உறவுகளோடு ஒரு பயணிப்பு

**கா.ந.கல்யாணசுந்தரம்** · 28/02/2009

சந்தணப் பொட்டிட்டு மாலை அணிவித்து

மாப்பிள்ளையை வரவேற்கும்

மைத்துனராக மணமகளின் சகோதரன்!

மணப்பெண்ணின் அலங்காரத்தில்

முழுதுமாய் அக்கறை செலுத்துகின்ற

தாய் வீட்டு சொந்தங்கள் !

புதிய உறவில் தடம் பதிக்கும்

சம்பந்திகளின் சம்பந்த நலுங்கு!

மணப்பந்தலில் கைவிளக்கேந்தி நிற்கும்

நாத்தனாராக மணமகனின் சகோதரி !

மங்கல நாண் அணியும்முன்

மணமகளை மடிமீது

அமர்த்திகொள்ளும் தாய் மாமன் !

அட்சதை அனைவரிடமும் கொடுத்து

மங்கல மனைமாட்சிக்கு

ஆசி கேட்கும் மாமன் மைத்துனர்கள் !

சீர்வரிசை முறையாக

கொடுத்து மகிழும் தாய் !

மருமகன் மருமகளை தன்மக்களாக

ஏற்றுக்கொள்ளும் மாமனார் மாமியார் !

கணவனே கண்கண்ட

தெய்வமென்று மனைவியும்…

மனைவி சொல்லே

மந்திரமென கணவனும்….

மாதா பிதா குரு

தெய்வமென பிள்ளைகளும்…..

இப்படியே உறவுகள் நமது பயணிப்பில்

இறுதிவரை தொடர்ந்துகொண்டே இருக்கிறது….

பாசம் எனும் முகமூடி அணிந்தவாறே..... !

.......கா.ந.கல்யாணசுந்தரம்.

**கா.ந.கல்யாணசுந்தரம்** · 28/02/2009

**உமா** · **உமா** Sat 17 Dec 2011 - 16:20

ஐயா...தற்போது தான் பதிவை கண்டேன்.

அன்பு மலர்

பிறப்பிலிருந்து இறப்புவரை உறவுகள் தொடர்ந்து கொண்டே வருகின்றன. ஒவ்வொரு நிலையிலும் ஒவ்வோர் உறவுகள் முக்கிய நிலை வகிக்கின்றனர்.

உறவுகளின் பயணந்த்தை தாங்கள் சொன்ன விதம் அழகு
வரிகள் அருமை ஐயா.
மகிழ்ச்சி