இளநீரின் மருத்துவ குணங்கள்

by முஹைதீன் Sat Nov 12, 2011 4:57 pm

இளநீரின் மருத்துவ குணங்கள்

இளநீர் என்பது இயற்கையிலேயே உருவான உடலியல் இயக்கங்களுக்கு இன்றியமையாத பல தாது உப்புகள் அதிகமாக உள்ள ஒரு பானம்(Isotonic Drink). இளநீர்
உடலுக்குக் குளிர்ச்சியை அளித்து இரத்தத்தில் சேர வேண்டிய தாது
உப்புக்களைச் சேர்த்து உடலின் செயல்திறனை ஊக்குவிக்கிறது. இளநீர் இயற்கை
அளித்த இனிய பானம் மட்டுமன்று பல பிணிகளைத் தீர்க்கும் மாமருந்தாகவும்
உள்ளது.
இருதயம்,
கல்லீரல், சிறுநீரகம், கண்கள் மற்றும் இரத்த நாளங்களில் உஷ்ணம் ஆதிக்கம்
அடையாமல் இருக்க உறுதுணையாகிறது. மயக்கம், அசதி ஏற்படும் போது
மருத்துவரிடம் செல்வதற்கு முன் இரண்டு குவளை இளநீர் அருந்துவது என்பது ஒரு
பாட்டில் சலைன் ஏற்றுவதற்குச் சமமாகும்.

கடும்
நீரிழப்பின் போது(severe dehydration) சரியான மாற்றுக் கிடைக்காத போது
இளநீரையே நேரடியாக இரத்த நாளங்களில் ஏற்ற முடியும். மே, ஜூன் ஆகிய இரு
மாதங்களிலும் வெயில் தகிக்கும்.

அப்போது உடலிலிருந்து வியர்வை ஏராளமாக வெளியேறுவதால் நீர்க்கடுப்பு ஏற்படலாம். அப்போது இரண்டு குவளை இளநீர் பருகுவது நல்லது.

பேதி சீதபேதி,
ரத்த பேதி ஆகும் போது மற்றெல்லா உணவுகளையும் தவிர்த்து விட்டு உடனடியாக
இளநீர் பருகி வர உடல் அசதி, மயக்கம் வராது. சிறுநீரகக்கல்,
சிறுநீர்க்குழாய் பாதிப்பு(Urinary Infection), போன்ற கோளாறுகள்
வந்துவிட்டால் முதல் மருந்தே இளநீர் தான்.

டைபாய்டு,
மலேரியா, மஞ்சள் காமாலை, அம்மை நோய்கள் போன்றவற்றால் பாதிக்கப்படும் போது
இளநீரைத் தாராளமாகக் குடிக்க வேண்டும். அறுவை சிகிச்சைகளுக்குப் பின் திரவ
உணவு மட்டுமே சாப்பிட வேண்டிய சமயங்களில் இளநீருக்கு முன்னுரிமை வழங்கி
உபயோகித்தால் அறுவை சிகிக்சைப் புண் (Surgical Sore) விரைவில் குணமடையும்.

உணவு எளிதில்
ஜீரணமாவதற்கு இளநீரில் உள்ள தாதுக்கள் பயன்படுவதால் செரிமான உறுப்புக்
கோளாறுகளால் அவதிப்படும் குழந்தைகளுக்கு வாந்தி வரும் போது இளநீர்
கொடுத்தால் வாந்தி கட்டுப்படும். நாக்கு வறட்சி நீங்கும்.

கோடைக்காலம்
மட்டுமின்றி எல்லாக் காலங்களிலும் அருந்தக் கூடிய இனிப்பும் குளிர்ச்சியும்
கொண்ட இளநீரை அருந்தி வந்தால் உடல் வளமை பெற்று நோயற்று ஆரோக்கியத்துடன்
வாழலாம்.

உடலுக்குக் கேடு
தரும் பல்வேறு வேதிப்பொருட்களை உள்ளடக்கிய கார்பானிக்
குளிர்பானங்கள்(Carbonated Drinks), பனிக்கூழ்(Ice cream) ஆகியவற்றை விட
உடலுக்குப் பல மடங்கு நலம் தரும் இயற்கை பானமான இளநீரைப் பயன்படுத்துவதே
ஆரோக்கியமான வழி.

மேலும் தோல்
பளபளப்பாக சிவப்பாக மாற 24 மில்லி கிராம் ஸல்ஃபர் உப்பு தேவைப்படுகிறது.
இந்த ஸல்ஃபர் உப்பு இரத்தம் சுத்தம் அடையவும் கல்லீரல் நன்றாக இயங்கவும்
உதவுகிறது. இத்துடன் தோல் முடி நகங்கள் ஆரோக்கியமாக வளரவும் உதவுகின்றன.
இந்த உப்பு இளநீரில் அதிகம் காணப்படுகிறது

http://murugananda.blogspot.com/2011/11/medicinal-properties-of-coconut-water.html

by **கேசவன்** Sat Nov 12, 2011 6:08 pm

பகிர்விக்கு நன்றி

by **இளமாறன்** Sat Nov 12, 2011 9:49 pm

பகிர்வுக்கு நன்றி மகிழ்ச்சி

எல்லோருக்கும் உதவும்

by poongulazhi Sat Nov 12, 2011 9:53 pm

நல்ல பகிர்வு சூப்பருங்க

by **ரா.ரமேஷ்குமார்** Sat Nov 12, 2011 10:06 pm

இளநீரின் மருத்துவ குணங்களை அருமையாக சொல்லிய பதிவு... சூப்பருங்க

தென்னை மரங்களில் நோய் தாக்கும் போது மரத்தை பாதுக்காக்க அதன் வேர் மற்றும் குலை பகுதியில் சில விஷ மருந்துகளை வைப்பதாக கூறினார்கள்.அப்படி வைக்கும் விஷங்கள் இளநீரிலும் பரவுமா...

ரா.ரமேஷ்குமார் wrote:இளநீரின் மருத்துவ குணங்களை அருமையாக சொல்லிய பதிவு...
தென்னை மரங்களில் நோய் தாக்கும் போது மரத்தை பாதுக்காக்க அதன் வேர் மற்றும் குலை பகுதியில் சில விஷ மருந்துகளை வைப்பதாக கூறினார்கள்.அப்படி வைக்கும் விஷங்கள் இளநீரிலும் பரவுமா...