பேஸ்புக் பயனாளர்களை தலைசுற்றவைக்கும் அதிர்ச்சி தகவல்!

by mohan-தாஸ் Thu Nov 17, 2011 4:47 pm

குளோபல் மீடியா அறிக்கையின் படி கடந்த ஞாயிற்றுக்கிழமை இரவிலிருந்து உலக முழுவதும் 60 லட்சம் ஃபேஸ் புக் அக்கவுண்டுகள் ஹேக் செய்யப்பட்டுள்ளன. சமூக வலைதளமாக உலக முழுவதும் பிரபலமடைந்துள்ளது ஃபேஸ் புக். கோடிக்கணக்கானோர் இதில் தங்களுக்கு என தனித்தனி அக்கவுண்டுகளை வைத்துள்ளனர். இந்நிலையில் கடந்த ஞாயிற்றுக்கிழமை இரவு யாரோ சில விஷமிகள் இந்த வலைதளத்திற்குள் நுழைந்து 60 லட்சத்திற்கும் மேற்பட்ட நபர்களின் கணக்குகளில் புகுந்து பாலியல் மற்றும் வன்முறை தொடர்பான புகைப்படங்களை இணைத்துள்ளனர். பெங்களூர் நகரத்தில் மட்டும்2 லட்சத்திற்கும் மேற்பட்ட ஃபேஸ் புக் பயனீட்டாளர்களின் கணக்குகள் ஹேக் செய்யப்பட்டுள்ளன.

பெங்களூரில் சைபர் க்ரைம் துறைக்கு இதுக்குறித்து ஏராளமான புகார்கள் வந்துள்ளன. சில புகார்கள் தொடர்பாக இத்துறை விசாரணையை துவக்கியுள்ளது. நேற்று காலை பெங்களூர் கோரமங்கலா பகுதியை சார்ந்த காமினி வர்மா என்பவர்(பெயர் மாற்றப்பட்டுள்ளது) தனது ஃபேஸ் புக் கணக்கை லாக் செய்துள்ளார். அவருக்கு அங்கே அதிர்ச்சி காத்திருந்தது. அவருடைய ஃபோட்டோவில் உள்ள முகத்தை மார்ஃபிங் முறையில் நிர்வாண நடிகையின் உடலில் ஒட்டிய புகைப்படம் காமினியின் ஸ்டேடஸ் செய்தியில் போஸ்ட் செய்யப்பட்டுள்ளது. இதனைப் பார்த்த அவரது தாயார், சகோதரர் மற்றும் 19 நண்பர்கள் காமினியை திட்டி மெஸேஜ் அனுப்பியுள்ளனர்.

இதனை கண்ணுற்று அதிர்ச்சியடைந்த அவர் நேரடியாக போலீஸுக்கு ஃபோன் செய்துள்ளார். அவர்கள் சைபர் க்ரைமில் புகார் அளிக்க அறிவுறுத்தினர். முந்தைய தினம் காமினியின் ஃபேஸ் புக் அக்கவுண்டின் அவரது நண்பரிடமிருந்து செய்தி அறிக்கை வந்துள்ளது. இது ஒரு பிரபல பத்திரிகையில் வெளியான செய்தி என குறிப்பிடப்பட்டிருந்தது. ’party till the wee hours’ என்ற செய்தி தலைப்பை படித்துவிட்டு அவர் அந்த ஆர்வத்துடன் அந்த லிங்கை க்ளிக் செய்துள்ளார். மறுநாள் அவருடைய கணக்கில் எல்லாமே மாற்றப்பட்டுள்ளது.

முன்பு ஓர்குட் என்ற வலைதளமும் இவ்வாறுதான் வீழ்ச்சியை சந்தித்தது. ஃபேஸ்புக்கு அதே போன்ற தாக்குதலுக்கு இலக்காகியுள்ளது. ஃபேஸ்புக் உரிய நடவடிக்கைகளை உடனடியாக மேற்கொள்ளாவிட்டால் அதற்கும் ஓர்குட்டின் கதிதான் ஏற்படும் என பிரபல மீடியா நிபுணர் ஒருவர் கூறியுள்ளார். ஆகவே தேவையற்ற லிங்குகள் உங்கள் ஃபேஸ்புக்கில் தென்பட்டாலோ அல்லது பாலியல் தொடர்பான ஸ்பேம் செய்திகள் உங்கள் வாலில்(wall) கண்டால் அதனை ஆர்வக் கோளாரில் க்ளிக் செய்துவிடாதீர்கள்.

by ரேவதி Thu Nov 17, 2011 4:49 pm

http://www.eegarai.net/t74765-topic#674956
பேஸ்புகில் நல்ல விஷ்யம் இருப்பதை விட இதுமாதிரி கெட்ட விஷ்யம்தான் நிறைய இருக்கு பேஸ்புக் பயனாளர்களை தலைசுற்றவைக்கும் அதிர்ச்சி தகவல்! 502589

பேஸ்புக் பயனாளர்களை தலைசுற்றவைக்கும் அதிர்ச்சி தகவல்! 502589

by **உமா** Thu Nov 17, 2011 4:50 pm

அப்படியா... எனது முகநூல் அக்கௌட்டிலும் பிரச்சனை ஏற்பட்டது.தேவை இல்லாத லிங்குகள் வந்து கொண்டே இருந்தது. நான் அந்த அக்க்கௌண்டை கிலோஸ் செய்து விட்டேன்.வேறு ஒரு அக்கௌண்டை ஓப்பன் செய்து உள்ளேன்.ஆனால் படங்களை இணைப்பது இல்லை...

மிக்க நன்றி மோகன் தாஸ்.
நல்ல விழிப்புணர்வு செய்திக்கு.

எங்கிருந்து செய்தி எடுக்கப்பட்டது என்பதை தாங்கள் போடவில்லை.

by பாலாஜி Thu Nov 17, 2011 4:53 pm

முகநூலில் உள்ள ஒரு அக்கவுண்ட் எப்படி நீக்குவது ///

by ரேவதி Thu Nov 17, 2011 5:00 pm

வை.பாலாஜி wrote:முகநூலில் உள்ள ஒரு அக்கவுண்ட் எப்படி நீக்குவது ///

Account Settings - Security - பேஸ்புக் பயனாளர்களை தலைசுற்றவைக்கும் அதிர்ச்சி தகவல்! Unledbylf

by பாலாஜி Thu Nov 17, 2011 5:07 pm

நன்றி ரேவதி ...

by **ரா.ரமேஷ்குமார்** Thu Nov 17, 2011 9:14 pm

ஏழாம் அறிவு படத்தில் ஒரு காட்சியில் அந்ந பேராசிரியர் சொல்லுவார் இப்போது எல்லாம் நோய்க்கு மருந்து கண்டுபிடிப்பது இல்லை நோய்யை தான் கண்டு பிடிக்கிறார்கள் என்று...அது போல தான் இப்பொழுது உள்ள மென்பொருள் வல்லுநர்களுள் சிலர் புதிது புதிதாக இப்படி ஹேக் செய்யவும் நஞ்சு மென்பொருளைகளையும் உருவாக்குவதிலே கவணம் செலுத்துகிறார்கள் போல் உள்ளது...