குரங்கு பிடிக்க சம்பளம்

**சிவா** · **சிவா** Fri Nov 04, 2011 1:38 pm

`ஒரு குரங்கு பிடித்தால் ரூ.500 சன்மானம்', இப்படி ஒரு வினோத அரசு அறிவிப்பு வெளியாகி இருக்கிறது. இது அயல்நாட்டில் நடந்த வினோதமல்ல. நமது நாட்டின் மலைப்பிரதேசமான இமாசலபிரதேசத்தில்தான் இந்த உத்தரவு பிறப்பிக்கப்பட்டுள்ளது.

இயற்கை எழில் நிறைந்த மலைப்பிரதேசமான இமாசலத்தில் சுமார் 3 லட்சத்திற்கும் அதிகமான குரங்குகள் திரிகின்றன. அவை விவசாய நிலங்களில் புகுந்து பழங்கள்- தானியங்களை பாழாக்குவதோடு, குடியிருப்புகளில் படை யெடுத்து குழந்தைகளையும், பொதுமக்களையும் தொந்தரவு செய்கிறது. இதை தடுப்பது குறித்து சட்டசபையில் விவாதிக்கப்பட்டது.

"வருகிற ஜுலை மாதத்திற்குள் 2 லட்சம் குரங்குகளுக்கு இனப்பெருக்க தடை ஆபரேஷன் செய்வது என்றும், அதற்காக மாநிலம் முழுவதும் 25 இடங்களில் இனப் பெருக்க தடை ஆபரேஷன் மையங்கள் அமைக் கப்படும்'' என்றும் தீர்மானம் நிறைவேற்றப்பட்டு உள்ளது. மேலும் குரங்கை பிடித்துத் தரும் ஒவ்வொருவருக்கும் ஒரு குரங்கிற்கு ரூ.500 வீதம் ஊக்கத் தொகை வழங்கப்படும் என்றும் அறிவிக்கப்பட்டுள்ளது.

அதுசரி... பிடிக்கும்போது எதிர்பாராதவிதமாய் குரங்கு கடித்து விட்டால் மருத்துவச்செலவுக்கு ஏதாவது தருவார்களா? அதை சொல்லலீயே!