தாய்க்கு ரூ.5 கோடியில் கோவில் கட்டும் திருச்சி தொழில் அதிபர்: வெண்கல சிலை அமைத்து வழிபட முடிவு

**இளமாறன்** · **இளமாறன்** Wed Nov 02, 2011 11:32 pm

சென்னை, நவ 2-

திருச்சியை அடுத்துள்ள துறையூரைச் சேர்ந்தவர் சிதம்பரம். இவரது மனைவி தனபாக்கியம். இவர்களது 4-வது மகன் சுரேஷ்குமார் தொழில் அதிபர். இவர் தனது தாயார் தன பாக்கியம் மீது மிகுந்த பாசம் வைத்திருந்தார். இந்நிலையில் தனபாக்கியம் 2007-ம் ஆண்டு பிப்ரவரி 1-ந்தேதி மரணம் அடைந்தார்.

அவரது நினைவாக துறையூரில் கோவில் கட்ட முடிவு செய்தார். இதற்காக அவர் ரூ.5 கோடி ஒதுக்கியுள்ளார். இக்கோவில் 30 ஆயிரம் சதுர அடி பரப்பளவில் அமைக்கப்பட்டு வருகிறது. அதில் 64 அடி உயரத்தில் நினைவுத் தூண் அமைத்துள்ளார்.

கோவிலின் நடுவில் தாயார் தனபாக்கியத்தின் வெண்கல சிலை அமைக்கப்பட்டுள்ளது. கோவில் வளாகத்தில் பல்வேறு நிகழ்ச்சிகள் நடத்த அரங்கம் ஒன்று அமைக்கப்படுகிறது. இதை பொது மக்களுக்கு இலவசமாக வழங்க சுரேஷ்குமார் திட்டமிட்டுள்ளார்.

இதுபற்றி அவர் கூறும் போது,

எனது தாய் என் மீது காட்டிய பாசத்திற்கு ஈடு இணை எதுவும் இல்லை. அவர்தான் நான் அறிந்த தெய்வம். அவருக்கு நான் சேமித்து வைத்துள்ள பணத்தில் கோவில் கட்டி வருகிறேன். இதனை அடுத்த ஆண்டு பிப்ரவரி மாதம் திறக்க திட்டமிட்டுள்ளேன். என் தாய்க்கு கோவில் கட்டுவதற்கு எனது மனைவி சாவித்ரி உதவியாக இருக்கிறார்.

இந்த உலகத்தில் பிறந்த அனைவரும் தாயை தெய்வமாக வழிபட வேண்டும். தாய்தான் எந்த வித பிரதிபலனும் எதிர்பாராமல் பாசம் காட்டுவார். தாயை உயர்வாக மதிக்கும் அனைத்து குழந்தைகளும் வாழ்வில் நிச்சயம் சாதனையாளர்களாக மாறுவார்கள்.

இவ்வாறு அவர் கூறினார்.

கோவில் திறக்கப்பட்ட பிறகு தாயாரின் சிலைக்கு பூஜை நடத்தி வழிபடவும் சுரேஷ்குமார் மற்றும் குடும்பத்தினர் திட்டமிட்டுள்ளனர்.

மாலைமலர்

dsudhanandan · dsudhanandan Wed Nov 02, 2011 11:34 pm

அன்னையைப் போல் ஒரு தெய்வமில்லை.... சூப்பருங்க

**கேசவன்** · **கேசவன்** Thu Nov 03, 2011 11:29 am

இந்த 5 கோடியில் முதியோர் இல்லம் ஆரம்பித்து ,குறைந்தது 100 ஆதரவற்ற முதியோர்களுக்கு அடைக்கலம் கொடுக்கலாமே

உதயசுதா · உதயசுதா Thu Nov 03, 2011 11:59 am

KESAVAN wrote:இந்த 5 கோடியில் முதியோர் இல்லம் ஆரம்பித்து ,குறைந்தது 100 ஆதரவற்ற முதியோர்களுக்கு அடைக்கலம் கொடுக்கலாமே

அதானே.முதியோர் இல்லம் ஆரம்பிக்க வேண்டாம் இருக்கிற முதியோர் இல்லங்களுக்கும்,அநாதை இல்லங்களுக்கும் கொடுத்தாலே அவர்கள் பல வருஷ காலம் எந்த தடையும் இன்றி நன்றாக இருப்பார்களே.
தன் தாய் தந்தை இருக்கும்போது அவர்களை தெய்வமாக கொண்டாடுங்கள்.உயிரை விட்ட பின் கோயில் கட்டி ஒரு புண்ணியமும் இல்லை.

ARR · ARR Thu Nov 03, 2011 12:30 pm

முதியோர் இல்லங்கள் அமைத்துப் பராமரிப்பது அரசின் கடமை.. தனியார் தன்னார்வத் தொண்டாக செய்தால் நன்று. இல்லையேல் வற்புறுத்த இயலாது..

சிதம்பரத்தின் இச்செயல், தாய்மையை சிறப்பிக்கவும், மற்றவர்கள் கோவில் கட்டாவிட்டாலும், முதியோர் இல்லங்களில் தள்ளிவிடாமல் இருக்கவும் செய்யுமானால் அது மிகப்பெரிய விஷயம்..

பாராட்டுகள் சிதம்பரம்..!

**சிவா** · **சிவா** Thu Nov 03, 2011 12:34 pm

பணம் படைத்தவர்களின் பாசம் இப்படித்தான் வெளிப்படும். ஆனால் இதுதான் உண்மையான பாசமா? பணம் இல்லாதவன் தாயின் மீது பாசம் வைப்பதில்லையா? இந்தச் செய்திக்கு முன்னுரிமை கொடுத்தது தவறு.

Sponsored content · Sponsored content

தாய்க்கு ரூ.5 கோடியில் கோவில் கட்டும் திருச்சி தொழில் அதிபர்: வெண்கல சிலை அமைத்து வழிபட முடிவு

தாய்க்கு ரூ.5 கோடியில் கோவில் கட்டும் திருச்சி தொழில் அதிபர்: வெண்கல சிலை அமைத்து வழிபட முடிவு

Re: தாய்க்கு ரூ.5 கோடியில் கோவில் கட்டும் திருச்சி தொழில் அதிபர்: வெண்கல சிலை அமைத்து வழிபட முடிவு

Re: தாய்க்கு ரூ.5 கோடியில் கோவில் கட்டும் திருச்சி தொழில் அதிபர்: வெண்கல சிலை அமைத்து வழிபட முடிவு

Re: தாய்க்கு ரூ.5 கோடியில் கோவில் கட்டும் திருச்சி தொழில் அதிபர்: வெண்கல சிலை அமைத்து வழிபட முடிவு

Re: தாய்க்கு ரூ.5 கோடியில் கோவில் கட்டும் திருச்சி தொழில் அதிபர்: வெண்கல சிலை அமைத்து வழிபட முடிவு

Re: தாய்க்கு ரூ.5 கோடியில் கோவில் கட்டும் திருச்சி தொழில் அதிபர்: வெண்கல சிலை அமைத்து வழிபட முடிவு

Re: தாய்க்கு ரூ.5 கோடியில் கோவில் கட்டும் திருச்சி தொழில் அதிபர்: வெண்கல சிலை அமைத்து வழிபட முடிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக