தமிழர் நாடு! தமிழர் தேசியம்! தேவையா ?

Guest · Guest Tue Nov 01, 2011 6:29 am

First topic message reminder :

1800 ஆண்டு காலமாகத் தமிழரின் நாட்டை தமிழர்களால் ஆள முடியவில்லை என்பதை ஏதோ எக்குத்தப்பாக நடந்துவிட்டது என்று தட்டிக் கழிக்க முடியாது! ஓர் அங்குல நிலம் கூட இல்லாத யூதர்கள் தங்களுக்கென்று ஒரு நாட்டை அமைத்துக் கொள்ள முடியுமென்றால், அமெரிக்க வல்லாதிக்க வெறியிலிருந்து உலகின் பல நாடுகள் திமிறிக் கொண்டு விடுதலை பெற்றுக் கொள்வது சரியென்றால், சோவியத் ஒன்றியத்திலிருந்து தேசிய இனங்கள் விடுதலை பெற இயலும் என்றால், சீனாவிற்கெதிரான திபத்தியர்களின் போராட்டத்தில் ஞாயம் இருக்கிறது என்றால் உலகில் வாழும் பத்தரைக் கோடித் தமிழர்களுக்கென்று ஒரு நாடு அமைவது எந்த விதத்தில் ஞாயமற்றதாக இருக்க முடியும்?

ஆங்கிலேயரின் கொற்றம் 1947ல் இத் துணைக் கண்டத்திலிருந்து அகன்றபோது, பிராமண மேலாதிக்கம் கோலோச்சியது! ஆங்கிலேயருக்கு எப்படி இத் துணைக் கண்டத்தில் மண்ணுரிமை இல்லை என்பதே நெருடலற்ற உண்மை! கன்னடருக்கும், துளுவருக்கும், தெலுங்கருக்கும், கசுமீரியருக்கும், பஞ்சாபியருக்கும், அசாமியருக்கும், மலையாளிகளுக்கும், தமிழர்களுக்கும் இதுபோன்ற இன்னபிற இனங்களுக்கும் இத்துனைக்கண்டத்தில் மண் உண்டு! மன்னுரிமையுண்டு!! பிராமினருக்கேது மண்? தேசம்? நாடு? மண்ணுரிமை? எனவே, இந்திய ஒன்றியம் உருவாக்கப்பட்டது! தேசிய மாயை திணிக்கப்பட்டது! ஒற்றைத் தேசியம் என்கிற கோட்பாடு சட்டப் பாதுகாப்புப் பெற்றது! ஆக, இந்த இந்தியச் சேற்றுக்குள் பல்வேறு தேசிய இனங்கள் சிக்கிச் சின்னாபின்னமாயின. ஆனால், எத்தனைக் காலம்தான் ஏமாற்றுவார் இந்த நாட்டிலே? மராத்தியரும், பீகாரியரும், காசுமீரியரும், பஞ்சாபியரும், அசாமியரும் கிளர்ந்தெழுந்து போராடுகின்றனர். மலையாளிகளும் தெலுங்கரும் கமுக்கமான வேறுபல வழிகளில் தங்களது ஆளுமையைத் திணிக்கின்றனர்.

சேற்றுக்குள் சிக்கிய தேசிய இனங்கள் முண்டியடித்துக் கரையேற நினைக்கும் நேரத்தில் திராவிடம் என்னும் முதலை தமிழரின் காலைக் கவ்வி இழுக்கிறது! முதலையை முறியடிப்பது எப்போது? சேற்றிலிருந்து எழுவது எப்போது? நீ தமிழனில்லை, திராவிடன் என்கிறது ஒரு கூட்டம்! இல்லை, இந்தியன் என்கிறது இன்னொரு கூட்டம்! திராவிட வணிகம் தமிழகத்தில் களைகட்டி நடந்த காரணத்தால், ஆட்சி எப்போதுமே திராவிடர்கள் கையிலேயே இருக்கிறது! தமிழரோ தொண்டராக, எடுபிடியாக, ஏமாளியாக, இழித்தவாயராக வளம் வருகின்றார். வணிகமோ மலையாளிகள், மார்வாடிகள் கையில் குவிந்து கிடக்கிறது. அரசியல் தெலுங்கர், கன்னடரிடம் மாட்டிக்கொண்டுள்ளது! தமிழ்க் கலைகள் களவாடப்பட்டு தமிழர் ஓட்டாண்டியாக மட்டுமல்ல! தமிழில் பாடினாலாயே தீட்டு என்கிற நிலையைத் தமிழகத்தினுள்ளேயே கொண்டுவந்துவிட்டனர். கோவிலில், வழக்கு மன்றத்தில், பள்ளியில் தமிழ் மொழி படிப்படியாக அகற்றப்படுகிறது! ஆங்கிலமும் திராவிட மொழிகளும், இந்தியும் வலுக்கட்டாயமாகத் திணிக்கப்படுகின்றன! இதுதான் திராவிடம் செய்த கோலம்! தமிழகச் சட்டமன்றத்திற்கே தமிழரல்லாத தெலுங்கர் ஒருவரின் பெயரைச் சூட்டும் அளவிற்குத் தமிழகம் தாழ்ந்துபோனது!!

தாழ்ந்த தமிழகம் தலை நிமிர; இழந்த பகுதிகளை மீட்டாக வேண்டும், அழிந்த கலைகளை உயிர்பிக்க வேண்டும், விட்டுக் கொடுத்த உரிமைகளை எட்டிப் பிடித்தாக வேண்டும்! தமிழ்நாட்டைத் தமிழர்கள் ஆளவேண்டும்! தமிழரின் அறிவும் ஆற்றலும் உலகிற்கு பயனுற விளங்க வேண்டும்!

தமிழர் களம்

**அகிலன்** · **அகிலன்** Wed Nov 02, 2011 7:27 pm

வில்லது வளைந்த தென்றும் வேழமது உறங்கிற்றென்னும்
வல்லியம் பதுங்கிற் றென்னும் வளர்கடா பிந்திற்றென்னும்
புல்லர் தம் சொல்லுக்கு அஞ்சிப் பொறுத்தனர் பெரியோர் என்று
நல்ல தென்றிருக்க வேண்டா நஞ்செனக் கருதலாமே.

உதயசுதா · உதயசுதா Thu Nov 03, 2011 6:31 am

akilan7 wrote:வில்லது வளைந்த தென்றும் வேழமது உறங்கிற்றென்னும்
வல்லியம் பதுங்கிற் றென்னும் வளர்கடா பிந்திற்றென்னும்
புல்லர் தம் சொல்லுக்கு அஞ்சிப் பொறுத்தனர் பெரியோர் என்று
நல்ல தென்றிருக்க வேண்டா நஞ்செனக் கருதலாமே.

நீங்க ippa என்ன சொல்ல வரிங்க?இதோட அர்த்தத்தை சொல்லலாமே

**அகிலன்** · **அகிலன்** Thu Nov 03, 2011 10:26 pm

உரிமைப்போராட்டம் சற்று பின்தங்கியுள்ளது, முடிந்து விட்டது என்று நினைக்கவேண்டாம். காலம் வரும்போது புது வடிவம் பெறும். காலம் எப்பொழுதும் எல்லோருக்கும் ஒரேமாதிரி இருப்பதில்லை.

Guest · Guest Fri Nov 04, 2011 7:46 am

உதயசுதா wrote:
akilan7 wrote:வில்லது வளைந்த தென்றும் வேழமது உறங்கிற்றென்னும்
வல்லியம் பதுங்கிற் றென்னும் வளர்கடா பிந்திற்றென்னும்
புல்லர் தம் சொல்லுக்கு அஞ்சிப் பொறுத்தனர் பெரியோர் என்று
நல்ல தென்றிருக்க வேண்டா நஞ்செனக் கருதலாமே.
நீங்க ippa என்ன சொல்ல வரிங்க?இதோட அர்த்தத்தை சொல்லலாமே

ஒரு தமிழ் பாவில் உள்ள அர்த்தம் புரிந்து கொள்ள முடியவில்லை ... நீங்கள் தமிழர் தேசியம் பற்றி பேசுகிறீர்கள் ... அருமை

உதயசுதா · உதயசுதா Fri Nov 04, 2011 10:37 am

புரட்சி wrote:
உதயசுதா wrote:
akilan7 wrote:வில்லது வளைந்த தென்றும் வேழமது உறங்கிற்றென்னும்
வல்லியம் பதுங்கிற் றென்னும் வளர்கடா பிந்திற்றென்னும்
புல்லர் தம் சொல்லுக்கு அஞ்சிப் பொறுத்தனர் பெரியோர் என்று
நல்ல தென்றிருக்க வேண்டா நஞ்செனக் கருதலாமே.
நீங்க ippa என்ன சொல்ல வரிங்க?இதோட அர்த்தத்தை சொல்லலாமே

ஒரு தமிழ் பாவில் உள்ள அர்த்தம் புரிந்து கொள்ள முடியவில்லை ... நீங்கள் தமிழர் தேசியம் பற்றி பேசுகிறீர்கள் ... அருமை

இதுக்கு அர்த்தம் எனக்கு தெரியாமல் கேக்கவில்லை.நாம பேசிட்டு இருக்கறதுக்கும் இவர் இந்த கவிதையா சொல்லி இருக்கறதுக்கும் என்ன அர்த்தம் என்று கேக்க வந்தேன்.
இதுக்கு அர்த்தம் சொல்லவா vil valainthu koduththathu enrum yaanai thungiyathu enrum சிங்கம் பதுங்கியது என்றும் வளர்ந்த கடா பின்னோக்கி ஓடியாது என்றும் தீயவர் சொல்லுக்கு பயந்து பொருத்தனர் பெரியவர்கள். நல்லது இருக்க வேண்டாத அதை வேண்டாத நஞ்சென நினைக்கலாமா என்று கேட்டு இருக்கிறார்,சரியா/
அது மட்டும் இல்லை இதுக்கு அர்த்தம் தெரிஞ்சால் தான் தமிழர் தேசியம் பற்றி பேச வேண்டும் என்பது யாருக்கும் கட்டாயம் இல்லை.ஒண்ணு நல்லா தெரிஞ்சுக்கொங்க சும்மா இணையத்தைல் என்ன வேண்டுமானாலும் எழுதலாம் என்று போராட்டம் என்றால் நான் முன் நிற்பேன் என்று சொல்ல கூடாது,அப்படி முன்னாடி நிக்க என்ன முயற்சி எடுத்திங்க என்று சொல்லணும் .சும்மா உட்கார்ந்து நான் அதை செய்வேன்,இதை செய்வேன் என்று சொல்ல கூடாது.நல்ல ஆண் மகனுக்கு அழகு சொல்லிவிட்டு செய்ய கூடாது.செய்துவிட்டு சொல்லணும்.அது மாதிரி நீங்க ஏதாச்சும் இணயத்தில் எழுதுவதை விடுத்து இலங்கை தமிழர்களுக்காக ஏதாச்சும் செய்துவிட்டு வந்து சொல்லுங்க.அப்புறம் ஒத்துக்கொள்கிறேன் நீங்கள் செயலில் வீரர் என்று.

Guest · Guest Fri Nov 04, 2011 4:50 pm

கண்டிப்பாக சுதா.. ... ஆனால் அதெல்லாம் வெளியே தெரிவித்து ... நான் உதவி செய்கிறேன் என்று சொல்லி கொள்ள விரும்ப வில்லை ..

Sponsored content · Sponsored content

தமிழர் நாடு! தமிழர் தேசியம்! தேவையா ?

தமிழர் நாடு! தமிழர் தேசியம்! தேவையா ?

Re: தமிழர் நாடு! தமிழர் தேசியம்! தேவையா ?

Re: தமிழர் நாடு! தமிழர் தேசியம்! தேவையா ?

Re: தமிழர் நாடு! தமிழர் தேசியம்! தேவையா ?

Re: தமிழர் நாடு! தமிழர் தேசியம்! தேவையா ?

Re: தமிழர் நாடு! தமிழர் தேசியம்! தேவையா ?

Re: தமிழர் நாடு! தமிழர் தேசியம்! தேவையா ?

Re: தமிழர் நாடு! தமிழர் தேசியம்! தேவையா ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக