கற்பழிப்பு-கள்ளத்தொடர்பு குற்றங்களுக்கு ஆண்களுக்கு மட்டும் தண்டனையா? பெண்களுக்கும் தண்டனை வழங்கவேண்டும்

கற்பழிப்பு, கள்ளத்தொடர்பு குற்றங்களுக்கு ஆண்களுக்கு தண்டனை வழங்கும் நிலையை மாற்றி செஸ் உறவுவைத்துக்கொள்ளும் பெண்களுக்கும் தண்டனை வழங்கவேண்டும் என்று அகில இந்திய ஆண்கள் நலச்சங்க தலைவர் பிரான்சிஸ் அந்தோனி கூறினார்.

அகில இந்திய ஆண்கள் நலச்சங்க தலைவர் பிரான்சிஸ் அந்தோனி சென்னையில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-

ஆண்கள் அதிகம் தற்கொலை

அகில உலக ஆண்கள் தினம் நேற்று கொண்டாடப்பட்டது. ஆண்கள் தினம் தேவையா? என்று கேட்கிறார்கள். பெண்கள் தினம் கொண்டாடும் போது ஏன் ஆண்கள் தினம் கொண்டாடக்கூடாது. கடந்த 12 ஆண்டுகளில் மனைவியால் ஏற்பட்ட கொடுமைகளால் ஒரு லட்சத்து 70 ஆயிரம் ஆண்கள் தற்கொலை செய்துள்ளனர்.

திருமணம் ஆன 3 ஆண்டுகளுக்குள் 98 சதவீத ஆண்கள் பெண்களால் பலவிதமான சித்ரவதைகளுக்கு ஆளாகிறார்கள். இந்தியாவில் பெண்களைவிட ஆண்களே அதிகம் தற்கொலை செய்துகொள்கிறார்கள். ஆண்டுக்கு 57 ஆயிரம் ஆண்களும், 30 ஆயிரம் பெண்களும் தற்கொலை செய்துள்ளனர் என்ற விவரங்களை அரசு வெளியிட்டுள்ளது. ஆண்டுக்கு 80 லட்சம் ஆண்கள் பல்வேறு குற்றச்சாட்டுகளுக்காக கைதாகி உள்ளனர். பெண்களுக்காக பல்வேறு மருத்துவ திட்டங்கள் அறிவிக்கும் அரசுகள் ஆண்கள் விஷயத்தில் மட்டும் அக்கறை காட்டுவது இல்லை.

வரதட்சணை தடுப்பு சட்டம்

பெண்களுக்கு மட்டும் மக்கள் வரிப்பணத்தை கொண்டு தேசிய பெண்கள் நல வாரியம் அமைத்துள்ளனர். எனவே ஆண்களுக்கு என்று ஒரு நலவாரியம் அமைத்து அவர்களின் பிரச்சினைக்கு தீர்வுகாண வேண்டும்.

கணவன்-மனைவி விவாகரத்து ஆகி பிரியும்போது குழந்தைகளை தந்தை வசம் ஒப்படைப்பதே இல்லை. இதனால் பல தந்தைகளுக்கு தன் குழந்தைகளை கண்ணால்கூட பார்க்க வாய்ப்பு கிடைப்பது இல்லை. ஆனால் குழந்தைகள் மற்றும் முன்னாள் மனைவிகளின் செலவுக்கு அந்த கணவன்தான் பணம் கொடுக்கவேண்டியது உள்ளது. பணம் கொடுக்காவிட்டால் சிறையில் அடைக்கப்படுகிறார்கள்.

ஆண்களுக்கு எதிராக வரதட்சணை தடுப்பு சட்டத்தின்கீழ் அதிக அளவில் பொய்வழக்குகள் போடப்படுகின்றன. மனைவிகளுக்கு இடையே ஏற்படும் சிறிய பிரச்சினைகளுக்கும் இந்த சட்டத்தை பெண்கள் பயன்படுத்துகிறார்கள். எனவே அனைத்து சட்டங்களும் ஆண்களுக்கும், பெண்களுக்கும் பொருந்தும் வகையில் மாற்றி அமைக்கப்படவேண்டும்.

பெண்களுக்கும் தண்டனை

வரதட்சணை, ஜீவனாம்சம், விவாகரத்து, குடும்ப வன்முறை இவை சார்ந்த சட்டங்கள் தற்கால சமூக நிலையை கருத்தில் கொண்டு மாற்றிஅமைக்கவேண்டும். கற்பழிப்பு மற்றும் கள்ளத் தொடர்பு போன்ற குற்றங்களுக்கு ஆண்களை மட்டுமே தண்டிக்கும் தற்போதைய நிலையை மாற்றி செக்ஸ் உறவுவைத்துக்கொண்டு ஏமாற்றும் பெண்களுக்கும் தண்டனை அளிக்கவேண்டும்.

இவ்வாறு பிரான்சிஸ் அந்தோணி கூறினார்.

பேட்டியின் போது தமிழ்நாடு ஆண்கள் பாதுகாப்பு சங்க தலைவர் அருள்துமிலன் உடன் இருந்தார்.

தினதந்தி

உண்மை, கண்டிப்பாக பெண்களுக்கும் தண்டனை வழங்க வேண்டும்.
ஓ போடுங்க .........

ஐயோ பாவம் இத்தனை பேரா அவதிப்படுறாங்க பெண்களால..

எவ்வழி நல்லவர் ஆடவர் அவ்வழி நல்லை வாழிய நிலனே.

(ஆடதானி என்றால் பெண் என்னும் பொருள் தெலுங்கில். அது தமிழின் பிள்ளை மொழியாக இருத்தலின் இதுவும் பெண்களைக் குறித்தே கூறப்பட்டவை என்றே கொள்ளலாமோ!!!!!! கடவுளுக்குத்தான் வெளிச்சம்).

ரெண்டு பேருக்கும் தண்டனை தரனும், அப்ப தான் தப்பே நடக்காது.

மாணிக்கம் நடேசன் wrote:ரெண்டு பேருக்கும் தண்டனை தரனும், அப்ப தான் தப்பே நடக்காது.

ஏன் சார் இப்ப்படியெல்லாம்? ரோட்டில் செல்லும் பொழுது ஒரு நாய் கடித்துவிட்டால், கடி வாங்கியவனுக்குத் தண்டனை என்பது எந்த விதத்தில் நியாயம்!

ஆமாம், இப்படி நான் யோசிக்கவில்லையே?