ஈகரை உறவும் என்கவியும்

by அ.இராஜ்திலக் Tue Nov 15, 2011 5:18 am

ஈகரையில் இக்கரையில்
இளையவனாய் நானிருக்கேன்
ஈகரையின் அக்கரையில்
என் அக்கறையாய் நீ இருக்க!

எழுந்ததும் விழித்ததும்
இருப்பதும் உன்னெதிரில்
இணையத்தில் கவி வடிக்க
எண்ணத்தில் நீ எழுத
கருத்து இங்கே பிறையாகும்
காற்று இங்கே எழுத்துருவாகும்

தென்றல் தேடும் என் மனதில்
தேடிவரும் இனிய சொல்லும்
வளர்ச்சி நோக்கும் என்னறிவில்
வந்து உதிக்கும் மா ஒளியாய்
ஈகரையே உன் பக்கம்
இருளே இல்லை என் பக்கம்!

கனவு கூட பகலில்வரும்
கலிகால மாற்றம் கண்டதனால்
கவிதையிலே அமுதம் உண்ணும்
கலைகளாகி நாம் வாழ்ந்திடவே

தமிழே என் அக்கரையே
தமிழே நம் அக்கறையாய்
ஈகரையாய் நாமிருப்போம்
என்றென்றும் வாழ்ந்திருப்போம்!