அம்மா -அர்த்தம் சொல்லும் வார்த்தை

**பிளேடு பக்கிரி** · 01/03/2010

அண்ணா பல்கலை சார்பில் வா.செ.குழந்தைசாமி அறக்கட்டளை சொற்பொழிவு நிகழ்ச்சியில் தமிழக திட்டக்குழு உறுப்பினர் தமிழருவி மணியன் தமிழுக்கு தலைவணக்கம் என்னும் தலைப்பில் சொற்பொழிவாற்றினார்..

அப்போது அவர், "நாம் வீட்டில் கூட தற்போது தமிழில் பேசுவதை மறந்து விட்டோம். குழந்தைகள் பெற்றோரை 'மம்மி.. டாடி..' என்று தான் அழைக்கின்றனர்.. ஆனால் தமிழில் பலருக்கும் அம்மா என்ற வார்த்தை எப்படி உருவானது என்பது தெரியாது...

அம்மா என்பதில் உள்ளிருக்கும், உங்களுக்கு உயிர் கொடுத்தவள் தாய் என்பதால் முதல் எழுத்தாக 'அ' என்னும் உயிர் எழுத்தையும், உயிர் வளர மெய் (உடல்) தேவை என்பதால் 'ம்' என்னும் மெய் எழுத்தை ரெண்டாவதாகவும், 10 மாதம் கழித்து உயிர், மெய் இரண்டையும் சேர்த்து உருவமாக உலவ விடுவதால், 'மா' என்னும் உயிர்மெய் எழுத்தையும் வைத்துள்ளார்கள்.

அதே போன்று தான் அப்பா என்னும் சொல்லும் அமைந்து உள்ளது. இதில் தாய் என்பவள் மென்மையானவள் என்பதால் தான் அம்மா என்னும் சொல்லில் 'ம்' என்னும் மெல்லின எழுத்து வந்துள்ளது. அப்பா எப்பொழுதும் வன்மையானவர் என்பதால் 'ப்' என்னும் வல்லின எழுத்து பயன்படுத்த பட்டுள்ளது.. எனவே தமிழ் மொழி என்பது பார்த்து பார்த்து செதுக்கப்பட்ட மொழி என்பதை நீங்கள் புரிந்து கொள்ள வேண்டும்" என்றார்..

**சிவா** · **சிவா** Sun Oct 30, 2011 9:35 am

பேச்சுக்கு இவை நன்றாக இருக்கும். ஆனால் இது உண்மையாக இருக்காது என்பது என் கருத்து.

**Aathira** · **Aathira** Sun Oct 30, 2011 9:43 am

இது பட்டிமண்டபங்களில் உலா வந்த கருத்து. அதுவும் பல ஆண்டுகளுக்கு முன்பே.

**சிவா** · **சிவா** Sun Oct 30, 2011 9:57 am

Aathira wrote:இது பட்டிமண்டபங்களில் உலா வந்த கருத்து. அதுவும் பல ஆண்டுகளுக்கு முன்பே.

நான் இதுவரை என் தாயரை அம்மா என்று அழைத்த்தில்லையே அக்கா. ஆத்தா என்றுதான் கூறி வருகிறோம். ஆனால் இவ்வாறு அழைப்பது இன்று நடைமுறையில் இல்லை. மாறிக் கொண்டே வருகிறது.

**Aathira** · **Aathira** Sun Oct 30, 2011 10:04 am

சிவா wrote:
Aathira wrote:இது பட்டிமண்டபங்களில் உலா வந்த கருத்து. அதுவும் பல ஆண்டுகளுக்கு முன்பே.

நான் இதுவரை என் தாயரை அம்மா என்று அழைத்த்தில்லையே அக்கா. ஆத்தா என்றுதான் கூறி வருகிறோம். ஆனால் இவ்வாறு அழைப்பது இன்று நடைமுறையில் இல்லை. மாறிக் கொண்டே வருகிறது.

சாப்பாட்டு ராமன் சிவா.... ஆ என்று வாயைத் திறந்து ஆ தா என்று கேட்டு கேட்டு ஆத்தா என்று பழக்கமானதோ!! அய்யோ, நான் இல்லை

அது கிராமத்து வழக்கு சிவா. இப்ப அம்மாவே இல்லை. நாலு வார்த்தை ஆங்கிலம் தெரியலைன்னாலும் மம்மி டாடி ன்னுதான் அழக்கனும். அதுவும் மாம், டாட் என்று சொல்பவரே சிறந்த நாகரிகர். என்ன கொடுமை சார் இது

**சிவா** · **சிவா** Sun Oct 30, 2011 10:07 am

Aathira wrote:

சாப்பாட்டு ராமன் சிவா.... ஆ என்று வாயைத் திறந்து ஆ தா என்று கேட்டு கேட்டு ஆத்தா என்று பழக்கமானதோ!!

எப்படி இப்படியெல்லாம்?

அது கிராமத்து வழக்கு சிவா. இப்ப அம்மாவே இல்லை. நாலு வார்த்தை ஆங்கிலம் தெரியலைன்னாலும் மம்மி டாடி ன்னுதான் அழக்கனும். அதுவும் மாம், டாட் என்று சொல்பவரே சிறந்த நாகரிகர்.

நானும் இனிமேல் மம்மி என்றே அழைக்கிறேன். (அடித்துத் துரத்திவிடுவார்கள்)

**பிளேடு பக்கிரி** · 01/03/2010

Aathira wrote:

சாப்பாட்டு ராமன் சிவா.... ஆ என்று வாயைத் திறந்து ஆ தா என்று கேட்டு கேட்டு ஆத்தா என்று பழக்கமானதோ!!

சிவா அண்ணா சிப்பு வருது

**ayyamperumal** · **ayyamperumal** Sun Oct 30, 2011 2:01 pm

ஆத்தா என்று அழைப்பதிலும் சுகம் இருக்கத்தான் செய்கிறது.

ஆனால் இப்போதெல்லாம் அம்மாவை பதப்படுத்தப்பட்ட பிணம் ( மம்மி )
என்றும் அப்பாவை வேதாளம் ( டாடி) என்று அழைப்பதுதான் நாகரீகம் என்று வந்துவிட்டது.
பகிர்விற்கு நன்றி லஷ்மண் !