கணவரின் இறுதிச்சடங்கின்போது மனைவியின் உயிரும் பிரிந்தது

**இளமாறன்** · **இளமாறன்** Wed Nov 16, 2011 11:58 am

புதன்கிழமை, 16, நவம்பர் 2011 (8:59 IST)

கணவரின் இறுதிச்சடங்கின்போது மனைவியின் உயிரும் பிரிந்தது

திருவள்ளூர் மாவட்டம் ஊத்துக்கோட்டையை அடுத்த பூண்டி ஒன்றியத்தில் உள்ளது நெய்வாய் கிராமம். இந்த கிராமத்தில் முனுசாமி (85) என்ற முதியவர் வசித்து வந்தார். இவரது மனைவி புஷ்பம்மாள் (76). இவர்களுக்கு 4 மகன்களும், 4 மகள்களும் உள்ளனர்.

கடந்த சில மாதங்களாக முனுசாமி உடல்நலமில்லாமல் சிகிச்சை பெற்று வந்தார். இந்த நிலையில் அவர் நேற்று முன்தினம் உயிரிழந்தார்.

இதனால் முனுசாமியின் மனைவி புஷ்பம்மாள் கடும் அதிர்ச்சி அடைந்து கதறி அழுதார்.

மகன்கள், மகள்கள் உறவினர்கள் அனைவரும் வந்தவுடன் இறுதிச் சடங்கிற்கான ஏற்பாடுகள் நடந்து கொண்டிருந்தன. அப்போது புஷ்பம்மாள் மயங்கி விழுந்தார்.

உடனே உறவினர்கள் அவரை அருகில் உள்ள மருத்துவமனைக்கு கொண்டு சென்றனர்.

அவரை பரிசோதித்த டாக்டர்கள் அவர் ஏற்கனவே மரணம் அடைந்துவிட்டதாக தெரிவித்தனர்.

மருத்துவமனையில் இருந்து புஷ்பம்மாளின் உடல் வீட்டுக்கு கொண்டு வரப்பட்டு முனுசாமியின் உடல் அருகிலேயே வைக்கப்பட்டது. இதனால் சாவு வீடு மேலும் சோகமயமானது.

பின்னர் மாலையில் கணவன்-மனைவி இருவரது உடல்களும் ஒரே பல்லக்கில் ஊர்வலமாக கொண்டு செல்லப்பட்டு மயானத்தில் தகனம் செய்யப்பட்டது. நக்கீரன்

**ராஜா** · **ராஜா** Wed Nov 16, 2011 12:00 pm

கணவரின் இறுதிச்சடங்கின்போது மனைவியின் உயிரும் பிரிந்தது 1772578765

தம்பதிகள் இறைவனடி சேர எனது பிரார்த்தனைகள்

ரேவதி · ரேவதி Wed Nov 16, 2011 12:03 pm

கணவரின் இறுதிச்சடங்கின்போது மனைவியின் உயிரும் பிரிந்தது 440806

தம்பதிகளின் ஆத்மா சாந்தியடைய இறைவனை பிராதிக்கிறேன்

**இளமாறன்** · **இளமாறன்** Wed Nov 16, 2011 12:03 pm

இந்த காலத்தில் இருவரும் ஒன்றாக இறப்பது மிக குறைவு

முஹைதீன் · முஹைதீன் Wed Nov 16, 2011 12:30 pm

நெஞ்சை பிழிந்த ஒரு செய்தி

ஹர்ஷித் · ஹர்ஷித் Wed Nov 16, 2011 12:34 pm

கொடுத்து வைத்த தம்பதிகள்.ஒருவர் நினைவில் ஒருவர் பிரிந்து வாழாமல்
இணைந்தே இறைவனடி சேர்ந்திருக்கிறார்கள்..RIP

**உமா** · **உமா** Wed Nov 16, 2011 12:36 pm

பிரிவே அவர்களை கண்டால் பிரிந்து ஓடும்...சேர்ந்தே சென்றுவிட்டார்கள்.
இப்படி ஒரு மரணம் யாருக்கு வரும்.கொடுத்து வைத்தவர்கள் தான் இருவருமே.
அவர்களின் ஆத்மா நிச்சயம் சாந்தி அடைந்தே இருக்கும். . கணவரின் இறுதிச்சடங்கின்போது மனைவியின் உயிரும் பிரிந்தது 440806