும்போது கூட பக்கத்து சீட்ல பேசிக்கிட்டு வந்தாங்க !... நானே உன்னிட்ட கேட்கணும்னு நெனச்சேன் ...! சொல்லு என்ன நடந்துச்சு !.....யாரு செஞ்சது ."..! சரசின் குரலில் ஆர்வமும் ...பதற்றமும் கலந்திருந்தது !

" ரொம்ப வேதனைக்கா ! என்ன இருந்தாலும் பார்வதியம்மாவுக்கு இந்த கொடுமை நடந்திருக்க கூடாது .".!..ம ...என்ன இளகிய மனசு அடுத்தவங்களுக்கு ஒரு கஷ்டம்னா பொறுக்க மாட்டாளே!...படுபாவிக்கு அவளை கொல்ல எப்படிதான் மனசு வந்துச்சோ .... அவளை பத்தாலே மனசு நிறையுமே !...இனிமே எப்படி பக்கமா இருக்க போரமோ ...! வசந்தவுக்கு துக்கம் தொண்டையை அடைத்தது ..! பேசமுடியவில்லை கண் கலங்கினாள்

"அப்போ அவளை கொன்றவன் யாருனும் தெரியுமா?...."

"வேறயாரு..அவளோட மகன்தான் ..! பொண்டாட்டி வீட்ல இருக்கும் போது அவன் கூத்தியாளை..வச்சிருக்கிறதை தட்டி கேட்டாளா அதான் ....ஆத்திரத்துல வெட்டி சாச்சிட்டான் படுபாவி ...."

இருவரும் மௌனமாக வேதனையோடு அமைதியாக இருந்தனர்

வசந்தா.....டி .வி யை ஆன் செய்தாள்....பிரபலமான சீரியலின் டைட்டில் பாடல் ஓடிக்கொண்டிருந்தது ...

அடுத்த கட்சியில் போஸ்ட் மார்டம்..முடித்து பார்வதியம்மாளின் உடலை உறவினர்களிடம் ஒப்படைக்கிறார்கள் ..!

பின்னணியில் சோக கீதம் ஒலிக்க ....ஒளிபரப்பாகிய தொடரை கண்கலங்க பார்த்து கொண்டிருந்தனர் ..சரசுவும் ..வசந்தாவும் .