தமிழகத்தில் பேருந்து கட்டணம் பயங்கர உயர்வு: ஜெயலலிதா அதிரடி

தமிழகத்தில் பேருந்து கட்டணம் பயங்கர உயர்வு: ஜெயலலிதா அதிரடி


வியாழக்கிழமை, நவம்பர் 17, 2011,


சென்னை: தமிழகத்தில்
பேருந்துக் கட்டணம் பெருமளவில் உயர்த்தப்பட்டுள்ளது. இது தொடர்பான
அறிவிப்பை முதல்வர் ஜெயலலிதா இன்று வெளியிட்டார்.

சென்னை நகர பேருந்துகளில் கட்டணம் 1 கிலோ மீட்டருக்கு 28 பைசாவிலிருந்து 42 பைசாவாக உயர்த்தபட்டுள்ளது.

வெளியூர்களுக்கு
செல்லும் செமி டீலக்ஸ் புறநகர் பேருந்துகளில் கட்டணம் 1 கிலோ மீட்டருக்கு
32 பைசாவிலிருந்து 56 பைசாவாக உயர்த்தப்பட்டுள்ளது.

வெளியூர்களுக்கு
செல்லும் சூப்பர் டீலக்ஸ் சொகுசு பேருந்துகள் மற்றும் சூப்பர் டீலக்ஸ்
புறநகர் பேருந்துகளில் கட்டணம் 1 கிலோ மீட்டருக்கு 38 பைசாவிலிருந்து 60
பைசாவாகவும் உயர்த்தப்பட்டுள்ளது.

அதே போல அல்ட்ரா டீலக்ஸ் பேருந்துகளில் கட்டணம் 1 கிலோ மீட்டருக்கு 52 பைசாவிலிருந்து 70 பைசவாக உயர்த்தப்பட்டுள்ளது.

இதே போல பிற மாவட்டங்களிலும் குறைந்தபட்ச, அதிகபட்ச பேருந்து கட்டணங்களும் உயர்த்தப்பட்டுள்ளன.

சென்னை
நீங்கலாக, தமிழகம் முழுவதும் நகரப் பேருந்துகளில் குறைந்தபட்ச பேருந்து
கட்டணம் 2 ரூபாயிலிருந்து 3 ரூபாயாக அதிகரிக்கப்படுள்ளது. அதிகபட்ச
பேருந்து கட்டணம் 7 ரூபாயிலிருந்து 12 ரூபாயாக அதிகரிக்கப்பட்டுள்ளது.

சென்னை
நகரப் பேருந்துகளைப் பொறுத்தவரை குறைந்தபட்ச கட்டணம் 2 ரூபாயிலிருந்து 3
ரூபாயாகவும்; அதிகபட்ச கட்டணம் 12 ரூபாயிலிருந்து 14 ரூபாயாகவும்
உயர்த்தப்படுகிறது.

உள்ளாட்சித் தேர்தல் முடிந்து, மக்களவைத்
தேர்தலுக்கு இன்னும் நீண்ட நாட்கள் உள்ள நிலையில் இந்த பேருந்துக் கட்டண
உயர்வு அமலுக்கு வந்துள்ளது.

thatstamil

அம்மாநா சும்மாவா

ஆரம்பித்து விட்டது அதிரடி அடி ...
தெரிந்தது தானே ..

பெட்ரோல் விலை குறைந்தது பஸ் கட்டணம் ஏறுகிறது

இனி ஒவ்வொன்றாக ஏறுமோ

தமிழக அரசின் பால் மற்றும் பஸ் கட்டண உயர்வு, மின் கட்டணத்தை உயர்த்தும் பரிந்துரையால், அனைத்து தரப்பினரும் அதிர்ச்சியடைந்துள்ளனர். தமிழகத்தில் எப்போதாவது பால் விலை உயரும், சில மாதம் கழித்து பஸ் கட்டணம் உயரும், ஆண்டுக்கு ஒரு முறை மின்கட்டணம் உயரும். (மத்திய அரசு தன் பங்கிற்கு மாதந்தோறும் பெட்ரோல், டீசல் விலை உயர்த்துவது தனிக்கதை). இப்படித்தான் விலை உயர்வு எட்டி பார்க்கும்.
ஆனால் பால் விலை ஏற்றம், பஸ் கட்டணம் உயர்வு, மின் கட்டணத்தை உயர்த்த பரிந்துரை என "எல்லா இடியும் மக்கள் தலையில் விழுந்த' நேற்றைய நாள், தமிழக மக்களுக்கு ஒரு அதிர்ச்சியான நாள். நிதி நிலையை காரணம் காட்டி, மத்திய அரசு தமிழகத்திற்கு நிதி தராததை குறிப்பிட்டு, முதல்வர் அறிவித்த விலை உயர்வு நடுத்தர மக்களை கடுமையாக பாதித்துள்ளது.

கடந்த ஆட்சியில் இலவச "டிவி' வழங்கப்பட்டது. இந்த ஆட்சியில் கிரைண்டர், மிக்சி, மின்விசிறி என, இலவசங்கள் தொடர்கின்றன. எந்த வீட்டில் "டிவி', மிக்சி இல்லை. இவற்றிற்கு செலவிடும் பணத்தை, அரசு ஆக்கப்பூர்வமாக செலவு செய்தால், பால், பஸ், மின்சார கட்டண உயர்வுகளை தவிர்க்கலாம்

பெட்ரோல் விலை உயர்வால் வருமானம் குறைந்துவிட்டது. இந்நிலையில் பால் விலை உயர்வால் அடித்தட்டு மக்களுக்கு பெரும்பாதிப்பு ஏற்படும். விலைவாசி நாளுக்கு நாள் உயர்ந்துவரும் நிலையில் பால், பஸ் கட்டண உயர்வால் மக்கள் அவதிப்படுவர்.


பூ விற்றால் தான் பிழைப்பு. குழந்தைகளுக்கு பால் கொடுப்பதை தவிர்க்க முடியாது. விலைவாசி உயர்வால் பூ வியாபாரமும் சரி இல்லை. அரிசி, பருப்பு, காய்கறி விலை உயர்ந்த நிலையில் அத்தியாவசிய பொருளான பால் விலை உயர்வை சமாளிப்பது எப்படி? என, தெரியவில்லை. இந்த ஆட்சியிலும் ஏமாற்றமே கிடைத்துள்ளது.


ஏற்கனவே மின்சாரம் எப்போது வரும், போகும் என, தெரியவில்லை. இந்நிலையில் மின்சாரத்திற்கு கட்டண உயர்வு கேலிக்கூத்தானது. கடந்த ஆட்சியில் பஸ் கட்டணம் மறைமுகமாக உயர்த்தப்பட்டது. தற்போதைய உயர்வு, ஏழை மக்களை பாதிக்கும். பஸ் தொழிலை அரசு முழுமையாக தனியாருக்கு கொடுத்துவிட்டால் நஷ்டம் வராது.
பால் அத்தியாவசிய பொருள்; அனைத்து குடும்பத்திலும் பயன்படுத்துகின்றனர். இதன் விலை உயர்வு மேல்மட்டம் முதல் அடித்தட்டு வரை பாதிக்கும். இதற்கு பதிலாக மதுபான விலையை உயர்த்தலாம். அரசுக்கு நேரடி வருமானமாகவும் இருக்கும்.

பாஸ்கர்...

நன்றி தினமலர்

அட ஆமாங்க 5 ரூபாய் இக்கு 11 ரூபாய் கொடுத்து வந்தேன்... இதுக்கு பதிலா நடந்தே வந்துடலாம்.

ரொம்ப அதிகமா விலை உயர்திருக்காங்க

இன்னும் நிறைய எதிர்பார்க்கிறோம்

அக்கா விடுங்க இதுதான் ஆரம்பம் இனி பாருங்க ?