கந்தல் உடையில் தேவதைகள்!

by **இளமாறன்** Sat Nov 19, 2011 1:58 am

புயலும் மழையுமான ஓர் இரவு. தங்க இடம் இன்றி அந்தச் சிறிய ஓட்டலில் ஒரு கிழவரும், அவரது மனைவியும் நுழைந்தனர்.
எங்கும் தேடியும் எங்களுக்கு இடம் கிடைக்கவில்லை... இந்தக் கொடிய இரவை கழிக்க, ""தம்பி நீ உதவுவாயா!'' என்றார் கிழவர்.
""அடடா எங்கள் ஓட்டலிலும் இடம் இல்லை. ஊரில் நடக்க இருக்கும் திருவிழாவை முன்னிட்டு இட நெருக்கடி. என் அறையில் வேண்டுமானால் தங்குங்கள். நான் வெளியில் படுத்துக் கொள்கிறேன்... இந்த இரவில் நீங்கள் எங்கே செல்ல முடியும்!''என்றான்.
""உன்னை மாதிரி கருணை உள்ளம் கொண்ட இளைஞன் ஒரு பெரிய ஓட்டலின் மானேஜராக இருக்க வேண்டியவன். ஒரு காலத்தில் உனக்காக நான் ஒரு ஓட்டல் கட்டினாலும் கட்டுவேன்,'' என்றார் கிழவர்.
கிழவரும், அவரது மனைவியும் அவனது அறையில் தங்கிக் கொண்டனர். மறுநாள் காலையில் கிழவர் அவனுக்கு நன்றி சொல்லி விட்டு கிளம்பினர்.
இரு ஆண்டுகளுக்கு பிறகு, நியூயார்க்கிற்கு வரச் சொல்லி அந்த இளைஞனுக்கு தந்தி வந்தது. அதே பழைய கிழவர் சமீபத்தில் தான் கட்டிய மிகப் பெரிய ஓட்டலை அவனுக்குக் காட்டி, ""நீதான் இதற்கு மேனஜர்,'' என்றார்.
அவனது வாழ்க்கை எங்கோ போய்விட்டது.
எந்த மனிதனையும் அலட்சியமாக நினைக்காதீர்கள். கந்தல் உடையில் தேவதைகள் ஒளிந்திருக்கக்கூடும்!

வாரமலர்

by dsudhanandan Sat Nov 19, 2011 7:17 am

எந்த மனிதனையும் அலட்சியமாக நினைக்காதீர்கள்.

அருமையிருக்கு

மிகவும் உண்மை..சுதானந்தன் மகிழ்ச்சி

by **சிவா** Sat Nov 19, 2011 10:03 am

சரி இளா! இனிமேல் யார் வந்தாலும் என்னுடன் தங்க வைத்துக் கொள்கிறேன்! ஆனால் என் வீட்டிலிருந்து ஏதாவது பொருள் காணாமல் போனால் அதற்கு நீங்கள்தான் பொறுப்பேற்க வேண்டும்! சிரி

by உதயசுதா Sat Nov 19, 2011 10:04 am

நல்ல கதை இளா.

உடையை வைத்து யாரையும் எடை போட கூடாது.
பிச்சைகாரர்கள் வேசத்தில் பணக்காரர்களும் இருக்கலாம்.
பணக்காரர்கள் வேசத்தில் பிச்சைகாரர்களும் இருக்கலாம்

by Priyadharshan Sat Nov 19, 2011 10:39 am

வீட்டிலிருந்து ஏதாவது பொருள் காணாமல் போனால் அதற்கு நீங்கள்தான் பொறுப்பேற்க வேண்டும்.

by **பிரசன்னா** Sat Nov 19, 2011 10:57 am

கருத்துள்ள கதை தான், ஆனால் இந்த கலிகாலதில் இது பொருந்துமா என்பது சந்தேகமே....

by **இளமாறன்** Sat Nov 19, 2011 1:38 pm

சிவா wrote:சரி இளா! இனிமேல் யார் வந்தாலும் என்னுடன் தங்க வைத்துக் கொள்கிறேன்! ஆனால் என் வீட்டிலிருந்து ஏதாவது பொருள் காணாமல் போனால் அதற்கு நீங்கள்தான் பொறுப்பேற்க வேண்டும்!