தனிமையின் பாடகன் -ஒரு சுய அறிமுகம்

by அனந்தம் ஜீவ்னி Mon Nov 07, 2011 6:33 pm

பிரியத்திற்குரிய இதயங்களே!

எனது இயற்பெயர் ஜீவானந்தம்.
புனைபெயர் அனந்தம் ஜீவ்னி.
இலக்கியத்தில் ஆர்வம் எப்போது வந்ததென சொல்லமுடியாது.என்னுடைய 17 வது வயதிலிருந்து பாக்யா போன்ற இதழ்களில் எனது சிலக் கவிதைகள் பிரசுரம் பெற்றன.21 வது வயதில் எனது முதல் கவிதை தொகுப்பு " கடைசி இரவின் நடு ஜாமத்தில்..."வெளிவந்தது..(அதுதான் கடைசி தொகுப்பும் கூட)
தீவிரமான இலக்கிய நாட்டம் வாழ்வின் சில ஆண்டுகளை கபளீகரம் செய்தன.கணையாழி, காலச்சுவடு என்றும்,தி.ஜானகிராமன்.சுந்தர ராமசாமி ,பிரமிள்,என்றும் ...இன்னும் எத்தனையோ பெயர்களோடும் புத்தகங்களோடும்...தாகம் தாகமென அலைந்த பொழுதுகள் அவை.

+2 படிக்கும் போது ஓஷோவின்" உண்மையை தேடவேண்டியதில்லை" என்னும் புத்தகம் படித்தேன்.ஜென் தத்துவங்களை விளக்கும் அந்த புத்தகம் வாழ்வில் பெரும் திருப்பத்தை ஏற்படுத்தியது.அதற்கு பிறகுதான் வாழ்வை தேட ஆரம்பித்தேன்(என்ன கொடுமை சார் இது).
தன்னை அறிதல் ஞானமடைதல் போன்ற விஷயங்களில் மனம் பெரும் விருப்பத்துடன் செல்லத் தொடங்கியவுடன் தானாகவே இலக்கியத்தில் ஆர்வம் மங்கத் தொடங்கியது.இலக்கியச் செயல்பாடுகளும் கூட நுண்மையான அகங்காரத்தின் வெளிப்பாடுகளே என்பதால் அகங்காரமற்ற, விருப்பத்தேர்வுகள் அற்ற தியான நிலையின் மீது விருப்பமுற்று ஓஷோ, ஜே.கிருஷ்ணமூர்த்தி, ரமணர்,வள்ளலார்,யு.ஜி.கிருஷ்ணமூர்த்தி,என பயணமும் தேடலும் நீண்டது... இன்னும் நீள்கிறது.....

எத்தனையோ அனுபவங்கள்,வேலைகளுக்கு பிறகு சில மாதங்களாய் ஆன்லைன் வர்த்தகம்(இது எத்தனை நாளைக்கென தெரியவில்லை).
இதனால் வலைப் பூக்கள் சார்ந்த அறிமுகம் ஏற்பட்டது.ஈகரையின் அறிமுகமும் .
நான் இலக்கியத்தில் ஆர்வம் கொண்டிருந்த காலத்தில் கிறுக்கி வைத்திருந்த நோட்டு புத்தகங்களை மறுபடியும் தூசு தட்டினேன்.அக் கவிதைகளை 3 பிரிவுகளாக பிரித்தேன்
ஆரம்பகால கத்துக்குட்டி கவிதைகள்(கிறுக்கல்கள்)
நடுத்தர கவிதைகள்(கிறுக்கல்கள்)
சமீபத்திய கவிதைகள்(கிறுக்கல்கள்)

என்னுடைய சமீபத்திய கவிதைகள் ஒரு வகையில் மிக சிக்கலான கருப்பொளுடன்,ஆழ்ந்த மௌனம் மற்றும் தியான நிலைகள் சார்ந்து வெளிப்பாடு கொள்பவைகளாக இருக்கக் கூடும்.அவற்றை [You must be registered and logged in to see this link.]
என்னும் வலைப்பூவில் பதிவேற்றி வருகிறேன்.
நடுத்தரமானவற்றை சில சிறிய மாற்றங்களுடன் [You must be registered and logged in to see this link.]
என்னும் வலைப்பூவில் பதிவேற்றி வருகிறேன்.ஒருவேளை யாரேனும் படித்து ரசிக்க கூடும் என.
உதாரணமாக ஈகைரையில் வெளியான "என் தமிழனே" என்னும் கவிதை பல ஆண்டுகளுக்கு முன்பே எழுதப்பட்டதாகும். முள்ளிவாய்க்கால் தொடர்பான அதன் கடைசி சில பத்திகள் மட்டும் புதிதாக சேர்க்கப்பட்டது. தமிழனின் அவலம் உரைக்கும் அந்த வரிகள் இன்னும் எத்தனை ஆண்டுகளுக்கு பின்பு படித்தாலும் பொருந்தும் படி தோன்றுவது தமிழனின் மீதான் சாபமாகத்தான் இருக்க வேண்டும்.

அதே போல் இன்று பதிவிட்ட "பிரிவை நம்மிலிருந்து பிரிக்கவே முடியாதா?"என்னும் கவிதையும் கூட சுமார் பத்தாண்டுகளுக்கு முன்பு எழுதப்பட்ட என் ஆரம்பகால கிறுக்கலே ஆகும்.(சமர்ப்பணம் மட்டும்தான் இன்று எழுதினேன்)

வாய்ப்பும் அருளும் இருப்பின் ஈகரையில் எப்போதாவது எதையாவது நான் பகிரக் கூடும்
அவ்வளவுதான் நண்பர்களே ! இப்படியாக போகிறது வாழ்வு.
தென்பெண்ணை கரையோரம் ஒரு அழகிய கிராமத்தில் எளிய மனிதனாய் ...தென்னம் ஓலைகளின் அசைவோடும்,நதியலைகளின் மௌனத்தோடும்,
மிக நீண்ட இரவுகளின் தனிமையை நனைத்துப் பரவும் யாழிசையாய் நானும் என் கவிதைகளும்....
..
சொல்வதற்கு எவ்வளவோ இருந்தாலும் இந்த சின்ன அறிமுகக் குறிப்பு(!) போதுமென்றே நினைக்கிறேன்.இதற்கு மேலும் தொடர்ந்தால் அவ்வளவுதான்.இப்பவே உமாவுக்கு
தலை லேசாக கிறுகிறுத்து விட்டிருக்கும் என்று நினைக்கிறேன்.(ஒரு அறிமுக குறிப்பு கேட்டதற்கு இப்படியா அறுத்தெடுக்கிறது?)
நன்றி!
அன்புடன்....
அனந்தம் ஜீவ்னி.

by **உமா** Mon Nov 07, 2011 6:38 pm

அடடா. இவ்ளோ பெரிய அழகான தெளிவான அறிமுகம்..ஈகரைக்கு தங்களை அன்புடன் வரவேர்க்கிறேன்... சொன்னதை உடனே கேட்டு தங்களை அறிமுக படுதியதற்க்கு நன்றி...
வாருங்கள் உறவே. [You must be registered and logged in to see this image.]
தங்களின் கவிதைகளை இங்கே பதியுங்கள்...
படிக்க காத்திருக்கிறேன்.
[You must be registered and logged in to see this image.]

by **சிவா** Mon Nov 07, 2011 7:25 pm

உங்களைப் பற்றியும், உங்களின் தேடல்கள் பற்றியும் மிக அழகாகக் கூறியுள்ளீர்கள். நீங்கள் ஈகரை தமிழ் களஞ்சியத்தில் இணைந்ததில் மகிழ்ச்சியடைகிறேன்.

அன்பு வரவேற்புக்கள் ஜீவானந்தம்.

by **இளமாறன்** Tue Nov 08, 2011 12:10 am

வரவேற்கிறோம் கவியே அன்பு மலர்

by **ஹிஷாலீ** Tue Nov 08, 2011 12:04 pm

by **அருண்** Tue Nov 08, 2011 12:08 pm

தெளிவான அறிமுகத்துடன் ஈகரையில் இணைந்த ஜீவாவிற்கு அன்ப்பு வரவேற்புகள்..! மகிழ்ச்சி

by **பிஜிராமன்** Tue Nov 08, 2011 1:56 pm

அருமையான அறிமுகம்.........வருக வருக என வரவேற்கின்றோம்.....

by **ஜாஹீதாபானு** Tue Nov 08, 2011 1:58 pm

நல்ல விளக்கமான அறிமுகம்
வாங்க வாங்க [You must be registered and logged in to see this image.]

by aathma Tue Nov 08, 2011 2:52 pm

வாருங்கள் ஜீவா :நல்வரவு:

by அனந்தம் ஜீவ்னி Tue Nov 08, 2011 9:17 pm

சிவா wrote:உங்களைப் பற்றியும், உங்களின் தேடல்கள் பற்றியும் மிக அழகாகக் கூறியுள்ளீர்கள். நீங்கள் ஈகரை தமிழ் களஞ்சியத்தில் இணைந்ததில் மகிழ்ச்சியடைகிறேன்.

அன்பு வரவேற்புக்கள் ஜீவானந்தம்.

[You must be registered and logged in to see this image.] தங்களின் வரவேற்பை சிரம் தாழ்த்தியேற்று மகிழ்வுறுகிறேன்.மிக்க நன்றி [You must be registered and logged in to see this image.]