தாராபுரம் பகுதியில் இன்றும் நில நடுக்கம்: பொது மக்கள் பீதி

**இளமாறன்** · **இளமாறன்** Wed Nov 16, 2011 11:09 pm

தாராபுரம், நவ. 16-

தாராபுரம் கரூர் சாலையில் கன்னிவாடி ஊராட்சிக்குட்பட்ட மணலூர், ஒரத்துப் பாளையம், நல்லாம் பாளையம் உள்ளிட்ட 10 கிராமங்கள் உள்ளது. இக் கிராமங்களில் தற்போது அதிக பனிப் பொழிவு நிலவி வருகிறது. இதனால் பொதுமக்கள் இரவில் சீக்கிரமே படுத்து தூங்கி விடுகிறார்கள்.

நேற்று இரவு 9 மணியளவில் அனைவரும் வீட்டை பூட்டி விட்டு தூங்கி விட்டனர். இரவு 10.20 மணியளவில் திடீரென இடி சத்தம் போல் கேட்டது. பூமியும் அதிர தொடங்கியது. இதனால் வீட்டில் தூங்கி கொண்டிருந்த சிலர் கட்டிலில் இருந்து கீழே விழுந்தனர். நில நடுக்கம் ஏற்பட்டதால் பொது மக்கள் அலறியடித்து வீட்டை விட்டு வெளியே ஓடி வந்தனர்.

தொட்டிலில் தூங்கி கொண்டிருந்த குழந்தைகளையும் தூக்கி கொண்டு திறந்த வெளி பகுதிக்கு வந்தனர். ஆடு, மாடுகளையும் அவிழ்த்து விட்டனர். நில நடுக்கத்தால் ஒரு சில வீடுகளில் கீறல் ஏற்பட்டது. பாத்திரங்களும் உருண்டது.இரவு 11.30 மணி வரை தாராபுரம் பகுதியில் 7 முறை நில அதிர்வு ஏற்பட்டதாக பொது மக்கள் தெரிவித்தனர்.

இதன் காரணமாக பொது மக்கள் இரவில் வீட்டில் தூங்கவில்லை. ரோடு ஓரங்களில் கடும் பனியையும் பொருட்படுத்தாமல் படுத்து இருந்தனர். சிலர் தூங்காமல் விடிய விடிய பீதியில் காணப்பட்டனர். நில நடுக்கம் பற்றிய தகவல் கிடைத்ததும் தாராபுரம் தாசில்தார் சாமியப்பன், துணை தாசில்தார் முருகதாஸ் ஆகியோர் சம்பவ இடத்துக்கு விரைந்து சென்றனர். அப்போது மணலூர், ஒரத்துப் பாளையம் பகுதியில் 4 வீடுகளில் சுவரில் கீறல் ஏற்பட்டு இருந்ததையும், பாத்திரங்கள் உருண்டு கிடந்ததையும் கண்டு பிடித்தனர்.

வீடுகள் ஏதாவது இடிந்து உள்ளதா? என்பது குறித்து இன்று காலை ஆய்வு செய்கிறார்கள். வெள்ளக் கோவிலை சுற்றி உள்ள மயில் ரங்கம், ஒட்டக் காளி வலசு ஆகிய பகுதிகளிலும் நேற்று மாலை நில அதிர்வு ஏற்பட்டதாக பொது மக்கள் தெரிவித்தனர். ஆனால் சேதம் ஏதும் ஏற்பட வில்லை. இங்கும் பொது மக்கள் பீதியில் உள்ளனர். இந்த நிலையில் தாராபுரம் பகுதியில் இன்று அதிகாலையும் நிலநடுக்கம் ஏற்பட்டது. அதிகாலை 4.30 மணி அளவில் 2முறை நில அதிர்வு ஏற்பட்டதாக பொது மக்கள் தெரிவித்தனர்.

மீண்டும் காலை 7 மணிக்கும் நில அதிர்வு ஏற்பட்டது. நேற்று இரவில் இருந்து இன்று காலை 7 மணி வரை தாராபுரம் பகுதியில¢11 முறை நில நடுக்கம் ஏற்பட்டுள்ளது. இதனால் பொது மக்கள் பீதியில் உள்ளனர். புவியியல் ஆராய்ச்சி நிபுணர்கள் வந்து ஆய்வு செய்ய வேண்டும் என அவர்கள் கோரிக்கை விடுத்துள்ளனர்.

prlakshmi · prlakshmi Thu Nov 17, 2011 12:32 am

நமது பகுதிக்கு ஏற்றாற்போல் நாம் வாழ பழகிக்கொள்ளவேண்டும். இது நமக்கு வேண்டுமானால் புதிதாக இருக்கலாம். இலக்கியங்கள் வாயிலாக பலசேதிகள் உண்டு.
vairamani-lakshmi.blogspot.com

தாராபுரம் பகுதியில் இன்றும் நில நடுக்கம்: பொது மக்கள் பீதி

தாராபுரம் பகுதியில் இன்றும் நில நடுக்கம்: பொது மக்கள் பீதி

Re: தாராபுரம் பகுதியில் இன்றும் நில நடுக்கம்: பொது மக்கள் பீதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக