மனத்தோட்டத்தில் நற்பண்பை பயிரிடுங்கள்! - சிவானந்தர்

தீபாவளி வாழ்த்து

* தீபாவளித்திருநாள், பிறர் நமக்கு செய்த தீமைகளைக் கூட மறக்கச் செய்யும் நன்னாள். எங்கும் விழா, நட்பு மற்றும் சுதந்திரக் கோலம் தென்படுவதுடன், ஒற்றுமையை ஏற்படுத்தும் விழாவாக இருக்கிறது. அன்று, ஏழைகளுக்கு உணவு, உடை தானமாக அளிப்பதன் மூலம் நம் மனதில் தயாள குணத்தை உருவாக்குகிறது.
* தீபாவளி திருநாளன்று அதிகாலையே எழுந்து விடுகிறோம். இந்தப்பழக்கத்தை தினமும் மேற்கொண்டால் ஆரோக்கியம், வேலைத்திறமை, ஆன்மிக முன்னேற்றம், ஒழுக்கக் கட்டுப்பாடு ஆகியவை வளர்கிறது.
அதிகாலையில் எழுவதன் நன்மையை உணர்வதற்கே, நம் முன்னோர் இப்படி ஒரு பண்டிகையை ஏற்படுத்திஇருக்கின்றனர்.
* தீபாவளித் திருநாள் குடும்ப ஒற்றுமைக்கும், நண்பர்களிடையே நட்பு மேலும் இறுகுவதற்கும், பக்கத்து வீட்டாரிடம் கருணையுடன் நடந்து கொள்வதற்கும் வித்திடுகிறது. "" இறைவனின் குழந்தைகளே! ஒன்றுபடுங்கள், அனைவரையும் நேசியுங்கள்,'' என்று ஆன்மிக வல்லுநர்கள் கூறுவதற்கு எடுத்துக்காட்டாக உள்ளது.
* தீபாவளி வாழ்த்துக்களை ஒருவருக்கொருவர் பரிமாறிக் கொள்ளும் அந்த வாழ்த்துக்களின் அலைகள், ஆகாயத்தை நிரப்பி, உலகில் ஒவ்வொரு ஆண் பெண்ணின் இதயத்திலும் நல்லதொரு மாற்றத்தை ஏற்படுத்துகிறது.
* நம் வீடுகளில் இறுகிப் போன இதயங்களை இளக்கி, அழிவைத் தரும் விரோதப் பாதையிலிருந்து நம்மை விலக்கி நிறுத்துவது தான் தீபாவளி பண்டியை கொண்டாடுவதின் நோக்கம்.
* தீபாவளி திருநாளில் வீடுகளில் விளக்கேற்ற வேண்டும். இருளடைந்த இதய அறை ஒளி வீசவேண்டும் என்பதை இது குறிக்கிறது.
* அமைதியாக உட்காருங்கள், கண்களை மூடுங்கள், புலன்களை உள்முகமாக்குங்கள், இந்தப் பேரொளியில் மனத்தை நிறுத்தி ஆன்மிக பிரகாசத்தைப் பெற்று உண்மையான தீபாவளியைக் கொண்டாடுங்கள்.
* பகவான் கிருஷ்ணர் நரகாசுரனை வதம் செய்த நாளே தீபாவளி திருநாளாக கொண்டாடப்படுகிறது. அத்துடன் பகவான் விஷ்ணு- லட்சுமி தேவியின் திருமண நாளாகவும் உள்ளது. வங்காளத்தில் காளிமாதாவை வழிபட அர்ப்பணிக்கப்பட்ட நாளாகவும், ராவணனை வென்ற ஸ்ரீராமர் அயோத்திக்கு திரும்பிய நாளாகவும் தீபாவளி புனித திருநாளாகக் கருதப்படுகிறது.
* ஒரு கெட்ட எண்ணத்தை அழித்து விடுவதால், பிற கெட்ட எண்ணங்கள் தானாக அழிந்து விடுகிறது. இதனால் நமது மனவுறுதியும், ஆன்மிக சக்தியும் பெருகுகிறது.
* ஒரு கெட்ட எண்ணத்தை நசுக்கி எறிவதில் தோல்வி ஏற்பட்டாலும், மனம் தளரக் கூடாது. முயற்சி இல்லாவிட்டால் வெற்றி கிடைக்காது. தீபாவளி நன்னாளில் எந்தச் செயலிலும் வெற்றி பெறுவதற்கான உறுதியை எடுங்கள்.
* தீய எண்ணங்களை அழிக்க, தீபாவளி திருநாளில் கருணை, அன்பு, தூய்மை, மன்னித்தல், நேர்மை, பெருந்தன்மை, அடக்கம் ஆகிய நற்பண்புகளை உங்கள் மனமாகிய தோட்டத்தில் பயிரிடுங்கள்.

தினமலர்

* தீய எண்ணங்களை அழிக்க, தீபாவளி திருநாளில் கருணை, அன்பு, தூய்மை, மன்னித்தல், நேர்மை, பெருந்தன்மை, அடக்கம் ஆகிய நற்பண்புகளை உங்கள் மனமாகிய தோட்டத்தில் பயிரிடுங்கள்.

இனிமேல் இதேபோல் நாங்கள் பயிரிடுகிறோம்..!
பகிர்விற்கு நன்றி அண்ணா..!

அருண் wrote:

* தீய எண்ணங்களை அழிக்க, தீபாவளி திருநாளில் கருணை, அன்பு, தூய்மை, மன்னித்தல், நேர்மை, பெருந்தன்மை, அடக்கம் ஆகிய நற்பண்புகளை உங்கள் மனமாகிய தோட்டத்தில் பயிரிடுங்கள்.

இனிமேல் இதேபோல் நாங்கள் பயிரிடுகிறோம்..!
பகிர்விற்கு நன்றி அண்ணா..!