அடுத்த மாதம் முதல் விமான கட்டணம் 25 சதவீதம் உயர்கிறது

by **இளமாறன்** Sun Nov 20, 2011 7:10 pm

புதுடெல்லி, நவ 19-

விமான எரிபொருள் விலை சமீபகாலமாக கடுமையாக உயர்ந்து விட்டது. 40 சதவீதம் அளவுக்கு எரிபொருள் விலை உயர்ந்து விட்டதால் எல்லா விமான நிறுவனங்களும் கடும் இழப்பை சந்தித்து வருகின்றன. கிங்பிஷர், ஜெட் ஏர்வேஸ் உள்பட 5 விமான நிறுவனங்கள் ஜூலை- செப்டம்பர் மாதங்களில் மட்டுமே ரூ.2500 கோடிக்கும் மேல் இழப்பை சந்தித்துள்ளன.

இந்த தொடர் இழப்பால் தனியார் விமான நிறுவனங்கள் திணறியபடி உள்ளன. கிங்பிஷர் நிறுவனம் தனது 400க்கும் மேற்பட்ட விமான சேவையில் சுமார் 200 சேவைகளை நிறுத்தி விட்டது. வங்கிகள் ரூ.400 கோடி கடன் கொடுத்தால்தான் விமான நிறுவனத்தை நடத்த முடியும் என்ற சூழ்நிலைக்கு கிங்பிஷர் நிறுவனம் தள்ளப்பட்டுள்ளது.

வருவாய் இழப்பை சரி கட்ட கட்டணத்தை உயர்த்துவதை தவிர வேறு வழி இல்லை என்ற முடிவுக்கு விமான நிறுவனங்கள் வந்துள்ளன. சுமார் 25 சதவீதம் கட்டண உயர்வு நடைமுறைப்படுத்தப்படும் என்று தெரிகிறது. அடுத்த மாதம் (டிசம்பர்) முதல் இந்த கட்டண உயர்வு அமலுக்கு வர உள்ளது. இதை மத்திய விமான போக்கு வரத்துத்துறை கண் காணித்து வருகிறது.

by **கேசவன்** Sun Nov 20, 2011 7:37 pm

நடக்கட்டும் நடக்கட்டும்

by 2009kr Sun Nov 20, 2011 9:43 pm

இனி ரயில் கட்டணம் மட்டும்தான் பாக்கி!!

by குரு Mon Nov 21, 2011 10:26 am

அதையும் ஏத்திடலாம் குமார்.. புன்னகை

by **பிளேடு பக்கிரி** Mon Nov 21, 2011 11:43 am

நாம எப்போ ஃப்ளைட்ல டிக்கெட் எடுதிருக்கோம் ஜாலி

by பேகன் Mon Nov 21, 2011 11:46 am

பிளேடு பக்கிரி wrote:
நாம எப்போ ஃப்ளைட்ல டிக்கெட் எடுதிருக்கோம்

அதென்ன பிளேடு பக்கிரி??

by **பிளேடு பக்கிரி** Mon Nov 21, 2011 11:50 am

விஜயகுமார் wrote:
பிளேடு பக்கிரி wrote:
நாம எப்போ ஃப்ளைட்ல டிக்கெட் எடுதிருக்கோம்

அதென்ன பிளேடு பக்கிரி??

நான் 3 வருஷமா வித்அவுட்ல தானே போய்கிட்டு இருக்கேன் ஜாலி

by உதயசுதா Mon Nov 21, 2011 12:02 pm

அனேகமா இது உள்நாட்டு விமான சேவைக்கா இருக்கும் என்று நினைக்கிறேன்.வெளிநாட்டு விமான சேவைக்கு டிக்கெட் விலைய ஏத்தினா ஒருத்தரும் இவங்க விமானத்துல வர மாட்டாங்க.
ஒரு காமெடி என்ன தெரியுமா? ஏர் இந்தியா விமான டிக்கெட் விலைய விட எமிரேட்ஸ் விமான டிக்கெட் விலை குறைவு.

by பாலாஜி Mon Nov 21, 2011 12:05 pm

உதயசுதா wrote:அனேகமா இது உள்நாட்டு விமான சேவைக்கா இருக்கும் என்று நினைக்கிறேன்.வெளிநாட்டு விமான சேவைக்கு டிக்கெட் விலைய ஏத்தினா ஒருத்தரும் இவங்க விமானத்துல வர மாட்டாங்க.
ஒரு காமெடி என்ன தெரியுமா? ஏர் இந்தியா விமான டிக்கெட் விலைய விட எமிரேட்ஸ் விமான டிக்கெட் விலை குறைவு.

ஆமாம் , எமிரேட்ஸ் சர்வீஸ் கூட நல்லாயிருக்கும் ,நிறைய பொழுது போக்கு வசதிகள் பயண அலுப்பை குறைக்கும் ..