நாள் 11-மாதம் 11-வருடம் 2011: 6 நட்சத்திரக்காரர்களுக்கு நவம்பர் 11-ல் யோகம்; வழிபட வேண்டிய தெய்வங்கள்

First topic message reminder :

11-11-11 இந்த நாள் சரித்திரம் முக்கியத்துவம் நிறைந்த நாள் ஆகும். இது 100 ஆண்டுக்கு ஒரு முறை தான் வரும். இந்த அபூர்வ நாள் அடுத்த மாதம் வருவது விசேஷமான ஒன்று. 800 ஆண்டுகளுக்கு முன்பு வந்த 11-11-1111-ம் நாள் மிகவும் அதிர்ஷ்ட நாளாக கருதப்பட்டது. இதற்கு காரணம் தேதி, மாதம், ஆண்டு, என்று எல்லாமே 1-ஆக இருந்தது தான். தற்போது வரும் 11-11-2011-ம் மிகவும் அதிர்ஷ்டமான நாளாகும் என்கிறார் ஜோதிடர் சதீஷ்குமார். அவர் மேலும் கூறியதாவது:-

இந்நாள் வெள்ளிக்கிழமையில் வருவது கூடுதல் சிறப்பு. அதிலும் பரணி நட்சத்திரம், கிருத்திகை திதியில் வருவதால் மேலும் சிறப்பு பெறுகிறது. எண் கணித ராசிப்படி பார்த்தால் 11-11-2011-ம் நாளின் கூட்டு எண் 8 ஆகும். 8 என்பது சனிபகவானை குறிக்கிறது. சனியின் நட்பு கிரகங்கள் புதன், சுக்கிரன் இவைகள் தான் யோகம் தரும் கிரகங்களாகவும் திகழ்கின்றன.

சுக்கிரனின் அதி தேவதை மகாலட்சுமி தாயார். அதிர்ஷ்டம் நிறைந்த 11-11-11 நாளில் 108 திவ்ய பிரதேசங்களில் உள்ள மகாலட்சுமி தாயாரை நாம் வழிபட்டால் அள்ள அள்ள குறையாத செல்வங்களை பெறலாம். மகாலட்சுமியை அன்று காலை 6 முதல் 7 மணி வரையிலும், இரவு 8 முதல் 9 மணி வரையிலும் வழிபட்டால் அதிக யோக பலன்களைப் பெறலாம்.

வாகனம், ஆடை, ஆபரணங்கள் கிடைக்கும். சங்கீதத்தில் சிறந்து விளங்க முடியும். பெண்களால் லாபம் பெருகும், வீட்டிற்கு லட்சுமி கடாட்சம் கிடைக்கும், நவரத்தினங்கள், வைரம் போன்றவற்றையும் பெற முடியும். 11-ந் தேதி அதிர்ஷ்ட நாளில் விஷ்ணு (பெருமாள்) வழிபாடும் பல்வேறு யோகங்களை நமக்கு பெற்றுத் தரும்.

அன்றைய தினம் பெருமாளை காலை 7 முதல் 8 மணி வரையிலும், இரவு 9 முதல் 10 மணி வரையிலும் வழிபட சிறந்த நேரம் ஆகும். இந்நாளில் பெருமாளை வழிபடுவோர் கல்வி, கலைத்துறையில் கூடுதல் பலன்கள் கிடைக்கப் பெறுவர். வியாபாரத்தில் அதிக லாபம் பெறலாம். உத்தியோகத்தில் இருப்போருக்கு பதவி உயர்வு போன்றவை கிடைக்கும்.

6 நட்சத்திரங்களுக்கு யோகம்.........

சுக்கிரன் கிரகத்திற்கு உட்பட்ட பரணி, பூரம், பூராடம் நட்சத்திரக்காரர்களும், புதன் கிரகத்திற்கு உட்பட்ட ரேவதி, ஆயில்யம், கேட்டை நட்சத்திரக்காரர்களும் 11-11-2011 நாளில் அதிர்ஷ்டத்தை பெறுபவர்களாக உள்ளனர். எனவே இந்த 6 நட்சத்திரக்காரர்களும் அவரவர் குல தெய்வங்களை வழிபட்டால் கூடுதல் யோக பலன்களைப் பெறலாம்.

ராசிக்கேற்ற வழிபாடு.....

மேஷம்.........

மேஷ ராசியின் ராசி அதிபதி செவ்வாயை குரு பார்ப்பதால் பொருளாதாரத்தில் நல்ல வளர்ச்சியை பெறமுடியும். குடும்ப பிரச்சினை நீங்கி மகிழ்ச்சியுடன் வாழ்வர். 11-ந் தேதி மகாலட்சுமியை வழிபட்டால் சகல யோகங்களைப் பெறலாம்.

ரிஷபம்......

ரிஷப ராசி அதிபதி சுக்கிரன் 7-ம் இடத்தில் உள்ளார். இதனால் குடும்பத்தில் மகிழ்ச்சி நிலவும். பொன், பொருள் சேர்க்கை அதிகரிக்கும், தொழிலில் முன்னேற்றம் காணலாம். துர்க்கை அம்மனை வழிபட்டால் கூடுதல் பலன்களை பெற முடியும்.

மிதுனம்.....

மிதுன ராசிக்கு அதிபதியான புதன் 6-ல் உள்ளார். இதனால் காரிய தடை நீங்கி செல்வ செழிப்பை பெறலாம். பொருளாதாரத்தில் அதிக முன்னேற்றம் ஏற்படும். பெருமாளை வழிபட்டால் கூடுதல் யோகத்தை பெறலாம்.

கடகம்........

கடக ராசியின் அதிபதி சந்திரன் 10-ல் உள்ளார். தொழில், உத்தியோகத்தில் இருப்பவர்கள் நல்ல முன்னேற்றம் காணலாம். 11-ந் தேதி அதிர்ஷ்ட நாளில் சூரியன் அல்லது சிவனை வழிபட்டால் வீடு வாங்கும் யோகம் பெறலாம்.

சிம்மம்.........

சிம்ம ராசியின் அதிபதி சூரியன் நீச்சம் பெற்று துலாமில் உள்ளார். எவ்வளவு தான் தடைகள் வந்தாலும் அதை முறியடித்து வாழ்வில் வெற்றி பெறலாம். தொழிலில் லாபம் பெருகும். குழந்தை பாக்கியம் கிடைக்கும். திருமண தடை நீங்கும் 11-ந் தேதி அதிர்ஷ்ட நாளில் சூரியனை வழிபட்டால் கூடுதல் யோக பலன்களை பெறலாம்.

கன்னி......

கன்னி ராசியின் அதிபதியான புதன் 3-ல் உள்ளார். இதனால் குடும்பத்தில் உள்ள குழப்பங்கள் நீங்கும். தொழிலில் இருந்து வந்த நஷ்டங்கள் குறையும். உத்தியோகத்தில் இருப்போருக்கு பதவி உயர்வு கிடைக்கும். 11-ந் தேதி அதிர்ஷ்ட நாளில் சனி பகவானுக்கு நெய் விளக்கு ஏற்றி வழிபட்டால் சகல யோகங்களை பெறலாம். காமாட்சி அம்மனை வழிபடுவதும் சிறப்பை தரும்.

துலாம்........

துலாம் ராசியின் அதிபதியான சுக்கிரன் 2-ல் உள்ளார். இதனால் பொருளாதாரத்தில் வளர்ச்சி ஏற்படும். குடும்ப பிரச்சினை தீர்ந்து ஒற்றுமை ஏற்படும். வீடு வாங்கும் யோகம் கிடைக்கும். 11-ந் தேதி அதிர்ஷ்ட நாளில் விநாயகர், ஆஞ்சநேயரை வழிபட்டால் கூடுதல் யோக பலன்களை பெறலாம்.

விருச்சிகம்........

விருச்சிகம் ராசியின் அதிபதி செவ்வாய் சிம்மத்தில் உள்ளார். இதனால் நினைத்த காரியம் பலிக்கும். வியாபாரத்தில் வளர்ச்சி ஏற்படும். குழந்தை பாக்கியம் கிடைக்கும். 11-ந் தேதி அதிர்ஷ்ட நாளில் முருகன் கோவிலுக்கு சென்று வழிபட்டால் வீடு கட்டும் யோகம் பெறலாம்.

தனுசு........

தனுசு ராசியின் அதிபதி குரு மேஷத்தில் வக்கிரம் பெற்றுள்ளார். இதனால் தொழிலில் இருந்து வந்த நஷ்டங்கள் அடியோடு நீங்கும். லாபம் பெருகும். திருமண தடை, காரிய தடைகள் நீங்கும். குடும்பத்தில் ஒற்றுமை ஓங்கும். 11-ந் தேதி அதிர்ஷ்ட நாளில் தட்சிணாமூர்த்தியை வழிபட்டால் சகல யோகங்களை பெறலாம்.

மகரம்........

மகர ராசியின் அதிபதி சனி கன்னியில் உள்ளார். இதனால் காரிய தடைகள் நீங்கும். சந்திரன் 4-ல் இருப்பதால் உறவினர்ககளுடன் நட்பு மேம்படும். குழந்தை பாக்கியம் கிடைக்கும். திருமண தடைகள் நீங்கும். 11-ந் தேதி அதிர்ஷ்ட நாளில் சனிபகவான், காமாட்சி அம்மனை வழிபட்டால் கூடுதல் யோக பலன்களை பெறலாம்.

கும்பம்........

கும்ப ராசியின் அதிபதி சனி 8-ல் உள்ளார். செவ்வாய் சிம்மத்தில் இருந்து கும்பத்தை பார்க்கிறார். இதனால் குடும்ப பிரச்சினைகள் நீங்கும். தொழிலில் லாபம் பெருகும். 11-ந் தேதி முருகபெருமானை வழிபட்டால் சகல யோகங்களும் பெறலாம்.

மீனம்.....

மீன ராசியின் அதிபதி குரு வக்கிரம் பெற்று மேஷத்தில் உள்ளார். இதனால் காரிய தடைகள் நீங்கும். வீடு கட்டும் யோகம் கிடைக்கும். குழந்தை பாக்கியம் கிடைக்கும். 11-ந் தேதி தட்சிணாமூர்த்தியை வழிபட்டால் கூடுதல் யோகங்களை பெறலாம் என்கிறார் ஜோதிடர் சதீஷ்குமார்.

மாலைமலர்

ARR wrote:நம் பஞ்சாங்கம் அமாவாசை அடிப்படையிலானது.. ஆஙகில நாட்கள் எவ்வித பாதிப்பையும் ஏற்படுத்தாது..

கும்ப ராசிக்கு முருகனை வழிபடணுமா..? நமக்கும் அந்தாளுக்கும் கேப் ஜாஸ்தியாயிற்றே..!

நான் புரிந்து கொண்ட வரையில், சூரியன் ஒரு லக்னதிலிருந்து,அடுத்த லக்னம் செல்லும் நாட்களே,அந்தந்த மாதத்தின் முதல் நாள் என்ற ரீதியில்,பஞ்சாங்கம் அமைந்து உள்ளதாக நினைக்கிறேன். அமாவாசை அடிப்படையிலா? தெரிந்தவர்கள் விளக்கவும். நன்றி!
ரமணியன்.

ஜோதிடம் சந்திரன் சுழச்சி அடிப்படையிலும், சூரியன் சுழச்சி அடைப்படையில் கணிக்கப்படுகிறது, தமிழ்நாடு, கேரளா ஆகிய மாநிலங்களில் சூரிய சித்தாந்தம் அடைப்படையில் தான் பஞ்சாங்கமும், முகூர்தங்களும் நிச்சயிக்கப்படுகிறது, ஆதலால் நம்மை பொறுத்த வரை சூரிய அஸ்தமனம் பிறகு வருவது நல்ல முகூர்த்தம் அல்ல. ஆனால் ஆந்திராவில் திருமணம் கூட நள்ளிரவில் நடைபெறுகிறது. தமிழ் மாதங்கள் சூரியனின் அடைப்படையில் தான் கணிக்கப்படுகிறது.

இரண்டு முறையிலும் ஜோதிடம் எழுதப்படுகிறது. சந்திரன் திதி, கரணம், நட்சத்திரம் நிர்ணயம் செய்யவும், சூரியன் நாள் நிர்ணயம் செய்யவும், சூரியனும், சந்திரனும் யோகம் நிர்ணயம் செய்யவும் பயன்படுகிறது, இந்த ஐந்து அங்கங்களை (நாள், திதி, கரணம், யோகம் ,நட்சத்திரம்) ஆகியவை கொண்டு பஞ்சாங்கம் எழுதப்படுகிறது.

[quote="ARR"]

T.N.Balasubramanian wrote:(11-11-11-11-11-11)

2011 ஆம் வருடம்,
11 ஆம் மாதம்,
11தேதி,
11 காலை மணி,
11நிமிடம்,
11வினாடியில் பிறக்கும் குழந்தை
சீரும் சிறப்பும் அடைந்து
பேறும் புகழும் அடைய பிரார்த்திக்கிறேன்.
ரமணியன்.

ஏன் ரமணியன் அக்குழந்தைக்கு மட்டும் சிறப்பு வேண்டுதல்..?

மண்ணில் பிறக்கும் எல்லாக்குழந்தைகளுமே நலமுடன் வாழட்டும்..![/குஓட்டே]

தலைப்பு 11/11/11/11/11/11 என்பதால் அந்த வாழ்த்து.
மண்ணில் பிறக்கும் எல்லா குழந்தைகள் மட்டுமின்றி,பிறந்த யாவரும் நலமுடன் ,வளமுடன் வாழ,
வாழ்த்துவதும் விரும்புவதும்,யாமே!
ரமணியன்.

ARR wrote:

பிரசன்னா wrote:

ARR wrote:நாம் பஞ்சாங்கம் அமாவாசை அடிப்படையிலானது.. ஆஙகில நாட்கள் எவ்வித பாதிப்பையும் ஏற்படுத்தாது..

கும்ப ராசிக்கு முருகனை வழிபடணுமா..? நமக்கும் அந்தாளுக்கும் கேப் ஜாஸ்தியாயிற்றே..!

நண்பரே கொஞ்சம் புரியும்படி சொல்லவும்..... நானும் கும்ப ராசி / சதய நட்சத்திரம் என்பதால் இந்த ஆர்வம்...

டரியல் ஆகாதீங்க பிரசன்னா..!

நாங்க நாமதாரிக் கூட்டம்.. பெருமாள்தான் எங்களுக்கு எல்லாம்.. அதனால் அப்படிச் சொன்னேன்..

எங்க அப்பத்தா அடிக்கடி சொல்லும்..

"முருகன் வேண்டியவுடன் எதையும் தரமாட்டான்.. ட்யூப் லைட் போல கொஞ்சம் லேட் ஆகும்..

ஐயப்பன் ரொம்ப தாமதிப்பான்.. சோடியம் வேப்பர் போல..

நம்ப சாமிதாண்டா குண்டு பல்பு.. ஸிவிட்சை போட்டவுடனே எரியும்..

இந்த உதாரணம் ரெஸ்பான்ஸ் டைமுக்கு மட்டும்தான்..