350 முதுகலை ஆசிரியர் பணியிடம் காலி!

வியாழக்கிழமை, 3, நவம்பர் 2011 (22:6 IST)


350 முதுகலை ஆசிரியர் பணியிடம் காலி!

தமிழகம் முழுவதும் 350க்கும் மேற்பட்ட முதுகலை பட்டதாரி ஆசிரியர் காலி பணியிடங்கள் ஏற்பட்டுள்ளதால் இவற்றை நிரப்ப 2ம் கட்டமாக இடமாறுதல் கலந்தாய்வு நடத்தப்பட வேண்டும் என்று கோரிக்கை எழுந்துள்ளது.

தமிழகம் முழுவதும் அரசு பள்ளிகளில் உள்ள ஆசிரியர்கள் பயன் பெறும் வகையில் இடமாறுதல் பொதுகலந்தாய்வு நடத்தப்பட்டது. ஆயிரக்கணக்கான ஆசிரியர்கள் இடமாறுதல் பெற்றனர். மாவட்டம் விட்டு மாவட்டமும் ஆசிரியர்களுக்கு பணி மாறுதல் உத்தரவு வழங்கப்பட்டுள்ளது.

இந்த நிலையில் மாவட்டத்தில் பல்வேறு அரசு மேல்நிலை பள்ளிகளில் முதுகலை பட்டதாரி ஆசிரியர் பணியிடங்கள் காலியாக இருந்து வருகிறது.

பள்ளிகளில் அரையாண்டு தேர்வை மாணவர்கள் எட்டுகின்ற நிலையில் ஆசிரியர் காலியிடங்கள் மாணவர்களுக்கு பாதிப் பை ஏற்படுத்தும் சூழலை உருவாக்கியுள்ளது.


குமரி மாவட்டத்தில் மட்டும் தற்போது தமிழ் 2, ஆங்கிலம் 3, இயற்பியல் 3, வேதியியல் 6, விலங்கியல் 7, தாவரவியல் 1, கணிதம் 1, அரசியல் அறி வியல் 1 என்று 24 முது நிலை பட்டதாரி ஆசிரியர் பணியிடங்கள் காலியிடங்களாக மாறியுள்ளன.


குமரி மாவட்டத்தை சேர்ந்த 19 முதுகலை ஆசிரியர்கள் மேல்நிலை பள்ளி தலைமை ஆசிரியர்களாக பதவி உயர்வு பெற்று சென்றதின் மூலம் இந்த காலியிடங்கள் ஏற்பட்டுள்ளது.


இது போன்ற நிலை தமிழகம் முழுவதும் அனைத்து மாவட்டங்களிலும் உள்ளது. கடந்த ஆண்டுக்கு முந்தைய ஆண்டு இதுபோன்ற காலியிடங்களை நிரப்ப முதுகலை பட்டதாரி ஆசிரியர்களுக்கு 2ம் கட்ட இடமாறுதல் கலந்தாய்வு நடத்தப்பட்டது.


தொடர்ந்து கடந்த ஆண்டு கலந்தாய்வு நடத்தாமல் ஏற்கனவே உயர் நிலை பள்ளிகளில் பணிபுரிந்து வந்த முதுகலை ஆசிரியர்களை பதவி உயர்வு வழங்கி காலியிடங்களை நிரப்பினர்.


இது தொடர்பாக தமிழ்நாடு மேல்நிலை பள்ளி முதுகலை பட்ட தாரி ஆசிரியர் சங்க குமரி மாவட்ட தலைவர் பாக்கிய சீலன், ‘’ பள்ளிகளில் முதுகலை பட்டதாரி ஆசிரியர் காலி பணியிடங்களை நிரப்ப தமிழக அரசு மேலும் ஒரு இடமாறுதல் கலந்தாய்வை நடத்த வேண்டும்.

நடந்த முடிந்த தலைமை ஆசிரியர்களுக்கான பதவி உயர்வு கலந்தாய்வில் பங்கேற்று 300க்கும் மேற்பட்ட முதுகலை பட்டதாரி ஆசிரியர்கள் பதவி உயர்வு பெற்றுள்ளனர். தற்போது அந்த இடங்கள் காலியாக உள்ளது.


மேலும் நிரப்பப்படாமல் இருந்த இடங்கள் உட்பட 350க்கும் மேற்பட்ட முதுகலை பட்டதாரி ஆசிரியர் இடங்கள் வரை தற்போது காலியாக உள்ளது.

இவற்றை இடமாறுதல் கலந்தாய்வு மூலம் மட்டுமே நிரப்ப வேண் டும். அரசு இது தொட ர்பாக உரிய நடவடிக்கை எடுக்கும் தருவாயில் மாணவர்களின் கல்வி பாதிக்கப்படாமல் இருக்கும்’’ என்று தெரிவித்தார்.