நிஜமானது 'ஸ்லம்டோக் மில்லியனர்' திரைப்படம்

நிஜமானது 'ஸ்லம்டோக் மில்லியனர்' திரைப்படம் : இந்திய கேம் ஷோ வரலாற்றில் புதிய சாதனை


இந்தியாவின் புத்திசாலிகளுக்காகவே நடத்தப்படும் கேள்வி பதில் கேம் ஷோ நிகழ்ச்சி வரலாற்றில்

முதன்முறையாக 1 மில்லியன் அமெரிக்க டாலர்கள் பரிசுத்தொகை வெல்லப்பட்டிருப்பதுடன், சேரியில் வாழும் ஒருவர் கடைக்கோடியில் ஒருவர் அப்பரிசை தட்டிச்சென்றுள்ளது, இரட்டிப்பு ஆச்சரியத்தை ஒருங்கே கொடுத்துள்ளது.

பாலிவூட் நடிகர் அபிதாப் பச்சன் நடத்தும், 'Who Wants to Be a Millinaire' நிகழ்ச்சில் சுஷில் குமார் எனும் பீஹாரை சேர்ந்த ஏழை அரசு பணியாளர் ஒருவர் கலந்துகொண்டார்.


ஆஸ்கார் விருதுகளை அள்ளிக்குவித்த ஸ்லம்டோக் மில்லியனர் திரைப்படத்தில் வருவது போல் இறுதியில் அனைத்து கேள்விகளுக்கும் சரியான பதிலைக்கூறி ரூ 50 மில்லியன் (அதாவது 1 மில்லியன் அமெரிக்க டாலர்கள்) பரிசை தட்டிச்சென்றிருக்கிறார் இவர்.

அவரிடம் கேட்கப்பட்ட கேள்விகளும், அவர் கூறிய பதில்களும், நவம்பர் 3ம் திகதி, குறித்த நிகழ்ச்சியை நடத்தும் தொலைக்காட்சியில் ஒளிபரப்படவிருக்கிறதாம்.

மிகழும் ஏழ்மையான நிலையில் சேரி வாழ்க்கை வாழ்ந்து வந்த சுஷில் குமாருக்கு அவரது வீட்டில் சொந்தமாக தொலைக்காட்சி பெட்டி கூட இல்லையாம்.

நிகழ்ச்சியில் கேட்கப்பட்ட அனைத்து கேள்விகளுக்கும் சரியான பதிலை அளித்ததை தொடர்ந்து, நிகழ்ச்சி ஒளிபரப்பாளர் அமிதாப் பச்சன், சுஷில் குமாரை வெற்றியாளராக அறிவித்ததுடன், அவரையும், அவரது மனைவியையும் அழைத்து, ரூ 50 மில்லியன் (ஒரு மில்லியன் அமெரிக்க டாலருக்கு மேல்) பரிசுத்தொகையை நேரடியாக கையளித்து அவர்களை பரவசப்படுத்தினார்.

நீங்கள் புதிய வரலாற்றை உருவாக்கியிருக்கிறீர்கள். உங்களது அர்ப்பணிப்பும், ஆர்வமும், இதுவரை உங்களை இந்நிகழ்ச்சியில் கொண்டு வந்துள்ளது என அமிதாப் பச்சன் தெரிவித்தார்.

இந்த நிகழ்ச்சியில் குமார் பங்குபெற்ற முன்னர், அவரது மாத சம்பளம் டாலர் மதிப்பில் 120 அமெரிக்க டாலர்களே! பீஹார் மாநிலத்தின் மொதிஹாரியில் சின்னதாக ஒரு தனியார் வகுப்பு நடத்தி வருவதால் கொஞ்சம் மேலதிக வருமானம் வந்துள்ளது. மற்றும் படி அரசு உத்தியோகம் தான்.

இந்த நிகழ்ச்சியில் அவர் பங்கு பற்றுவதைக்கூட அவரது குடும்பத்தினர் பக்கத்துவீட்டு டீவியில் தான் பார்த்திருக்கிறார்கள்.

நிகழ்ச்சியின் முதல் சுற்றுக்களில் அவர் சரியான பதில்களை டிக் செய்ய, செய்ய அவரை நிகழ்ச்சியிலிருந்து வெளியேறுமாறு நெருங்கியவர்களால் வற்புறுத்தப்பட்டிருக்கிறார்.

இந்நிகழ்ச்சி நடைபெறும் மும்பை ஸ்டூடியோவுக்கு குமார் விஜயம் மேற்கொண்ட அனுபவம் தான், விமானத்தில் மேற்கொண்ட முதல் பயணமும், ஒரு பெரிய நகருக்கு மேற்கொண்ட முதல் விஜயமும் ஆகும்.

இப்போது ஒரு மில்லியன் அமெரிக்க டாலர்கள் வென்றிருப்பதால், முழு உலகமும் அவர் மீதான ஊடக பார்வையை செலுத்தியுள்ளது.

இந்த பணத்தை வைத்து என்னென்ன செய்வதற்கு அவர் திட்டமிட்டிருக்கிறீர்கள் என நிருபர்கள் கேட்ட போது,

இந்திய சிவில் சேர்விஸ் பரீட்சை எழுத வேண்டும். அதற்கான பயிற்சிகளுக்காக சில பணம் செலவிடுவேன். இப்பரீட்சை மூலம், மிக பாதுகாப்பானதும், பெறுமதியானதுமான நிரந்தர தொழிலொன்று எனக்கு கிடைக்க வாய்ப்பிருக்கிறது.

மனைவிக்காக புதிய வீடு ஒன்று வாங்குவேன். பெற்றோருக்கு தேவையான பணம் வழங்குவேன். சகோதரர் சிறிய வர்த்தகமொன்றை தொடக்க மூலதனமாக கொஞ்சம் பணம் வழங்குவேன் என தன்னை சுற்றியிருப்பவர்களின் நலனுக்காக பேசத்தொடங்கிய குமார், தனது சொந்த ஊரான மோதிஹாரியில், ஒரு நூலகம் கட்டப்போவதாகவும் இதன் மூலம் அந்த ஊரில் உள்ள சிறார்கள் தங்கள் கல்வி அறிவை பெருக்கி கொள்ளலாம் எனவும் இறுதியாக தெரிவித்த போது, சரியானவருக்கு தான் பரிசு சென்றடைந்திருக்கிறது என எண்ணத்தோன்றுகிறது.


ஏழ்மை நிலையிலிருந்து எப்படியாவது தப்பித்து சென்று, இந்திய பொருளாதார அபிவிருத்தியில் தாமும் ஒரு முக்கிய பங்கு செலுத்தும் வரை உயர் வேண்டுமென ஆழ்ந்த அபிலாஷையில் இருக்கும் மில்லியன் கணக்கான ஏழை இளைஞர்களுக்கு குமார் ரோல் மாடலாக மாறத்தொடங்கியிருக்கிறார் என்பதில் சந்தேகமில்லை.


http://www.4tamilmedia.com/newses/india/1648-life-imitates-art-as-slumdog-clerk-wins-1m

சரியானவருக்கு தான் பரிசு சென்றடைந்திருக்கிறது என எண்ணத்தோன்றுகிறது.

பதிவுக்கு நன்றி.