அஜ்மல் கசாப் தீவிரவாதி; அவனை தூக்கில் போடுங்கள் - பாகிஸ்தான்

**சிவா** · **சிவா** Thu Nov 10, 2011 2:10 pm

2008-ம் ஆண்டு நவம்பர் 26-ந் தேதி பாகிஸ்தான் தீவிரவாதிகள் 9 பேர் மும்பையில் நடத்திய தாக்குதல் சம்பவம் உலகம் முழுவதும் பெரும் பரபரப்பை ஏற்படுத்தி இருந்தது. இந்த தாக்குதல் சம்பவத்தில் 166 பேர் பலியானார்கள். இது தொடர்பாக அஜ்மல் கசாப் என்ற ஒரு தீவிரவாதி மட்டும் பிடிபட்டான். மற்ற தீவிரவாதிகள் பாதுகாப்பு படையினரின் பதில் தாக்குதலில் கொல்லப்பட்டனர்.

தீவிரவாதி கசாப்புக்கு மும்பை ஐகோர்ட்டு கடந்த பிப்ரவரி மாதம் 21-ந் தேதி தூக்கு தண்டனை விதித்தது. இதை எதிர்த்து கசாப் சுப்ரீம் கோர்ட்டில் அப்பீல் செய்துள்ளனர்.

இந்த நிலையில் தீவிரவாதி அஜ்மல் கசாப்பை தூக்கிலிட வேண்டும் என்று பாகிஸ்தான் உளத்துறை மந்திரி ரெஹ்மான் மாலிக் கூறியுள்ளார். சார்க் மாநாட்டில் கலந்து கொள்வதாக மாலத்தீவு சென்ற அவர் இதை நிருபர்களிடம் தெரிவித்தார். இது தொடர்பாக அவர் கூறியதாவது:-

அஜ்மல் கசாப் தீவிரவாதி. இதில் எந்த மாற்று கருத்தும் இல்லை. தீவிரவாதி என்ற முறையில் அவனை தூக்கில் போட வேண்டும். பாகிஸ்தான் விசாரணை குழு விரைவில் இந்தியா செல்கிறது. அப்போது கசாப்புக்கு விரைவில் தூக்குதண்டனை நிறைவேற்ற வழிவகுக்கப்படும்.

இவ்வாறு பாகிஸ்தான் உள்துறை மந்திரி ரெஹ்மான் மாலிக் கூறியுள்ளார்.

மும்பை தாக்குதல் சம்பவம் தொடர்பாக பாகிஸ்தான் இதுவரை எந்த கருத்தும் தெரிவிக்காமல் இருந்தது. ஆனால் தற்போது கசாப்பை தீவிரவாதி என்பதை ஒப்புக்கொண்டுள்ளது. இந்தியா-பாகிஸ்தான் பிரதமர்கள் சந்தித்து பேசுவதற்கு சற்று முன்பு பாகிஸ்தான் மந்திரி இந்த கருத்தை தெரிவித்துள்ளார் என்பது குறிப்பிடத்தக்கது.

மாலைமலர்

அஜ்மல் கசாப் தீவிரவாதி; அவனை தூக்கில் போடுங்கள் - பாகிஸ்தான்

அஜ்மல் கசாப் தீவிரவாதி; அவனை தூக்கில் போடுங்கள் - பாகிஸ்தான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக