Latest topics

பட்டாபிராமில் மாநாட்டுக்கு வந்தவர்கள் ரெயிலில் சமையல் செய்தபோது தீ விபத்து; ஒரு பெட்டி எரிந்து நாசம்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

பட்டாபிராமில் மாநாட்டுக்கு வந்தவர்கள் ரெயிலில் சமையல் செய்தபோது தீ விபத்து; ஒரு பெட்டி எரிந்து நாசம்

Post by இளமாறன் Tue Nov 15, 2011 1:04 am

சென்னை, நவ.14-

சென்னையில் ரெயில்வே எஸ்.ஆர்.எம்.யூ. மாநாடு தேனாம்பேட்டையில் நடைபெற்று வருகிறது. இதில் கலந்து கொள்ள மும்பையில் இருந்து ரெயில்வே ஊழியர்கள் தனி ரெயிலில் சென்னை வந்துள்ளனர்.

இவர்கள் வந்த ரெயில், பட்டாபிராம் மிலிட்டரி சைடிங் பகுதியில் நிறுத்தப்பட்டிருந்தது. நேற்றிரவு அந்த ரெயிலில் உள்ள 18-வது பெட்டியில் ஊழியர்களுக்காக சமையல் செய்து கொண்டிருந்தனர். அப்போது எதிர்பாராத விதமாக திடீரென ரெயில் பெட்டியில் தீப்பிடித்துக் கொண்டது.

அங்கிருந்த ஊழியர்கள் தீயை அணைக்க முயற்சி செய்தனர். ஆனால் அவர்களால் தீயை அணைக்க முடியவில்லை. உடனே தீயணைப்பு நிலையத்துக்கு தகவல் கொடுத்தனர்.

அதன்பிறகு ஆவடி, ஐ.ஏ.எப்., எச்.வி.எப்., ஓ.சி.எப். உள்பட 6 இடங்களில் இருந்து தீயணைப்பு வண்டிகள் விரைந்து வந்து தீயை அணைத்தன. ஆனாலும் ஒரு பெட்டி முழுவதும் எரிந்து நாசமாகி விட்டது. இதில் யாருக்கும் காயம் ஏற்படவில்லை.

ரெயில்வே டி.ஆர்.எம். அனந்தராமன் நள்ளிரவில் அங்கு சென்று பார்வையிட்டு விசாரித்தார். போலீசாரும் விசாரணை நடத்தினார்கள். மாலைமலர்

நேசி.. உன்னை நீ நேசிப்பது போல பிறரையும் நேசி

நட்புடன் என்றும்... உங்கள் நண்பன் இளமாற‌ன்

பட்டாபிராமில் மாநாட்டுக்கு வந்தவர்கள் ரெயிலில் சமையல் செய்தபோது தீ விபத்து; ஒரு பெட்டி எரிந்து நாசம் Ila

இளமாறன்: மன்ற ஆலோசகர்; பதிவுகள் : 13977
இணைந்தது : 29/12/2009