தமிழ் சினிமாவிற்கு தயாராகும் வடிவேலு

jesudoss · jesudoss Sun Oct 23, 2011 7:42 pm

வைகை புயல் வடிவேலு தமிழ் சினிமாவின் தலைசிறந்த கொமெடியன்களில் ஒருவராக திகழ்ந்து வந்தார்.
ஒரு காலத்தில் வைகை புயல் என்று தமிழக மக்கள் அனைவராலும் அன்போடு அழைக்கப்பட்டவர் வடிவேலு.

இவரது கொமெடிக்கு மயங்காதவர்களே இல்லை எனலாம், தனக்கென்று ஒரு ரசிகர் கூட்டத்தை தன்னகத்தே வைத்திருந்தார், குறிப்பாக குழந்தைகள் இவரது படத்தை பார்த்து இவரை போலவே இமிட்டேட் செய்யுமனவுக்கு மக்கள் மத்தியில் இடம் பிடித்திருந்தவர்.

ஆனால் சில மதங்கள் முன்பு நடந்த சட்டசபை தேர்தலின் பிரசாரத்தில் தீவிரமாக பங்கேற்று, சில கட்சிகளை கடுமையாக விமர்சித்தார். அதன் விளைவாக ஒரு சில மாதங்கள் சினிமாவை விட்டு விலக வேண்டிய சூழ்நிலை ஏற்பட்டது.

இப்போது அவர் தமிழ் சினிமாவில் மறு பிரவேசம் செய்யவிருக்கிறார் என தெரிகிறது. அவர் சமீபத்தில் நடித்துக் கொண்டிருந்த படங்கள் 'மம்பட்டியான்' மற்றும் 'குலசேகரனும் கூலிப்படையும்'.

பெரிய நடிகர்களின் படங்களில் நடிப்பதற்கு ஆர்வம் காட்டி வருகிறார் வடிவேலு. அவர் இனி ரீ-என்ட்ரி செய்து, முன்பு போல் தமிழ் ரசிகர்களை சந்தோஷப்படுத்த அவருக்கு வாழ்த்துகளை தெரிவித்துக் கொள்கிறோம்.