மட்டன் வெஜ் குழம்பு

**சிவா** · **சிவா** Sat Nov 05, 2011 9:16 am

தேவையான பொருட்கள்

ஆட்டிறைச்சி - 350 கிராம்
வெங்காயம் - 200 கிராம் (நறுக்கியது)
உருளைக்கிழங்கு - 4
காரட் - 100 கிராம்
பீன்ஸ் - 100 கிராம்
இஞ்சி - சிறு துண்டு (நறுக்கியது)
புதினா கொத்தமல்லி இலை - சிறிதளவு (பொடியாக நறுக்கியது)
மிளகுத்தூள் - 1 டீஸ்பூன்
மைதா மாவு - 1 டேபிள் ஸ்பூன்
உப்பு - தேவைக்கேற்ப
எண்ணெய் அல்லது டால்டா - 1 டீஸ்பூன்

செய்முறை

* மட்டனைப் பெரிய துண்டுகளாக நறுக்கி வேக வைக்கவும். ஒரு அகலமான பாத்திரத்தில் எண்ணெய் ஊற்றி காய்ந்ததும் வெங்காயத்தை சேர்த்து வதக்கவும்.

* வெங்காயம் நன்கு வதங்கியதும், கறிவேப்பிலை, இஞ்சி, மிளகுத்தூள் சேர்த்துக் கிளறவும்.

* நறுக்கிய காய்கறிகளைச் சேர்த்து சிறிது நீர் ஊற்றி வேக வைக்கவும். தொடர்ந்து வேக வைத்த மட்டனை சேர்க்கவும்.

* மைதாவை நீரில் கரைத்து இதனுடன் சேர்க்கவும், போதுமான உப்பு சேர்க்கவும்.

* மட்டன், காய்கறி நன்கு வெந்து கெட்டியானதும் மல்லி, புதினா இலைகளைத் தூவி இறக்கவும்.

* இப்போது மட்டன் வெஜ் ஸ்டியூ ரெடி.

குறிப்பு

* ஸ்டியூ ரொட்டியுடன் சுவைக்க ஏற்றது.

* மைதாவிற்கு பதிலாக தேங்காய்ப்பால் ஊற்றியும் ஸ்டியூ செய்யலாம்.

உதயசுதா · உதயசுதா Sat Nov 05, 2011 9:52 am

நான் தேங்காய் பால் தான் ஊற்றி செய்துள்ளேன். மைதா ஊற்றி செய்தது இல்லை. அதையும் செய்து பார்க்கிறேன்.(சாப்பிட போறது நீ இல்லை மாமா தானே அதனால எது வேணுமின்னாலும் முயற்சி செய்து பார்க்கலாம்)

ரேவதி · ரேவதி Sat Nov 05, 2011 10:02 am

உதயசுதா wrote:நான் தேங்காய் பால் தான் ஊற்றி செய்துள்ளேன். மைதா ஊற்றி செய்தது இல்லை. அதையும் செய்து பார்க்கிறேன்.(சாப்பிட போறது நீ இல்லை மாமா தானே அதனால எது வேணுமின்னாலும் முயற்சி செய்து பார்க்கலாம்)

என்ன ஒரு வில்லத்தனம் அதிர்ச்சி

பாலாஜி · பாலாஜி Sat Nov 05, 2011 10:20 am

உதயசுதா wrote:நான் தேங்காய் பால் தான் ஊற்றி செய்துள்ளேன். மைதா ஊற்றி செய்தது இல்லை. அதையும் செய்து பார்க்கிறேன்.(சாப்பிட போறது நீ இல்லை மாமா தானே அதனால எது வேணுமின்னாலும் முயற்சி செய்து பார்க்கலாம்)

அட பாவமே ,, என் மாமாவ நினைச்சா அழுகை

**ராஜா** · **ராஜா** Sat Nov 05, 2011 10:47 am

இன்னாபா இது காலங்காத்தாலே பேஜாரா கீது ..... குழம்புல மட்டன் போட்ட பிறகு அத எப்படி வெஜ் குழம்புன்னு சொல்ல முடியும் , அதான் நான்-வெஜ் குழம்பு ஆயிடுமே. மட்டன் வெஜ் குழம்பு 502589