சார்க் மாநாட்டில் இந்தியாவிடம் 110 மில்லியன் டாலர்களைப் கேட்ட மகிந்த

by **கேசவன்** Sat Nov 12, 2011 7:50 am

17 ஆவது சார்க் மாநாடு இன்று ஆரம்பமாகவுள்ள நிலையில், இதில் கலந்து கொள்வதற்காகச் சென்ற ஜனாதிபதி மகிந்த ராஜபக்க்ஷ மற்றும் இந்தியப் பிரதமர் மன்மோகன் சிங் ஆகியோருக்கிடையில்
விசேட சந்திப்பொன்று இடம்பெற்றுள்ளது.

அச் சந்திப்பின்போது வடக்கு கிழக்கில் மேற்கொள்ளப்பட்டு வரும் மீள்குடியேற்றம், இந்திய அரசாங்கத்தினால் வடக்கி மேற்கொள்ளப்பட்டு வரும் 50 ஆயிரம் வீட்டு திட்டம் மற்றும் இனப்பிரச்சினை தொடர்பாக கலந்துரையாடப்பட்டுள்ளதாகத் தெரிவிக்கப்படுகிறது.

அத்துடன் இரு நாட்டு கடற்றொழிலாளர்கள் முகங்கொடுத்து வரும் பிரச்சினைகள் குறித்தும் கலந்துரையாடப்பட்டுள்ளது.

இதனிடையே மீள்குடியேற்றம் மற்றும் புனர்வாழ்வு நடவடிக்கைகளுக்காக இலங்கைக்கு 110 மில்லியன் அமெரிக்க டொலர்களை வழங்குவதற்கு இந்திய அரசாங்கம் இச்
சந்திப்பின் மூலம் முன்வந்திருப்பதாகவும் தெரிவிக்கப்பட்டுள்ளது.