ஜெயலலிதாவுக்கு ஆலோசனைகளை வழங்கக் கூடியவர்கள் யாருமே அங்கே இல்லையா? கலைஞர்

by kitcha Thu Nov 10, 2011 10:50 am

மக்கள் நலப் பணியாளர்களை ஜெயலலிதா அரசு மூன்றாவது முறையாக நீக்கியுள்ளதற்கு திமுக தலைவர் கலைஞர் கடும் கண்டனம் தெரிவித்துள்ளார். புதிய பணி வாய்ப்புகளை தராவிட்டாலும், பணியாற்றியவர்களையெல்லாம் வீட்டிற்கு அனுப்புவது எந்த நியாயம் என்றும் கேள்வி எழுப்பியுள்ளார்.

திமுக தலைவர் கலைஞர் வெளியிட்டுள்ள அறிக்கையில்,

மற்றவர்களின் துன்பத்தைக் கண்டு ரசிப்பதிலே சிலருக்கு ஒரு திருப்தி ஏற்படும். அந்த வகையிலே தான், பல்லாண்டு காலமாக உழைத்து ஊதியம் பெற்று தங்கள் எளிய குடும்பங்களைக் காப்பாற்றி வந்த மக்கள் நலப் பணியாளர்களை வீட்டிற்கு அனுப்பிவிட்டு அதிலே சுகம் காண ஜெயலலிதா முயலுகிறார்.

1989ஆம் ஆண்டு திமுக ஆட்சி அமைந்தபோது தமிழகத்திலே வேலை இல்லாத படித்த இளைஞர்களுக்கு வேலைவாய்ப்பு அளிக்க வேண்டும் என்பதற்காக மக்கள் நலப்பணியாளர்கள் நியமிக்கப்பட்டனர்.

மக்கள் நலப்பணியாளர்கள் முதியோர் கல்வியைப் பரப்புவது, தெரு விளக்குகளைப் பராமரிப்பது உள்ளிட்டப் பணிகளை ஈடுபட்டு வந்தனர்.

1991ஆம் ஆண்டு ஜெயலலிதா முதலமைச்சரானதும் 13 ஆயிரம் மக்கள் நலப் பணியாளர்களை டிஸ்மிஸ் செய்து வீட்டுக்கு அனுப்பினார். பின்னர் 1996ஆம் ஆண்டு திமுக ஆட்சி அமைந்ததும் அவர்களுக்கு மீண்டும் வேலைவாய்ப்பு அளிக்கப்பட்டது.

ஆனால் 2001ஆம் ஆண்டுக்குப் பிறகு ஜெயலலிதா மீண்டும் அவர்களை வீட்டுக்கு அனுப்பி வயிற்றெரிச்சலை சம்பாதித்துக்கொண்டார். பயிழிந்த பல பெண்களுக்கு திருமணம் நிறுத்தப்பட்டு நிர்க்கதிக்கு ஆளாகினர். பணியிழந்த மன உளைச்சல் தாங்காமல் பலர் உயிரை மாய்த்துக் கொண்டனர்.

2006ஆம் ஆண்டு மீண்டும் பணி வழங்கப்பட்ட அவர்களை தற்போது ஜெயா அரசு மீண்டும் வீட்டுக்கு அனுப்பியுள்ளது.

நாடாறு மாதம் காடாறு மாதம் என திமுக ஆட்சியில் அவர்கள் பணியில் நீடிப்பதும், அதிமுக ஆட்சி அமைந்தால் வீட்டிற்கு அனுப்புவதுமான கொடுமை நீடித்தால் அவர்கள் வாழ்க்கை என்னவாகும்?

அரசாங்கம் என்றால் அதை எண்ணிப்பார்க்க வேண்டாமா? கருணை என்றால் என்ன விலை என்று கேட்பதா? கடந்த முறை ஜெயலலிதா ஆட்சியில் பணிநீக்கம் செய்யப்பட்ட போது பலர் மாண்டிட நேரிட்டதே, அந்த நிலையை மீண்டும் உருவாக்கலாமா?

இவையெல்லாம் ஒரு அரசுக்குரிய இலக்கணங்கள்தானா? இதற்கான ஆலோசனைகளை வழங்கக் கூடியவர்கள் யாருமே அங்கே இல்லையா?

இவ்வாறு திமுக தலைவர் கலைஞர் தனது அறிக்கையில் கூறியுள்ளார்.

நக்கீரன்

by **கேசவன்** Thu Nov 10, 2011 10:59 am

by **ராஜா** Thu Nov 10, 2011 11:08 am

kitcha wrote:மற்றவர்களின் துன்பத்தைக் கண்டு ரசிப்பதிலே சிலருக்கு ஒரு திருப்தி ஏற்படும்.

யார் இந்த வார்த்தைகளை சொல்வது ஜெயலலிதாவுக்கு ஆலோசனைகளை வழங்கக் கூடியவர்கள் யாருமே அங்கே இல்லையா? கலைஞர் 56667

by ரேவதி Thu Nov 10, 2011 11:11 am

kitcha wrote:
நாடாறு மாதம் காடாறு மாதம் என திமுக ஆட்சியில் அவர்கள் பணியில் நீடிப்பதும், அதிமுக ஆட்சி அமைந்தால் வீட்டிற்கு அனுப்புவதுமான கொடுமை நீடித்தால் அவர்கள் வாழ்க்கை என்னவாகும்?

ஆடு நனைவதை கண்டு ஓநாய் அழுத கதை ஜெயலலிதாவுக்கு ஆலோசனைகளை வழங்கக் கூடியவர்கள் யாருமே அங்கே இல்லையா? கலைஞர் 56667

by **இளமாறன்** Thu Nov 10, 2011 11:49 am

பாவம் மக்கள் அரசியல்வாதிகளை நம்பி ஏமாறுகிறார்கள் என்ன கொடுமை சார் இது

by **மாணிக்கம் நடேசன்** Thu Nov 10, 2011 1:53 pm

கருணாநிதிக்கு வேறு வேலையே இல்லையா?

by **ஜாஹீதாபானு** Thu Nov 10, 2011 2:02 pm

by **ayyamperumal** Thu Nov 10, 2011 2:06 pm

மக்கள் நல பணியாளர்கள் எந்த நலப்பணியை இதுவரையில் செய்தார்கள் என்று தெரியவில்லை.

எனது ஊரில் உள்ள ஒரு பணியாளரை வைத்து நான் இது சரி யானதுதான் , பாராட்ட கூடிய ஒரு முடிவு என்று கூறுவேன். மற்ற பகுதிகளில் எப்படியோ ..

இருந்தாலும் சரியாய் வேலை செய்யாதவர்களை ஆராய்ந்து பணி நீக்கம் செய்திருந்தால் எதிர்ப்பே இல்லாமல் இருந்திருக்கும்.

by பாலாஜி Thu Nov 10, 2011 2:13 pm

தலிவரே , உங்களுக்கு ஒழுங்கா ஆலோசனை சொல்லுபவர்கள் உங்க கூட
இருந்துயிருந்தா , நீங்க ஆட்சியை இழந்துயிருக்க மாட்டீர்கள் தலிவரே

by **ராஜா** Thu Nov 10, 2011 2:52 pm

அய்யம் பெருமாள் .நா wrote:மக்கள் நல பணியாளர்கள் எந்த நலப்பணியை இதுவரையில் செய்தார்கள் என்று தெரியவில்லை. எனது ஊரில் உள்ள ஒரு பணியாளரை வைத்து நான் இது சரி யானதுதான் , பாராட்ட கூடிய ஒரு முடிவு என்று கூறுவேன். மற்ற பகுதிகளில் எப்படியோ .. இருந்தாலும் சரியாய் வேலை செய்யாதவர்களை ஆராய்ந்து பணி நீக்கம் செய்திருந்தால் எதிர்ப்பே இல்லாமல் இருந்திருக்கும்.

எங்கள் ஊரிலும் இப்படி ஒரு Department இருக்கிறதே எனக்கு தெரியாது , எதனால் இப்படி ஒரேயடியாக வேலை நீக்கம் செய்தார்கள் என்று விளக்கினால் நன்றாக இருக்கும்.