சிரிக்க வைத்த வசனங்கள் என் தந்தையுடையது

**கோவிந்தராஜ்** · 20/02/2011

சிந்திக்க வைத்தார் என் தந்தை

ஒரு நாள் என் சிறு வயதில்(5) நான் சாபிட்டுக்கொண்டிருந்தேன் அப்போது என் தந்தை வேலைக்கு கிளம்பிக்கொண்டிருந்தார் ,
தலையில் எண்ணை வைபதற்காக அவர் அந்த குடுவையை திறந்து பார்த்தார்,
உள்ளே ஒன்றும் இல்லை உடனே அவர் கோபத்தில் என் அன்னையிடம் குடுவையினுள் பார்த்தபடியே கூறியதாவது

" எண்ணாடி இதில என்னையும் காணோம் ஒன்னையும் காணோம் "

எனக்கு சிரிப்பு வந்துவிட்டது எப்படி அம்மாவும் அப்பாவும் அந்த குடுவைக்குள் இருக்கமுடியும் என்று .

மற்றொரு நாள் எனக்கு பத்து வயதிருக்கும் என் அன்னையும் என் பாட்டியும் மாடு வளர்ப்பதை பற்றி பேசி கொண்டிருந்தார்கள் அப்பொழுது என் தந்தை வீட்டினுள் நுழைந்தார் ,
வந்தபடியே அவர் கூறியதாவது

" என்ன மாடு மாடுன்னு பேச்சி ,மாடு தானே அது ஒண்ணும் தொள்ளாயிரம் ரூபா இல்ல, பதிநாலாயிரம் தான் ஒண்ணு வாங்கி தரேன் யார் மேய்க்கிறீங்க "

நான் சிரித்து விட்டேன் அப்புறம் தான் எல்லாருக்கும் புரிந்தது அங்குள்ள பிழை .

இன்று காலையில் நாங்கள் சாபிட்டுக்கொண்டிருந்தோம் அப்போது என் அன்னையை பார்த்து நான்
"என்ன குழம்பு என்று" கேட்டேன் .என் அன்னையோ "கார குழம்பு" என்று கூறினார்கள் ,
அதை சாப்பிட்டுக்கொண்டிருந்த என் தந்தை

"ஆமாம் காரக்குழம்பு வச்சிருக்கா காரக்குழம்பு தேனாட்டம் "

என்றாரே பார்போம் என்னால் சிரிப்பை அடக்கவே முடியவில்லை .
என் சிரிப்பை பார்த்து என் அன்னையும் சிரித்து விட்டார் . விளக்கி கூறியவுடன் என் தந்தையும் சிரித்து விட்டார்.

நன்றி அப்பா