கம்ப்யூட்டரை எப்போது மாற்ற வேண்டும்?

கோவைசிவா · கோவைசிவா Sat Sep 26, 2009 2:56 pm

இன்றைய கம்ப்யூட்டர் பயன்பாட்டில் பலவற்றை நீங்கள் இந்த பழைய ஆப்பரேட்டிங் சிஸ்டம் உள்ள கம்ப்யூட்டரை இயக்குவதன் மூலம் இழக்கிறீர்கள். முக்கியமாக பாதுகாப்பான கம்ப்யூட்டர் பயன்பாடு இதன் மூலம் நிச்சயமாய் கிடைக்காது. நன்றாகத் தான் இயங்கிக் கொண்டிருக்கிறது என்று சொல்லி பழையதிலிருந்து புதியதற்கு மாறுவது என்பது சற்று கடினம் தான். ஆனால் மாற்றங்கள் ஏற்படத்தான் வேண்டும். புதிய மாற்றங்கள் மூலம் வாழ்க்கையில் திருப்பங்கள் ஏற்படும். வருமானம் பெருகும்.

என் கம்ப்யூட்டரை எப் போது மாற்ற வேண் டும்? போடியிலிருந்து ஒரு வாசகர் தான் ஏலக் காய் வியாபாரம் செய்து வருவதாகவும் அதற்கு பட்டியல் தயாரிக்கவும், கணக்குகளைப் பராமரிக்கவும் கடிதங்களை பிரிண்ட் எடுத்து அனுப்பவும் பல ஆண்டுகளுக்கு முன்பு வாங்கிய கம்ப்யூட்டரைப் பயன்படுத்துவதாக எழுதி தன் பிரச்னையையும் கூறி உள்ளார். பிரச்னை கம்ப்யூட்டரில் இல்லை. அது அவருக்கான வேலைக்கு நன்றாகத்தான் பயன்பட்டுக் கொண்டிருக்கிறது. தன் வீட்டிற்கு வரும் நண்பர்கள் மற்றும் வர்த்தக ரீதியான வாடிக்கையாளர்கள் அனைவரும் கம்ப்யூட்டரை உடனே மாற்றி புதிய வசதிகளுடன் இயக்க அறிவுறுத்துவதாகவும் தான் எப்போது, எதற்காக கம்ப்யூட்டரை மாற்ற வேண்டும் எனவும் கேட்டுள்ளார்.

இதுபோல பலருக்கும் ஒரு சூழ்நிலை ஏற்பட்டிருக்கலாம். நண்பர்கள் மட்டுமல்ல உங்கள் குழந்தைகள் ஏன் பேரப்பிள்ளைகளே உங்கள் கம்ப்யூட்டரைப் பார்த்து அடுத்த அறைக்குச் சென்று சிரித்துவிட்டுச் செல்லும் காட்சிகள் கூட இருக்கலாம். பழைய கம்ப்யூட்டர் நன்றாக இயங்கினாலும் சில வசதிகளை நீங்கள் பெறாமல் இருக்கிறீர்கள் என்பதற்கான சுட்டிக் காட்டல் தான் இது. இங்கே எப்போது நீங்கள் புதிய வகை கம்ப்யூட்டருக்கு மாற வேண்டும் எனப் பார்ப்போம்.

1. தொழில் நுட்பம் மாறிக் கொண்டே இருக்கிறது. புதியதாகப் பல விஷயங்கள் அறிமுகப்படுத்தப் படுகின்றன. புதிய வழிகளில் பழைய விஷயங்கள் மேற்கொள்ளப்பட்டு நேர்த்தியாகவும் வேகமாகவும் காரியங்கள் முடிவடைகின்றன. பழையவற்றின் மூலம் காரியங்கள் நடந்தேறினாலும் இந்த நேரம் வசதிக்காகவாவது நாம் புதியவற்றிற்கு மாறிக் கொள்ள வேண்டும். கம்ப்யூட்டரைப் பொறுத்தவரை எந்த நிலைகளில் நாம் மாற்றத்தை மேற்கொள்ள வேண்டும் எனப் பார்ப்போம்.

2. உங்கள் கம்ப்யூட்டரில் உள்ள புராசசரின் ஸ்பீட் 1 கிகா ஹெர்ட்ஸுக்கும் குறைவாக உள்ளதா? அதாவது ஸ்பீட் இன்னும் மெஹா ஹெர்ட்ஸிலேயே உள்ளதா? நிச்சயமாய் அதனை மாற்ற வேண்டும். ஏனென்றால் இப்போது வந்திருக்கும் புரோகிராம்கள் மற்றும் அப்ளிகேஷன் சாப்ட்வேர் தொகுப்புகள் 1 கிகா ஹெர்ட்ஸ் சிப் தரும் வேகத்தைக்காட்டிலும் கூடுதல் வேகத்தையே கேட்கின்றன. எனவே அதற்கும் குறைந்த வேகத்தில் இயங்கும் புராசசர் இருந்தால் உங்கள் கம்ப்யூட்டர் மிகவும் குறை வான வேகத்தில் இயங்கும். வேக மாக இன்டர்நெட் பிரவுஸ் செய்திட முடி யாது. விளையாட் டுக்களை வேகமாக இயக்க முடியாது.

இவற்றை இயக்குவது ஒரு சுமையாகத் தெரியும். உங்கள் புராசசர் ஸ்பீட் என்னவென்று தெரியவில்லையே! இதனை எப்படிக் கண்டறிவது என்று விழிக்கிறீர்களா? Start, Control Panel, Performance and Maintenance, System என வரிசையாகச் சென்று பாருங்கள். தெரிந்து கொள்ளலாம்.

3. உங்கள் கம்ப்யூட் டரின் ராம் மெமரி எவ்வளவு உள்ளது? இதனை அறியவும் Start, Control Panel, Performance and Maintenance, System எனச் சென்று பார்க்கவும். 256 MB க்கும் குறைவாக மெமரி உள்ளதா? குறைந் தது 512 MB அல்லது 1 GB யாவது மெமரி இருக்க வேண்டும். அப்போதுதான் கம்ப்யூட்டர் எளிதாக இயங்க முடியும். அல்லது அதன் முழுத் திறனுடன் இயங்க முடியும். 3. நீங்கள் விண்டோஸ் ஆப்பரேட்டிங் சிஸ்டத்தில் இயங்கிக் கொண்டிருக்கிறீர்களா? அது விண்டோஸ் 3 அல்லது 9 (Windows 3.1, 95 and 98) என்ற எழுத்துடன் உள்ள ஆப்பரேட்டிங் சிஸ்டமா? நிச்சயமாய் ஆப்பரேட்டிங் சிஸ்டத்தினை அப்கிரேட் செய்திட வேண்டும்.

இன்றைய கம்ப்யூட்டர் பயன்பாட்டில் பலவற்றை நீங்கள் இந்த பழைய ஆப்பரேட்டிங் சிஸ்டம் உள்ள கம்ப்யூட்டரை இயக்குவதன் மூலம் இழக்கிறீர்கள். முக்கியமாக பாதுகாப்பான கம்ப்யூட்டர் பயன்பாடு இதன் மூலம் நிச்சயமாய் கிடைக்காது. இதே போல நீங்கள் மேக் சிஸ்டம் பயன்படுத்துவதாக இருந்தால் Oகு ஙீ ஆப்பரேட்டிங் சிஸ்டத்திற்கு முந்தையதை வைத்திருந்தால் மாற்றிக் கொள்ளுங்கள்.

4. உங்கள் மானிட்டர் எந்த அளவில் உள்ளது? 14 அங்குல மானிட்டரா? அல்லது அதற்கும் குறைவானதா? நிச்சயம் இது இந்நேரம் தன் வண்ணத்தை இழந்து உங்கள் கண்களைக் கெடுக்கத் தொடங்கி இருக்க வேண்டுமே? அப்படியேஇல்லாமல் அதிக பயன்பாடு இல்லாததால் இன்னும் தொடர்ந்து பயன்பட்டுக் கொண்டிருந்தால் தயவு செய்து தூக்கி வைத்துவிட்டு புதியதாய் 17 அங்குல சி.ஆர்.டி. மானிட்டர் அல்லது புதியதாய்ப் பரவி வரும் எல்.சி.டி. மானிட்டர் ஒன்றை வாங்கிப் பயன்படுத்துங்கள். இன்றைய இணையதளங்களை முழுமையாகப் பார்த்துப் பயன்படுத்தவும் புதிய புரோகிராம்களை பயன்தரும் வகையில் இயக்கவும் புதிய பெரிய மானிட்டர்கள் தேவைப்படுகின்றன.

5. புதிய புரோகிராம்களை இன்ஸ்டால் செய்கையில் "Operating system not supported" என்ற செய்தியைப் பெறுகிறீர்களா? அல்லது புதிய ஆப்பரேட்டிங் சிஸ்டத்திற்கு மேம்படுத்த முயற்சிக் கையில் "Hardware not supported" என்ற பிழைச் செய்தி காட்டப்படுகிறதா? அப்படியானால் உங்கள் புராசசர், ராம், ஆப்பரேட்டிங் சிஸ்டம் என அனைத்தையும் மாற்ற வேண்டும். அல்லது புதிய கம்ப்யூட்டர் ஒன்றை மேம்படுத்தப்பட்ட வகையில் பெற்றுக் கொள்ளுங்கள்.

6. உங்கள் கம்ப்யூட்டரில் யு.எஸ்.பி. போர்ட் எதுவும் இல்லையா? அவ்வகை போர்ட் உங்கள் கம்ப்யூட்டரில் பொருத்த முடியாதா? எந்த இன்டர்பேஸ் மூலமும் அதனை உருவாக்க முடியாதா? தயவு செய்து கம்ப்யூட்டரை மாற்றுங்கள். ஏனென்றால் இன்றைய கம்ப்யூட்டர் துணைச் சாதனங்களில் பெரும்பாலானவை யு.எஸ்.பி. போர்ட்களில் இணைக்கும் வகையில் மட்டுமே வருகின்றன. கீ போர்டு, மவுஸ், பிரிண்டர் எனப் பல எடுத்துக் காட்டுக்களை இதற்கு கூறலாம்.

7. உங்களுடைய கம்ப்யூட்டரில் 5.25 அங்குல பிளாப்பி டிரைவ் அல்லது 3.5 அங்குல பிளாப்பி டிரைவ் உள்ளதா? அவை இன்னும் நன்றாக இயங்கலாம். ஆனால் இதில் பதியும் டேட்டாவை மாற்ற அதே பிளாப்பி டிரைவ் மற்ற கம்ப்யூட்டர்களில் இருக்க வேண்டுமே? இப்போது பிளாப்பி டிரைவ்கள் எல்லாம் பழங்கதையாய் மாறிவிட்டன. பிளாஷ் டிரைவ் மற்றும் சிடிக்கள் மட்டுமே பயன்படுத்தப்படுகின்றன. எனவே இவற்றை மாற்றுங்கள். அல்லது மேலே குறிப்பிட்டவை உள்ள புதிய கம்ப்யூட்டரை வாங்குங்கள்.

நன்றாகத் தான் இயங்கிக் கொண்டிருக்கிறது என்று சொல்லி பழையதிலிருந்து புதியதற்கு மாறுவது என்பது சற்று கடினம் தான். ஆனால் மாற்றங்கள் ஏற்படத்தான் வேண்டும். புதிய மாற்றங்கள் மூலம் வாழ்க்கையில் திருப்பங்கள் ஏற்படும். வருமானம் பெருகும். வாழ்க்கை முறை புதிய வசதிகளைக் கொண்டதாய் அமையும்.