நீ விரும்பாத- அன்பின் முகவரி.

by **rameshnaga** Sat Nov 12, 2011 1:29 pm

நேற்றும் வழக்கம்போல்-
நான் எழுதிய கடிதத்தில்
வெற்றிடமாகவே இருந்தது
உனது முகவரியின் இடம்.
ஊற்றெனப் பெருகும் என் அன்பு
எப்படி- உன் கன்னங்களில் கண்ணீர்த் துளிகளாகவே
படிகிறது என்பதை-
என்னால் அறியமுடியவேயில்லை.
ஏனோ-உன்னை அடைகாக்கும்
எனது முயற்சிகள் தோல்வியடைந்துவிட
இன்னமும் மலடாய் அழுகிறது
எனது ஆண்மையின் தாய்மை.
உலகின்-எல்லாத் தனிமைகளும்
ஒரு சந்திப்பில் துளிர்த்துவிட...
எனது தனிமை-
தனிமையாகவே இருக்கிறது எனது துணையுடன்.
உன்னை எப்பொழுதும் சிந்திக்கும்
எனது வார்த்தைகள்...ஒரு பூ என
உனது காலடிகளில் விழுந்து புரள...
அவை -மாலையாகாமல் மரணித்துவிடுவதைப்
படம் எடுத்தபடி அழுகிறது எனது கண்ணீர்த் துளிகள்.
நீ ஒருபோதும் விரும்பாத...
ஒரு சிநேகம் கொள்ளவும் பிரியப்படாத
எனது அன்பின் கவிதையை...
நான் எந்த முகவரிக்கென அனுப்ப இயலும்?....
யாரும் அறியாத ஒரு கடவுளின் முகவரி தவிர.......

by **இளமாறன்** Sat Nov 12, 2011 1:31 pm

என்னால் அறியமுடியவேயில்லை.
ஏனோ-உன்னை அடைகாக்கும்
எனது முயற்சிகள் தோல்வியடைந்துவிட
இன்னமும் மலடாய் அழுகிறது
எனது ஆண்மையின் தாய்மை.

அன்பின் வெளிப்பாட்டை புரியாதவர்களுக்கு எதை கொண்டு புரியவைக்க முடியும் மகிழ்ச்சி

by ரேவதி Sat Nov 12, 2011 1:31 pm

rameshnaga wrote:நேற்றும் வழக்கம்போல்-
நான் எழுதிய கடிதத்தில்
வெற்றிடமாகவே இருந்தது
உனது முகவரியின் இடம்.
ஊற்றெனப் பெருகும் என் அன்பு
எப்படி- உன் கன்னங்களில் கண்ணீர்த் துளிகளாகவே
படிகிறது என்பதை-
என்னால் அறியமுடியவேயில்லை.
ஏனோ-உன்னை அடைகாக்கும்
எனது முயற்சிகள் தோல்வியடைந்துவிட
இன்னமும் மலடாய் அழுகிறது
எனது ஆண்மையின் தாய்மை.
உலகின்-எல்லாத் தனிமைகளும்
ஒரு சந்திப்பில் துளிர்த்துவிட...
எனது தனிமை

நல்ல வரிகள் ஐயா நீ விரும்பாத- அன்பின் முகவரி. 224747944

by **rameshnaga** Sat Nov 12, 2011 1:34 pm

ரொம்பவும் நன்றி ! இளமாறன்,
ரொம்பவும் நன்றி! ரேவதி.

by balakarthik Sat Nov 12, 2011 1:38 pm

by **rameshnaga** Sat Nov 12, 2011 1:43 pm

ரொம்பவும் நன்றி ! பாலாகார்த்திக்...

by அனந்தம் ஜீவ்னி Sat Nov 12, 2011 2:00 pm

"நீ ஒருபோதும் விரும்பாத...
ஒரு சிநேகம் கொள்ளவும் பிரியப்படாத
எனது அன்பின் கவிதையை...
நான் எந்த முகவரிக்கென அனுப்ப இயலும்?..."

இந்த வரிகளை மீண்டும் மீண்டுமாய் படித்து ரசித்தேன் .தொடர்ந்து கவித்துவ எழுச்சியுடன் படைபூக்கத்துடன் வினையாற்ற வாழ்த்துக்கள் நீ விரும்பாத- அன்பின் முகவரி. 677196