லிபியாவில் பாரபட்சமற்ற போர் குற்ற விசாரணை - இந்தியா கோரிக்கை

**சிவா** · **சிவா** Fri 4 Nov 2011 - 15:29

லிபியாவில் அதிபர் கடாபியின் ராணுவத்துக்கும், கிளர்ச்சியாளர்களுக்கும் இடையே நடந்த சண்டையின்போது, ஏராளமான மக்கள் கொல்லப்பட்டனர். எனவே, லிபியா மீது போர்க்குற்ற விசாரணை நடத்த ஐ.நா.சபை முடிவு செய்துள்ளது. சர்வதேச கோர்ட்டில் இந்த விசாரணை நடைபெறும்.

இந்த விசாரணை பாரபட்சமற்ற முறையில் இருக்க வேண்டும் என ஐ.நா. பாதுகாப்பு கவுன்சிலில் இந்தியா கோரிக்கை விடுத்துள்ளது. ஐ.நா.வுக்கான இந்திய தூதர் ஹர்தீப் சிங், `லிபிய போர்க்குற்ற விசாரணையை சர்வதேச கோர்ட்டு நடத்தும்போது, நீதித்துறை அல்லாத சக்திகளின் தலையீட்டை அனுமதிக்க கூடாது' என அறிக்கை அளித்துள்ளார்.

மேலும், லிபியாவில் புதிதாக அமைந்துள்ள அரசுக்கு மறுவாழ்வு பணிகள், அமைதி, பாதுகாப்பு போன்ற நடவடிக்கைகளுக்கு சர்வதேச நாடுகள் உதவ வேண்டும் என்றும் இந்தியா கேட்டுக்கொண்டது.

தினதந்தி