சொற்போர் செய்யலாம் வாங்க- எது சரி? வாழ்த்துகளா இல்லை வாழ்த்துக்களா?

by ஆளுங்க Fri 21 Oct 2011 - 20:06

First topic message reminder :

சமீபத்தில் நண்பர் ஒருவரின் வலைப்பூவிற்குச் சென்றேன்..
அங்கு தமிழ் சொற்கள் பற்றிய ஒரு விவாதம் இருந்தது..

விவாதத்தை இங்கும் விவாதிக்கலாம் என்று இங்கு பதிகிறேன்
தமிழில் சில சொற்கள் எழுதும் போது பலரும் பல வழிகளில் எழுதுகிறோம்.. எது சரியான முறை?

உதாரணத்திற்கு,
ஒருவரை வாழ்த்துவதிலேயே துவங்குவோம்!!
"வாழ்த்துக்கள்" என்று சிலர் எழுதுகிறோம்!!
"வாழ்த்துகள்" என்று சிலர் எழுதுகிறோம்!!

இதில் எது சரி --- வாழ்த்துக்களா இல்லை வாழ்த்துகளா??
உங்கள் கருத்து என்ன?ஏன்?

இது தான் முதலாம் சொற்போர்!!

பி.கு: உறவுகள் இது போன்ற பிற சொற்களையும் கொண்டு இங்கு போர் தொடுக்கலாம்!!

by **krishnaamma** Mon 21 Jan 2013 - 22:45

ஒருவர் வாழ்த்துக்கள் என்கிறார் ..இன்னொருவர் வாழ்த்துகள் என்கிறார்.

இரண்டில் எது சரியானது? இதைப்பற்றி தெரிந்து கொள்ள வேண்டுமென்றால் குற்றியலுகரம் என்றால் என்ன என்று தெரிந்து கொள்ள வேண்டும்.

உ என்ற ஓசையில் சில சொற்கள் முடிகின்றன அல்லவா? ( பசு , பந்து போன்றவை ) . இவை தன் இயல்பான நிலையில் இருந்து குறைந்து ஒலித்தால் குற்றியலுகரம். அதிகரித்து ஒலித்தால் முற்றிய லுகரம்.

இந்த குற்றிய லுகரத்திலேயே பல வகைகள் இருக்கின்றன..

நெடில் தொடர் குற்றியலுகரம் - உதாரணம் : மாடு , பாகு
ஆயுதத் தொடர் குற்றியலுகரம் - உதாரணம் : எஃகு
உயிர்த் தொடர் குற்றியலுகரம் - உதாரணம் : வரகு, வரவு, செலவு, மிளகு
வன் தொடர் குற்றியலுகரம் - உதாரணம் : கொக்கு , மக்கு, பாக்கு, சாக்கு
மென் தொடர் குற்றியலுகரம் - உதாரணம் : சங்கு, பங்கு, பந்து, அம்பு, வம்பு
இடைத் தொடர் குற்றியலுகரம்- உதாரணம்: எய்து, அல்கு

எந்த சொற்களுக்கு பின் க் ச் ப் என்ற புள்ளி வைத்த எழுத்து வரும் என எளிதாக நினைவு வைத்து கொள்வது எப்படி?

இலக்கணம் எல்லாம் இல்லாமல் எளிதாக பார்க்கலாம்.

1 நெடில் எழுத்தில் ஆரம்பிக்கும் இரண்டு சொல் சொற்களுக்கு பின் , புள்ளி வைத்த எழுத்து வராது..

உதாரணம்.. மாடு , ஆடு .... இதில் ஆடுகள் , மாடுகள் என்று வருமே தவிர ஆடுக்கள் , மாடுக்கள் என்று வராது..

2 பசு , மரு, கணு போன்று குறில் எழுத்தில் ஆரம்பிக்கும் சொற்களுக்கு பின் ,புள்ளி வைத்த எழுத்து வரும்..

பசுக்கள், மருக்கள், கணுக்கள் ( பசுகள், கணுகள் என எழுத்தக் கூடாது )

2 குறில் எழுத்துக்கு பின் வரும் உகார எழுத்துக்கு பிறகு புள்ளி வைத்த எழுத்து வராது..

செலவு, வரவு- செலவுகள், வரவுகள் என்று எழுத வேண்டும்

3 க் ச் ட் த் ப் ற் போன்ற எழுத்துகளுக்கு பின் வரும் உகார எழுத்தை தொடர்ந்து புள்ளி வைத்த எழுத்து வராது..

வாக்கு - வாக்குகள் ( வாக்குக்கள் அன்று )

கணக்கு - கணக்குகள்

நாக்கு - நாக்குகள்

வாத்து- வாத்துகள்

வாழ்த்து - வாழ்த்துகள் ( வாழ்த்துக்கள் என்பது தவறு )

உதாரணமாக தோப்புகள் என்பது தோப்பு என்ற சொல்லின் பன்மை.

தோப்புக்கள் என்றால் தோப்பில் இருந்து உருவாக்கப்பட்ட கள் என அர்த்தம்.

அதே போல வாழ்த்துக்கள் என்று சொன்னால், புதிய வகை கள் என்ற அர்த்தம்தான் தொனிக்கும்.

வாழ்த்துகள் என்பதே வாழ்த்து என்பதன் பன்மை வடிவம்.

சரியா? புன்னகை

இதை இணையத்தில் பார்த்தேன் நண்பர்களே புன்னகை

by **கே. பாலா** Mon 21 Jan 2013 - 22:54

எப்படி கிருஷ்ணம்மா இப்படியெல்லாம் ,,,, சிரி

by யினியவன் Mon 21 Jan 2013 - 22:57

கே. பாலா wrote:எப்படி கிருஷ்ணம்மா இப்படியெல்லாம் ,,,,

இப்ப புரியுதுங்களா சமையல் யாரு பண்றான்னு? புன்னகை

by **krishnaamma** Mon 21 Jan 2013 - 22:57

கே. பாலா wrote:எப்படி கிருஷ்ணம்மா இப்படியெல்லாம் ,,,,

அது வந்து பாலா........Search.............Copy..............Paste.............. ஜாலி

அவ்வளோதான் ! நம் நண்பர்களுக்கு என்னாலான ஒரு சின்ன உதவி புன்னகை

by **krishnaamma** Mon 21 Jan 2013 - 22:58

யினியவன் wrote:
கே. பாலா wrote:எப்படி கிருஷ்ணம்மா இப்படியெல்லாம் ,,,,
இப்ப புரியுதுங்களா சமையல் யாரு பண்றான்னு?

ஹேய்.... அது என் சொந்த சரக்கு பா........ புன்னகை

by **Muthumohamed** Tue 22 Jan 2013 - 0:30

வாழ்த்துகள் என்பதே எனது கருத்தும்

by ராஜு சரவணன் Tue 22 Jan 2013 - 0:37

வாழ்த்துகள் என்பது சரி என்று நினைக்கிறன்

by சதாசிவம் Tue 22 Jan 2013 - 11:49

http://www.eegarai.net/t73115-topic

இதே கேள்வியில் ஈகரையில் உள்ள மேற்கண்ட பதிவை படிக்கவும், விளக்கமான பதில் அளிக்கப்பட்டுள்ளது.

வாழ்த்துகள் என்பதே சரி,

by **Ahanya** Tue 22 Jan 2013 - 11:55

வாழ்த்துகள் தான் சரி என்று நினைக்கிறேன் கவி....... ஒன்னும் புரியல

by மஞ்சுபாஷிணி Tue 22 Jan 2013 - 13:15

கரூர் கவியன்பன் wrote:வணக்கம் நண்பர்களே.

எனக்கு ஒரு சந்தேகம் அவ்வப்போது வந்துவிடுகிறது.

வாழ்த்துகள் மற்றும் வாழ்த்துக்கள் இதில் எது சரியான உச்சரிப்பு ?

வாழ்த்துகள் தான் கவியன்பன்...