ஆட்டுக்குட்டியும் நாய்க்குட்டியும்

by nerunchi Fri Oct 28, 2011 8:03 am

உன்னை எங்கும் என்றும்
தொடர நினைத்தேன்
மேரியின் ஆட்டுக்குட்டி போல
விடாமல் தேடித் தேடி
இணையங்களில் கண்டுகொண்டேன்
நீ அடுத்தவர்களின் தோளில்
முகம் புதைத்து ஆறுதல் அடைவதையும்
மடியில் சற்று சாய்ந்து
இளைப்பாற நினைப்பதையும்
எனை பிரிந்த சோகத்தில்தான் எல்லாம் நடந்தது
என நீ கூறும் காரணங்கள்
என் தலையில் பாறாங்கற்களாய்
இப்போது கல்லடிபட்ட தெரு நாயாய்
தொடர முடியாது தோற்று நிற்கிறேன்