அவளை நினைக்காதே (இரண்டாம் பாகம்)

சண்முகம் · சண்முகம் Thu Oct 27, 2011 6:51 pm

இதன் முதல் பாகத்தை படிக்க நினைக்கிறவங்க இங்கே போய் படிச்சுட்டு வந்துருங்க.

பின்னாடி திருப்பிய கழுத்த நேரா திருப்புங்க. இப்ப நாம நிகழ்காலத்துக்கு வந்துட்டோம்.

காலை 4 மணி: "hi gud morn" என அவ கிட்ட இருந்துதான் மெசேஜ்.

நான் எப்ப மெசேஜ் வருமோனு வழி மீது விழி வைத்து காத்துக்கிட்டு தான் இருந்தேன். ஆனா நான் பதில் அனுப்பல.

"rply me da. pls" இந்த மெசேஜும் அவ அனுப்பினது தான். இன்னும் கொஞ்ச நேரம் போச்சுனா நான் தெரியாம பதில் அனுபிடுவேணு எனக்கு பயம் வந்து செல்ல ஆப் பண்ணிட்டேன்.

ஏன் பதில் அனுப்ப மாட்டேங்குறேனு நினைகுரின்களா? பொண்ணுங்க மெசேஜ் அனுபினதும் உடனே பதில் அனுப்பினா பையன் அலையுறானு மதிக்க மாட்டளுங்க. (ஐயையோ உலக மகா ரகசியத்த உங்க கிட்ட சொல்லிட்டேனே).

எஸ் நீங்க நினைக்கிறது சரிதான். நேத்து நான் ஒரு TVS-50-யை ஓவர் டேக் பண்ணினேனே அதே பொண்ணு தான்.

நேத்து என்ன நடந்துச்சுன்னு கேளுங்க. நீங்க கேக்கலனாலும் நான் சொல்ல தான் போறேன்.

மறுபடியும் பிளாஸ் பேக் தான் (பின்னாடியெல்லாம் திரும்பி பாக்காதிங்க)

நேத்து நைட் ஒரு எட்டேகால் இருக்கும். ஒரு புது நம்பர்-ல இருந்து "hi" னு மெசேஜ் வந்துச்சு. பாத்ததும் தெரியும் அந்த கரண்டு காரன் பொண்ணா தான் இருக்கும்னு.

"what's this. who r u?" னு நல்லவன் மாதிரி (அதான் நல்லவன் மாதிரி சொல்லிட்டேனே) ஒரு பதில் மெசேஜ் அனுப்பினேன்.

" நான் தேவா" னு பதில் வந்துச்சு.

என்னாது தேவாவா...? அடச்செய் அந்த பொண்ணு இல்லையா னு ஒரு கடுப்புல "யாரடா நீ நாயே" னு பதில் அனுப்பினேன்.

"ஹேய், நான் தேவதர்ஷினி" னு பதில் வந்துச்சு. (நோட் திஸ் பாயிண்ட்: அவ என்ன பேரு சொல்றான்னு)

அடடா அவசர பட்டுடையே சண்முகா னு மனுசுல நினைச்சுகிட்டு, "ஒவ், சாரி டியர்" னு பதில் அனுப்பினேன்.

"என்ன டியர்னு சொல்றிங்க" (இந்த மெசேஜ்-ஐ குறிச்சு வச்சுகோங்க மரியாதையா பேசுராளா..?)

"ஏன் பிடிக்கலையா டி" னு அனுப்பினேன்.

"ஹேய், என்ன டி னு சொல்ற?" னு அனுப்பினா. (மானம் மரியாதை போச்சா..)

"ஏன் உன்ன டி னு சொல்ல கூடாதா" னு அனுப்பினேன்.

"நான் என்ன உங்க மனைவியா, லவ்வரா" னு பதில் அனுப்பினா.

"இப்ப லவர், அப்புறம் மனைவின்னு" பதில் மெசேஜ் அனுப்பினேன்.

திரும்ப மெசேஜ்களை காணோம். என்ன டா பன்றதுன்னு பதிலுக்கு காத்துக்கிட்டு இருந்தேன். ஒரு வேலை போன்ல எதாவது பிரச்சனையா இருக்குமா?, என் போன் ஹங் ஆகிடுச்சா?, டவர் இல்லையோ?, பேலன்ஸ் தீந்திருக்குமோ?, அவங்க அப்பன் வந்திருப்பானோ? அவளிடமிருந்து பதில் வருவதற்குள் ஆயிரம் ஆயிரம் கேள்விகள் என் மனது இடைவிடாது கேட்கிறது.

திரும்ப SMS வந்தது. ஐ அனுபிட்டானு ஆசையா எடுத்து பாத்தா புது நம்பர். யாரா இருக்கும்னு எடுத்து படிச்சா "இது தான் என் நம்பர். அது என் ஃபிரண்டு நம்பெர்னு " வந்தது.

ஹோ... ஹேய்....... எனக்கு 11-வது லவர் கிடைச்சுட்டா........ ஜாக் பாட் அடிச்சிருச்சு..........னு குதிக்க ஆரம்பித்துவிட்டேன்..

-தொடரும்.....
Posted by சண்முகம்
http://shanmugam088.blogspot.com/2011/10/blog-post_4589.html