இன்று 11-11-11

**இளமாறன்** · **இளமாறன்** Fri Nov 11, 2011 1:08 am

இன்றைய தினம் (11-11-11). இன்று கடிகாரத்தில் 11 மணி, 11 நிமிடம், 11 வினாடியில் பார்க்கும் போது 11:11:11 11-11-11 என்று ஒரே எண்ணில் இருக்கும். நூறு ஆண்டுகளுக்கு ஒருமுறை தான் இந்த தேதி வருகிறது. இந்த தேதியை வலமிருந்து இடமாக பார்த்தாலும், இடமிருந்து வலமாக பார்த்தாலும் ஒரே மாதிரி தான் இருக்கும். இதற்கு முன் கடந்த 1911ம் ஆண்டு இதே தேதி (11-11-11) வந்தது. ஆனால் அப்போது இருந்தவர்களில் ஒரு சிலர் மட்டுமே தற்போது இருப்பர். மனித வாழ்க்கையில் ஒரே ஒருமுறை இந்த தேதி வருவது பெரிய விஷயம் தான். எனவே இந்த தேதியில் திருமணம் மற்றும் குழந்தை பெற்றுக்கொள்வதற்கு நிறைய பேர் விருப்பப்படுகின்றனர்.

இன்று பிறக்கும் சூப்பர் குழந்தைகளுக்கு 100 ஆண்டுகளுக்குப் பின் சிறப்பு பிறந்த நாள்: ஒற்றை இலக்க எண்ணான "1' ராணுவ வீரர்களைப் போன்று, 11.11.11 என்ற எண்கள் அணி வகுத்திருப்பதை, இன்று காலண்டரில் பார்த்து ரசிக்க முடியும். இன்று பிறக்கும் குழந்தைகளின் பிறந்த நாள், மறக்க முடியாத நாளாக அமைந்து விடும். இன்று வெள்ளிக்கிழமை என்பதால் மேலும் சிறப்பாக கருதப்படும். கடந்த அக்டோபர் 31ம் தேதி, உலகின் 700வது கோடி மக்கள் தொகையை குறிப்பிடும் குழந்தை, இந்தியாவின் உத்தர பிரதேச மாநிலம், லக்னோ அருகே உள்ள தனாவூர் கிராமத்தில் பிறந்ததாக கூறப்பட்டது. அக்குழந்தைக்கான சிறப்பு போல், இன்றைய தேதியில் பிறக்கும் குழந்தைகள் அல்லது அவர்களது உறவினர்கள், 11.11.2111 அன்று, அதாவது நூறாண்டுகளுக்குப் பின், "சிறப்பு பிறந்த நாளை' கொண்டாடி நினைவு கூரலாம். அதனால் இன்று பிறக்கும் குழந்தைகளின் சிறப்பு தேதிக்காக, அவர்களுக்கு சூப்பர் குழந்தைகள் என்று செல்லப்பெயரிட்டும் அழைக்கலாம்.

தினமலர்

பாலாஜி · பாலாஜி Fri Nov 11, 2011 11:30 am

இன்றைய தினம் அரிதான தினமாகும். ஆறு ஒன்றினைக் கொண்டு அதாவது 11-11-11 என அனைத்தும் ஒன்றாக கொண்டு வந்துள்ள இந்தநாளினை உலகத்தின் சிறப்பு வாய்ந்த நாளாக பலரும் கொண்டாடி வருகின்றனர்.

இந்த ஆண்டு மற்ற நாட்களை விட நான்கு நாட்கள் ஒன்றினை எண்ணாக கொண்டு வந்துள்ளன. ஜனவரி மாதத்தில் வந்த 1-1-11 , 11-1-11 ஆகிய தேதிகளும் நவம்பர் மாதத்தில் 1-11-11 வந்த தேதியும் 4 அல்லது 5 ஒன்றினை மட்டுமே கொண்டிருந்தன. ஆனால் இன்றைய தினமான 11-11-11 மொத்தம் 6 ஒன்றினை கொண்டுள்ளது. நூற்றாண்டுகளுக்கு ஒருமுறை மட்டுமே இந்தநாள் வரும் என்பதே இதன் சிறப்பம்சமாகும். எனவேதான் நவம்பர் மாதம் 11ம் தேதியை உலகம்முழுவதும் சிறப்பு வாய்ந்தநாளாக கருதுகின்றனர்.

இந்தநாளில் 11 மணி 11 நிமிடம் மிகவும் சிறப்புவாய்ந்ததாகும். அதாவது 11-11-11, 11:11 அந்த நிமிடத்தை பல விதங்களில் கொண்டாட திட்டமிட்டு அதற்கான ஏற்பாடுகளையும் செய்துள்ளனர்.

ஜோதிடர்கள் சிறப்பு

பதினொன்றாம் எண்ணிற்கு பல சிறப்புகள் உள்ளன. எண்ணியல் பார்வையில் ஒரே இலக்கமாக அதுவும் ஆரம்ப இலக்கமான ஒன்றாக அமைந்திருப்பது சிறப்பு தன்மையாகும். ஒன்று என்பது முதன்மையானது. எனவே இந்த ஆண்டு நவம்பர் 11 ஐ மிகவும் பிரசித்தி பெற்ற நாளாக சோதிடர்கள் தெரிவித்துள்ளனர். அதுவும் வெள்ளிக்கிழமை இந்த நாள் அமைந்திருப்பது அதிர்ஷ்டம் என்றும் தெரிவித்துள்ளனர் சோதிடர்கள்.

சனியனுக்கு உகந்த எண்!

அதேசமயம், இன்று பிற்பகல் 1 மணிக்கு மேல் நல்லதல்ல என்றும் ஜோதிடர்கள் கூறியுள்ளனர். 11,11, 11 என்று அனைத்திலும் 11 வந்தாலும் கூட இதன் மொத்தக் கூட்டுத்தொகை (11-11-2011) 8 என்று வருகிறது. இது சனி பகவானுக்கு உரிய எண் என்பதால் சற்றுக் கவலைக்குரியதே என்றும் ஜோதிடர்கள் கூறியுள்ளனர்.

எனவே 1 மணிக்குள் பிறக்கும் குழந்தைகள் நல்ல வளமுடனும், நலமுடனும் இருக்கும் என்றும், அதற்குப் பிறகு பிறக்கும் குழந்தைகள் அடிக்கடி நோய்வாய்ப்படும் என்றும் கூறி சில ஜோதிடர்கள் பீதியைக் கிளப்பியுள்ளனர்.

இது மட்டுமல்லாது உலகளவில் பல துறை சார்ந்தவர்களையும் கவர்ந்த எதிர்பார்ப்புகள் நிறைந்த ஓர் தினமாக மாறியுள்ளது நவம்பர் 11. எது எப்படியோ 11.11.11 என்பது பிரபலங்களுக்கு பிரபலம் மற்றும் பிற பலம் சேர்க்கும் நாளாக மாறியுள்ளது.

எந்த நாளாக இருந்தால் என்ன, எந்த எண்ணாக இருந்தால் என்ன, நல்ல மனமும், நல்ல எண்ணமும் இருந்தால் எல்லா நாளும் இனிய நாளே.

-தட்ஸ்தமிழ்