இப்போது சோமாலியக் கொள்ளையர்கள் ஃபிரான்சில்

இப்போது சோமாலியக் கொள்ளையர்கள் ஃபிரான்சில்



சோமாலியக் கடல் கொள்ளையர்கள் குறித்த‍ செய்திகள் அவ்வப்போது வந்துக் கொண்டே இருக்கும். இது எப்ப‍டி தொடர்ச்சியாக நடைப்பெறுகிறது என்று தெரியவில்லை.

பொதுவாகச் சோமாலியாவின் 3,700 கி.மீ நீளமுள்ள கடற்பகுதிதான் கொள்ளைகள் நடக்கும் களமாகக் கூறப்ப‍டுகிறது.

இப்போது அக்கொள்ளையர்கள் தொடர்பாக ஒரு புதிய செய்தி கிடைத்துள்ள‍து. அதாவது, இப்போது, முதன்முறையாகச் சோமாலியக் கொள்ளையர் மீது ஃபிரான்சு நீதிமன்றத்தில் வழக்குத் தொடுக்க‍ப்ப‍ட்டு நடைபெறுகிறது என்பதுதான் அச்செய்தி.

க‌டந்த 2008 ஆம் ஆண்டு, சோமாலியக் கடற்கரையில் சுற்றுலாவுக்கு வந்திருந்த திருமணமான‌ ஃபிரெஞ்சு இணையர்களான ஜான் ஏவாஸ் டெலனா மற்றும் பெர்னாடெட்டாவை, அவர்கள் தங்களின் சுற்றுலா படகில் சொகுசாகச் சென்று கொண்டிருந்தப் போது திடீரென திரைப்ப‍டப் பாணியில் 6 கொள்ளையர்கள் கடத்திச் சென்றனர். வேறு யாருமில்லை அதே சோமாலியக் கடல் கொள்ளையர்கள்தான். அவர்களின் ஒவ்வொருவ‌ரின் அகவையும் 21 முதல் 35 இருந்ததாகவும், அவர்கள் அந்த இணையர்களிடம் 2 பில்லியன் யூரோ கேட்டதாகவும் கூறப்ப‍டுகிறது.

இதை கேள்விப்ப‍ட்ட‍ உடனே, மீண்டும் நம் திரைப்படக் காவல்துறை போல் ஃபிரான்சின் சிறப்புப்படைப் பிரிவு விரைந்து சென்று இணையர்களை மீட்டும் கொள்ளையர்களைப் பிடித்தும் சென்றது.

கொள்ளையர்கள் அனைவரும் ஃபிரான்ஸ் சிறையில் அடைக்க‍ப்ப‍டனர். ஆனால் மீட்பு நடவடிக்கையின் போது அதில் ஒரு இளைஞன் மட்டும் நடந்த சண்டையில் சுட்டுக் கொல்லப்பட்டான்.

மற்ற‍வர்கள் மீது கடத்தல் மற்றும் கொள்ளைக் குற்றங்கள் சுமத்தப்பட்டன. இந்தக் குற்றங்கள் நீதிமன்றத்தில் மெயப்பிக்க‍ப்ப‍ட்டால் அவ‌ர்களுக்கு வாழ்நாள் சிறை கிடைக்கும் என்று கூறப்ப‍டுகிறது.

நன்றி

http://www.sivajitv.com