இந்தியா மீது தாக்குதல் நடத்த 35 ஆயிரம் தாலிபன்கள் தயார்

**Admin** · **Admin** Sun Dec 28, 2008 11:40 pm

இஸ்லாமாபாத்: இந்தியா மீது எந்த நேரத்திலும் தாக்குதல் நடத்த சுமார் 35 ஆயிரம் தாலிபன்கள் தயாராக இருப்பதாக பாகிஸ்தான் எல்லைப் பகுதியில் உள்ள தாலிபன் தீவிரவாத அமைப்பு மிரட்டல் விடுத்துள்ளது. இந்த இயக்கத்தின் தலைவர் தேசிம்கான் பாகிஸ்தான் பத்திரிக்கை ஒன்றிற்கு அளித்த பேட்டியில் இந்த மிரட்டல் செய்தியை தெரிவித்துள்ளான். மேலும் பாகிஸ்தான் ராணுவம் மீது இந்தியா தாக்குதல் நடத்தினால் அதற்கு தாலிபன்களின் தற்கொலைப்படை தகுந்த பதிலடி கொடுக்கும் எனவும் தெரிவித்துள்ளான். இதே போன்று தாலிபன்களின் மற்றொரு அமைப்பும் இந்திய ராணுவத்தின் மீது தற்கொலைப்படைத் தாக்குதல் நடத்த தயாராக இருப்பதாகவும் மிரட்டல் விடுத்துள்ளது. மும்பை தாக்குதலில் தொடர்புடைய தீவிரவாதிகளை ஒப்படைக்க மறுத்தது காரணமாக பாகிஸ்தான் மற்றும் இந்தியா இடையே போர் நிகழும் சூழ்நிலை ஏற்பட்டு உள்ளது. இதனால் இரு நாட்டு படைகளும் எல்லைப்பகுதியில் ஆயுதங்களை குவித்து வருகின்றன.

இந்நிலையில் தாலிபன்கள் விடுத்துள்ள இந்த மிரட்டல் செய்தி, பாகிஸ்தான் மற்றும் இந்திய எல்லை பகுதியில் பெரும் பதற்றத்தை ஏற்படுத்தி உள்ளது. தாலிபன்களின் இந்த மிரட்டலால் இந்திய எல்லைப் பகுதிகளில் பாதுகாப்பு ஏற்பாடுகள் தீவிரப்படுத்தப்பட்டுள்ளன. இந்தியா ராணுவமும் உஷார் நிலையில் வைக்கப்பட்டுள்ளது. இதன் விளைவாக இந்திய எல்லைப் பகுதிகளில் தீவிர கண்காணிப்பு ஏற்பாடுகள் மேற்கொள்ளப்பட்டு வருகின்றன.

இந்தியா மீது தாக்குதல் நடத்த 35 ஆயிரம் தாலிபன்கள் தயார்

இந்தியா மீது தாக்குதல் நடத்த 35 ஆயிரம் தாலிபன்கள் தயார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக