தேங்கி நிற்கும் மழை நீரால் பரவும் எலிக் காய்ச்சல்: மாநகராட்சி எச்சரிக்கை

by kitcha Wed Nov 09, 2011 2:22 pm

சென்னை: மழைக் காலங்களில் சாலைகளில் தேங்கி நிற்கும் நீர் மூலம் லெப்டோ ஸ்பைரோசிஸ் என்ற எலிக் காய்ச்சல் நோய் வரலாம் என்று பொதுமக்களுக்கு சென்னை மாநகராட்சி எச்சரிக்கை விடுத்துள்ளது.

இதுகுறித்து மாநகராட்சி வெளியிட்டுள்ள அறிக்கையில், மழைக் காலங்களில் பரவும் வயிற்றுப்போக்கு, காலரா, மஞ்சள் காமாலை, டைபாய்ட் போன்ற நோய்கள் வராமல் தடுக்க, குடிநீரை வடிகட்டி, நன்றாக கொதிக்க வைத்து ஆறிய பின்னர் குடிக்க வேண்டும்.

பாக்கெட் குடிநீர் பருகுவதை தவிர்க்க வேண்டும். மினரல் வாட்டரை அதன் தரம் அறிந்து பருக வேண்டும். உணவு உட்கொள்ளும் முன்பும், கழிவறைகளை பயன்படுத்திய பின்பும் கைகளை சோப்பினால் நன்கு கழுவ வேண்டும்.

மழை நீரை வீட்டின் மேல் தளங்கள், பூந்தொட்டிகள், உபயோகமற்ற டயர்கள், மற்றும் பொருட்களில் தேங்க விடக்கூடாது. அவற்றில் கொசுக்கள் உற்பத்தியாகி மலேரியா, டெங்கு காய்ச்சல் நோய்கள் பரவலாம். எனவே உபயோகமற்ற பொருட்களை உடனடியாக அகற்றிவிட வேண்டும்.

சாலைகளில் தேங்கி நிற்கும் நீரில் நடந்தால் கால்களை நன்றாகக் கழுவ வேண்டும். அந்த நீர் மூலம் லெப்டோ ஸ்பைரோசிஸ் என்ற எலிக் காய்ச்சல் நோய் உருவாகலாம்.

மேலும், சென்னை குடிநீர் வாரியத்தின் குடிநீர் வழங்கும் நேரம் தவிர்த்து மற்ற நேரங்களில் பம்புகளில் தேங்கியிருக்கும் நீரை அடித்து எடுத்து பருகக்கூடாது. குடிநீரில் கழிவுநீர் கலந்திருந்தாலோ அல்லது அடைப்புகள் ஏற்பட்டு தேங்கி நின்றாலோ உடனடியாக புகார் செய்யவும்.

சாலையோரங்களில் விற்கப்படும் ஈ மொய்த்த மற்றும் தூசு படிந்த உணவு பண்டங்களை உண்ண வேண்டாம். உணவுப் பொருட்களை சமைத்தவுடன் சூடான நிலையிலேயே உண்ண வேண்டும்.

திறந்த வெளியில் மலம் கழிப்பதை தவிர்த்து, பொது கழிப்பிடங்கள் அல்லது வீடுகளில் உள்ள கழிப்பிடங்களை பயன்படுத்த வேண்டும். உங்கள் சுற்றுப்புறத்தை தூய்மையாக வைத்திருக்க வேண்டும். குப்பைகளை குப்பைத் தொட்டியில் மட்டுமே போட வேண்டும்.

வயிற்றுப்போக்கு மற்றும் வாந்தி பேதி ஏற்பட்டால் உப்பு சர்க்கரை கரைசல் மற்றும் நீர் ஆகாரங்களை அடிக்கடி பருக வேண்டும். உடனே அருகிலுள்ள மாநகராட்சி ஆரம்ப சுகாதார நிலையங்கள் மற்றும் தொற்றுநோய் மருத்துவமனையில் காலம் தாழ்த்தாமல் சிகிச்சையை பெற வேண்டும்.

இது சம்பந்தமாக பொதுமக்கள் புகார் தரவும், அவசர உதவி மற்றும் சிகிச்சைக்கு தொலைபேசி எண்கள் 1913, 25912686, 25912687 ஆகியவற்றை தொடர்பு கொள்ளலாம் என்று மாநகராட்சி அறிவித்துள்ளது.

தட்ஸ்தமிழ்

by ரேவதி Wed Nov 09, 2011 2:42 pm

அறிய தந்தமைக்கு நன்றிகள் தேங்கி நிற்கும் மழை நீரால் பரவும் எலிக் காய்ச்சல்: மாநகராட்சி எச்சரிக்கை 678642

by **ஜாஹீதாபானு** Wed Nov 09, 2011 2:43 pm

நல்ல தகவல் கிச்சா நன்றி தேங்கி நிற்கும் மழை நீரால் பரவும் எலிக் காய்ச்சல்: மாநகராட்சி எச்சரிக்கை 678642

இந்த காய்ச்சல் என் பையனுக்கு 7 வயதில் வந்தது 20 நாள் மருத்துவமனையில் இருந்தோம் ...22 நாள் கழித்து தான் சரியானது தேங்கி நிற்கும் மழை நீரால் பரவும் எலிக் காய்ச்சல்: மாநகராட்சி எச்சரிக்கை 440806

தேங்கி நிற்கும் மழை நீரால் பரவும் எலிக் காய்ச்சல்: மாநகராட்சி எச்சரிக்கை 440806

by **ராஜா** Wed Nov 09, 2011 3:29 pm

சென்னை நகரில் உள்ளவர்கள் எச்சரிக்கையுடன் இருங்கள் தேங்கி நிற்கும் மழை நீரால் பரவும் எலிக் காய்ச்சல்: மாநகராட்சி எச்சரிக்கை 678642

by dhilipdsp Wed Nov 09, 2011 3:46 pm

சென்னை, நவ.9:
மழைக்காலங்களில் சாலைகளில் தேங்கி நிற்கும் நீரில் நடந்தால் லெப்டோ
ஸ்பைரோசிஸ் என்ற எலிக்காய்ச்சல் நோய் வரும். எனவே அதில் நடக்க நேரிட்டால்
பின்னர் கால்களை நன்றாக கழுவ வேண்டும் என்று சென்னை மாநகராட்சி
பொதுமக்களுக்கு எச்சரிக்கை விடுத்துள்ளது.இதுகுறித்து மாநகராட்சி விடுத்துள்ள செய்திக்குறிப்பு: மழைக்
காலங்களில் பரவும் வயிற்றுப்போக்கு, காலரா, மஞ்சள் காமாலை, டைபாய்டு
போன்ற நோய்கள் வராமல் தடுக்க, குடிநீரை பாத்திரத்தில் வடிகட்டி, உருளும்
வரை கொதிக்க வைத்து ஆறிய பின்னர் குடிக்க வேண்டும். பாக்கெட் குடிநீர்
பருகுவதை தவிர்க்கவேண்டும். மினரல் குடிநீர் வகைகளின் தரம் அறிந்து பருக
வேண்டும். உணவு உட்கொள்ளும் முன்பும், கழிவறைகளை பயன்படுத்திய பின்பும்
கைகளை சோப்பினால் நன்கு கழுவ வேண்டும். மழைநீரை வீட்டின் மேல் தளங்கள்,
பூந்தொட்டிகள், உபயோகமற்ற டயர்கள், மற்றும் பொருட்களில் தேங்க
விடக்கூடாது. அவற்றில் கொசுக்கள் உற்பத்தியாகி மலேரியா, டெங்கு காய்ச்சல்
நோய்கள் ஏற்படும். எனவே உபயோகமற்ற பொருட்களை உடனடியாக அகற்றி விடவேண்டும்.
சாலைகளில் தேங்கி நிற்கும் நீரில் நடந்தால் கால்களை நன்கு கழுவ வேண்டும்.
அது லெப்டோஸ்பைரோசிஸ் என்ற எலிக்காய்ச்சல் நோயை உண்டாக்கும்.மேலும்,
சென்னை குடிநீர் வாரியத்தின் குடிநீர் வழங்கும் நேரம் தவிர்த்து மற்ற
நேரங்களில் பம்புகளில் தேங்கிய நீரை அடித்து எடுத்து பருகக்கூடாது.
குடிநீரில் கழிவுநீர் கலந்திருந்தாலோ அல்லது அடைப்புகள் ஏற்பட்டு தேங்கி
நின்றாலோ உடனடியாக புகார் செய்யலாம். சாலையோரங்களில் விற்கப்படும் ஈ
மொய்த்த மற்றும் தூசு படிந்த உணவு பண்டங்களை உண்ணக்கூடாது. உணவுப்
பொருட்களை சமைத்தவுடன் சூடான நிலையிலேயே உண்ண வேண்டும். திறந்த வெளியில்
மலம் கழிப்பதை தவிர்த்து, பொது கழிப்பிடங்கள் அல்லது வீடுகளில் உள்ள
கழிப்பிடங்களை பயன்படுத்த வேண்டும். உங்கள் சுற்றுப்புறத்தை தூய்மையாக
வைத்திருக்க வேண்டும். குப்பைகளை குப்பைத் தொட்டியில் மட்டுமே போட
வேண்டும். வயிற்றுப்போக்கு மற்றும் வாந்தி பேதி ஏற்பட்டால் உப்பு சர்க்கரை
கரைசல் மற்றும் வீட்டிலுள்ள நீர் ஆகாரங்களை அடிக்கடி பருக வேண்டும்.
அருகிலுள்ள மாநகராட்சி ஆரம்ப சுகாதார நிலையங்கள் மற்றும் தொற்றுநோய்
மருத்துவமனையில் காலம் தாழ்த்தாமல் சிகிச்சையை பெற வேண்டும்.இது
சம்பந்தமாக பொதுமக்கள் புகார் அவசர உதவி மற்றும் சிகிச்சைக்கு தொலைபேசி
எண்கள் 1913, 25912686, 25912687 ஆகியவற்றில் தொடர்பு கொண்டு தெரிவிக்கலாம்
என மாநகராட்சி வெளியிட்டுள்ள செய்தியில் தெரிவிக்கப்பட்டுள்ளது.