சிறை மீட்டல் - சக்தி ஜோதி

அப்துல்லாஹ் · அப்துல்லாஹ் Thu Nov 03, 2011 2:11 pm

மண்கலயங்களின் சிறிய துவாரங்களின் வழி

தங்கள் உலகை

மெல்ல மெல்ல எட்டிப் பார்த்தன சில பறவைகள்

மஞ்சள்

பச்சை

நீலம்

இன்னும் பல வண்ணங்களில்

கூண்டினுள் பறவைகள்

காப்பிச்செடியின்

காய்ந்த கிளைகளில்

காதலை பரிமாறிக்கொண்டிருந்தன

வெயிலும்

பனியும்

கம்பிகளைக் கடந்து உள்நுழைகிறது

கூண்டுக் கம்பிகள்

மண்கலயங்கள்

காப்பிக் கிளைகள்

பறவைகளை

பருந்துகளிடமிருந்து பாதுகாக்கின்றன

பறவைகளின் இருப்பினை

வாசனையால் உணர்ந்துகொள்ளும் பூனைகள்

எங்கிருந்த போதிலும்

அவைகளை அச்சப்படுத்திக்கொண்டேயிருந்தன

உயிரின் வாதையை படபடக்கும் சிறகுகள்

அறிவதில்லை

ஒருபோதும் கூண்டுப் பறவையை

பூனையால் பிடித்துவிட இயலாதென்பதை .

அப்துல்லாஹ் · அப்துல்லாஹ் Thu Nov 03, 2011 2:11 pm

இந்தக் கவிதையின் ஆழமான உள்தக்குதலால் ஒரு நிமிடம் நிலைகுலைந்தேன்...
என்ன ஒரு கற்பனை கூண்டுப் பறவைக்கு பூனையிடமிருந்து விடுதலையாம்... விந்தை
கூண்டினுள்ளில்அடைந்திருக்கையில் அச்சம் மடம் நாணம பயிர்ப்பு அணியணியாக அதனதன் சரியான அளவில் அவற்றுடன் அந்தப் பறவை வடிவிலான அனைத்து உயிரினங்களுக்குள்ளும்....
நிறைந்த சிந்தனை…

kitcha · kitcha Thu Nov 03, 2011 3:20 pm

உயிரின் வதையை படபடக்கும் சிறகுகள்

அறிவதில்லை

ஒருபோதும் கூண்டுப் பறவையை

பூனையால் பிடித்துவிட இயலாதென்பதை .

என்னே ஒரு வித்தியாசமான சிந்தனை

விந்தை
கூண்டினுள்ளில்அடைந்திருக்கையில் அச்சம் மடம் நாணம பயிர்ப்பு அணியணியாக அதனதன் சரியான அளவில் அவற்றுடன் அந்தப் பறவை வடிவிலான அனைத்து உயிரினங்களுக்குள்ளும்....
நிறைந்த சிந்தனை…

Sponsored content · Sponsored content

சிறை மீட்டல் - சக்தி ஜோதி

சிறை மீட்டல் - சக்தி ஜோதி

Re: சிறை மீட்டல் - சக்தி ஜோதி

Re: சிறை மீட்டல் - சக்தி ஜோதி

Re: சிறை மீட்டல் - சக்தி ஜோதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக