சரித்திர நாயகன் சாண்டில்யன்

by அனந்தம் ஜீவ்னி Sat Nov 05, 2011 7:48 pm

சரித்திர நதிகள் சங்கமிக்கும்
சாதனை கதைகளின் நாயகன்
சாண்டில்யனே!
கால கஜானாவில் அடைக்கப்பட்ட
சரித்திர பொக்கிஷங்களை
நீதான்
எழுத்து சாவியால்
திறந்துக் கொடுத்தாய்

நீ ஊற்றிக் கொடுத்து
ஊட்டிய இலக்கிய மதுவில்
மூழ்கியவர்கள் இன்னும் மீளவேயில்லை
மோதியவர்கள் என்றும் எழவேயில்லை

உன் எழுத்து மணிப்பிரவாளமாக
இருந்தாலும்
இலக்கிய உலகில்
ஒரு பிரளயத்தை அல்லவா கொண்டுவந்தது.

ராஜபுதனத்தின் வீரம் மணக்கும்
பாலைவன புஷ்பங்களை
பாமரன் நெஞ்சில் கூட
பதியனிட்டவன் நீ
சரித்திர நாயகன் சாண்டில்யன் Sandilyan

தமிழ்ப் பொண்ணுக்கு சிறகு கட்டியதில்
உன் கரத்திற்கும் பங்குண்டு
நாவல் பழம் போல
நாவில் மணக்கும் உன் நாவல் சுவை வேறெங்குண்டு?

நீ கவர்ச்சியான மல்லிகை
ஆபாசமான அல்லியல்ல

நீ மரித்ததுப் போனதால்
தமிழ் நெஞ்சங்களில் உதிரம் கொட்ட
சரித்திரத்தின் இதயமே
சங்கடப்பட்டுக்கொண்டிருக்கிறது...