விண்வெளி ஆராய்ச்சியில் சீனா புது சாதனை

**சிவா** · **சிவா** Fri Nov 04, 2011 3:26 pm

விண்வெளியில் ஆய்வு நிலையத்தை 2020-ம் ஆண்டுக்குள் அமைக்க சீனா திட்டமிட்டுள்ளது. அப்படி அமைப்பதற்கு, ஏற்கனவே நிலை நிறுத்தப்பட்ட கோளுடன் புதிதாக ஏவப்படும் விண்கலம் சுமூகமாக இணைய வேண்டும். எந்த சேதமும் இல்லாமல் இணைந்தால் தான் மனிதர்களை அனுப்ப முடியும். அதற்காக, 10 மீட்டர் நீளமுள்ள ஆளில்லா `டியாங்காங்' (சொர்க்க அரண்மனை) என்ற கோளை பூமிக்கு மேல் 340 கி.மீட்டர் உயரத்தில் கடந்த 29-ந் தேதி சீனா நிறுத்தியது.

இதைத்தொடர்ந்து, `சென்ஜுவ் 8' என்ற விண்கலத்தை சீனா ஏவியது. அந்த விண்கலம், `டியாங்காங்' செயற்கை கோளுடன் நேற்று சுமூகமான முறையில் இணைந்தது. இதைத் தொடர்ந்து, 2012-ம் ஆண்டில் இதே போன்ற அடுத்த சோதனையை சீனா நடத்துகிறது. அப்போது, ஒரு விண்வெளி வீரரையும் அனுப்பி வைக்க முடிவு செய்துள்ளது. சீன விஞ்ஞானிகளின் இந்த சாதனைக்கு பிரான்சில் சுற்றுப்பயணம் மேற்கொண்டுள்ள சீன அதிபர் ஹூ ஜிந்தாவோ பாராட்டு தெரிவித்துள்ளார்.

இந்த சோதனையில் சீனா வெற்றி பெற்றதால், விண்ணில் ஆய்வு நிலையம் அமைக்கும் தொழில் நுட்பம் பெற்ற மூன்றாவது நாடு என்ற பெருமையை அடைகிறது. ஏற்கனவே, அமெரிக்கா, ரஷியா ஆகிய நாடுகள் இந்த முயற்சியில் வெற்றி பெற்றுள்ளன. ரஷியா, அமெரிக்கா இணைந்து 400 டன் எடை கொண்ட சர்வதேச விண்வெளி நிலையத்தை வானில் உருவாக்கி வருவது குறிப்பிடத்தக்கது.

**ஹிஷாலீ** · **ஹிஷாலீ** Fri Nov 04, 2011 4:44 pm

கருத்தான தகவலுக்கு நன்றி அண்ணா.

விண்வெளி ஆராய்ச்சியில் சீனா புது சாதனை

விண்வெளி ஆராய்ச்சியில் சீனா புது சாதனை

Re: விண்வெளி ஆராய்ச்சியில் சீனா புது சாதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக